Nyökit 26:3 - Bibilia Buk na Ŋun nagon koti luŋu a

³ A do ködyö iti ko koane logon gwon nyu i kilu perok, a kulyani ko lepeŋ adi, Nan a tukökiŋdyö MATAT Ŋun ilot i lo lor adi nan aje poŋdya i lo jur logon MATAT a milyekin merenyejin kaŋ i tiŋdu na yi lo.

Nyökit 26:3 ပူးပေါင်းရင်းမြစ်များ

Suluet 17:8

A nan mo tiŋdi do se ko nyakwariat kulok lo gwon konut i mukök kilo, jur lo mönuŋdye do kata lu, iŋkoi, jur lo Kanana liŋ, anyen gwon a lomore lo yeŋ nyin; a nan mo gwe a Ŋun lose.

Suluet 26:3

Si ’dani i lo jur, a nan mo gwe ko do, a mo ’boroji do; kogwon nan mo tiŋdu do kilo juron liŋ a kulök ko i nyakwariat kulök, a nan mo togwi ’dikiŋdye milye go logon nan a milyekin monye ilot Abarayama lo.

Nyökit 1:8

Meddi ta, nan aje tiŋdu ta lo jur kasu i komor; lupöni ta lukata ko morgi ta lu jur logon nan MATAT aje milyekin tiŋdu merenyejin kasu, logon a ko Abarayama, ko Yisaka, ko Yakobo, ko nyakwariat kase i mukök kilo.

Nyökit 19:17

nyena a kilo murek logon gwon ko rerenyet kase kiden kilo ködyö gwo ’de ko MATAT i komor, i komor na koanejin ko na ka ’duŋök logon ködyö gwon yu i kilu perok kulu.

Nyökit 26:2

a do ködyö ’dumuŋdye kulye waŋesi ti kinyojin liŋ ti melesen, logon do aje kwökwötun i lu jur logon MATAT Ŋun ilot mo titin do lu, a do ködyö tiŋdi se i kupö lukata, a do iti i pirit nagoŋ MATAT Ŋun ilot mo wuwulun nu, i tiŋdu na karin kanyit i si ’da nyu.

Nyökit 26:4

A koane ködyö ’dumuŋdye kupö konut i könin, a tikiŋdye nye kak i komor na pirit ’yuret na rubaŋ-gajin ti MATAT Ŋun ilot.

Ebere 10:21

Yi gwe kata ko koane duma logon meddya mede na Ŋun,

Ebere 13:15

Nyenagon kogwon kulya ti Yesu, ti yi ŋupi wukiŋdye Ŋun rubaŋga pupuret logon lupuŋdyö kayaŋ i kutusen i ’diŋdya na karin kanyit.

Ebere 7:26

Kogwon koane duma gwoso ŋilo ’diri a jukin yi. Lepeŋ a loke, ’bak kulya, a gwe a ko toluta, lepeŋ a gelaji kaŋo ko katoronyak kiden, soŋinana lepeŋ aje ’ ’biluŋ ki Iwolwoŋ ’diko.

1 Petero 2:5

anyen ta ’dukö gwoso ŋurupö lo gwon jörun a kadi na Mulö kötyo, anyen ta gwon a koanejin loke, i wukiŋdya na rubaŋgajin ti töilyet kasu logon Ŋun a ruk kogwon Yesu Kristo.