Nyökit 26:14 - Bibilia Buk na Ŋun nagon koti luŋu a

¹⁴ a nan gwe a ko nyesu i topuökit na delyari nan nu, a nan gwe a ko joŋ nene nanyit kaŋo na gwoŋdi nan a lut i kulya ti keri nu, kode tiŋdu nene nanyit i kulya ti lo twatwa; nan aje yiŋga gworo ilot pon MATAT Ŋun liŋ, a nan aje koŋdya ŋo liŋ nagoŋ do a saŋi nan kune.

Nyökit 26:14 ပူးပေါင်းရင်းမြစ်များ

Saumajin 106:28

Se a morakindya i kwakwaddu na Bala Peor yu, a nyesi rubaŋgajin lo wuki ŋutu lo twatwa kulo;

Saumajin 18:22

Kogwon ’duŋesi kanyit liŋ gwon köyö i komor, a nan tine ŋaju saresi kanyit lo wurö.

Yeremia 16:7

A lele ŋuto mo gwe ’bayin lo nyesu kinyo ko ŋuto lo dedelya i pirit na geleŋ anyen sugga lepeŋ, iŋkoi, ŋuto ’bayin loron tiŋdu lepeŋ kopo na binyo anyen sugga lepeŋ kogwon twan na monye se ko ŋote.

Ejikele 24:17

’Duani ’dua, ama ’bayin ko gworo logon yiyiŋa; ti do gwe ti delya nye na twan na. Dukukiŋdye ema konut i kwe, sukiŋdye kamuka konut i mokosi, ti do gwe ti muggö kutuk inot ko boŋgo a delyaet, ti do gwe ti nyesu kinyo lo ŋutu lo dedelya.

Osea 9:4

Lepeŋat mo ti bulo popogga binyo a rubaŋgajin ti MATAT, a se mo tine bulo tulyöŋgu lepeŋ ko rubaŋgajin kase yu. Kinyo lose gwon gwoso kinyo lo ŋutu lo dedelya; ŋutu lio lo nyesu ŋilo kinyo mo totoluta; kogwon kinyo lose a lo magor nase ka ’de; a mo tine wuki i kadi na MATAT.

Lewi 21:1

A MATAT jambi ko Mose adi, Kulyani ko ŋwajik ti Arona koanejin kulo, ko jamakiŋdye lepeŋat adi, lele lose ködyö ’bayin logon toluddya mugun i kulya ti ŋutu kanyit lo twatwa,

Lewi 21:11

nye ködyö ti lupö lukata i nene öpu, kode toluddya mugun nanyit, ma ’di i kulya ti monye kode ti ŋote nanyit;

Lewi 7:20

ama ŋuto lo nyesu lokore na ’duŋö a na rubaŋga lo wuki MATAT kogwon taliŋ lo, ko nye gwon ko nene ŋo kanyit i mugun nagon tiŋdu lepeŋ gwon a lut i kulya ti keri, a lu ŋuto kodyo riköjine kaŋo i ŋutu kanyit.

Malaki 2:13

A ta koti koŋdi sona. Ta muggo pirit ’yuret na rubaŋgajin ti MATAT ko politan, se ko gwien ko wiwinya kogwon lepeŋ tine yeyeju ’dokesi kasu, koti a nye tine nyar wuju se kasu i konisi.

Nyökit 13:5

A ŋilo nebi, kode ŋilo karudwenit lo rudweesi ködyö tatuani tatua; kogwon nye a jambu togiresi i kulya ti MATAT Ŋun losu logon a joŋdya ta kaŋo i jur lo Ejipeto, ko a dakuŋdya ta kaŋo i pirit na to ’dupien lo, i lulukaddu na ta kaŋo i kiko logon MATAT Ŋun losu a saŋi ta i wöröri lo. A ta ködyö joŋe kulya narok kaŋo kasu kiden.

Nyökit 15:5

ko ta ködyö ’diri yiyiŋ gworo lo MATAT Ŋun losu, i tiju i koŋdya na kilo saresi liŋ logon nan a sarakin ta i lo lor kulo.

Nyökit 16:11

A ta lyöŋi lyöŋön ko MATAT Ŋun losu i komor ko ŋwajik kasu lulyan ko nawate, ko kölipönök kasu lulyan ko nawate, ko Lewijin lo gwon kasu i turön, ko ŋutu lo si ’da a lepelok, ko kikijikö, ko karu ’bejin nagoŋ gwon kasu kiden kune. Ta lyölyöŋön i nu pirit nagoŋ MATAT Ŋun losu mo wuwulun i tiŋdu na karin kanyit i si ’da nyu nu.

Nyökit 26:13

A do ködyö kulyani ko MATAT Ŋun ilot i komor adi, Nan aje joŋ kaŋo ŋo nake na rurwan köyö kadi, köti a nan aje tikiŋdya se ko Lewijin, ko i ŋutu lo si ’da a lepelok, ko i kikirikö, ko i karu ’bejin, gwoso i saresi liŋ logon do aje saŋi nan kulo. Nan a ko laŋgu lele lo saresi kulök, a nan köti gwe a ko böŋö se;

Nyökit 26:15

Bopuŋdye kak ki yu i pirit iŋot nake na si ’dari do ŋina, ko ’boroji ŋutu kulök Yisaraele, se ko kak nagoŋ do aje tikin yi na, gwoso na milyekiŋdye do merenyejin kaŋ jur logon ko le ko siwatat ’do ’dokon kata lu.