Nyökit 24:2 - Bibilia Buk na Ŋun nagon koti luŋu a

² A na yuöddi nu ŋuto kaŋo i nu kadi nu, a iti tu a gwe a nakwan na lele lalet,

Nyökit 24:2 ပူးပေါင်းရင်းမြစ်များ

Ejikele 44:22

Lepeŋat kodyö ti yemba karu ’bejin kode ŋutu nagon aje yanya, ama tuŋ bubulö yemba kö ’disi na yuŋwe i kötumit na Yisaraele, kode karu ’bejin nagon köju a wate ti koanejin.

Lewi 21:14

Ama nye ködyö ti yemba karu ’be, kode nene nagon a yanya, kode ŋuto nagon a toluta, kode kalupe; ama nye ködyö yemba nakwan nagon a kö’disityo na ŋutu kanyit,

Lewi 21:7

A se ködyö tine yemba kalupe kode nene ŋuto nagon a toluta; köti a se tine yemba ŋuto nagon a yanya ko lalet; kogwon koane a loke lo Ŋun lonyit.

Lewi 22:13

Ama ko ködyö ŋuro na koane a karu ’be kode a paya ko lalet, a nye gwe ’bak ŋuro, a yitöni bot ko monye i ’baŋ gwoso i tukti ’disen nanyit nu, nye bubulö nyesu kinyo lo monye; ama a ŋuto lepetyo ködyö tine nyesu kata.

Kenet 30:9

Ama karu ’be, kode nakwan na yanya na, lepeŋ ködyö kökon milye kode ŋo liŋ na toŋa lepeŋ kune.

Matayo 5:32

Kölumbö nan takiŋdya ta adi, I ŋutu liŋ geleŋ geleŋ ŋuto logon yaŋdu nakwan nanyit ake yaŋdu ko a rye i lupö, a nye tiŋdi lepeŋ wora a kalupe, a ko ŋa lo yemba ŋuto nagon aje yanya na köti a luŋ lepeŋ.

Marako 10:11

A nye kulyani ko se adi, Ko ŋuto logon a yaŋdu nakwan nanyit a yembi nene, lepeŋ a toroŋdya nakwan nanyit kogwon nye a lubbo nene.

1 Korinto 7:15

Ama ko lalet kode nakwan nagon a ko yubbö na ’de ’dekan tu a ti nye iti. Luŋaser lo yubbö kode kiaser na yubbö a ko ri ’diki i kulya gwoso kine. Kogwon Ŋun a luŋ ta anyen si ’da ko taliŋ kasu i midijik.

Nyökit 24:1

Ko lele ŋuto a yemba nakwan a joŋgi lepeŋ, a mo gwe sona adi, ko ködyö nye ti lyöŋön ko lepeŋ kogwon nye aje ryeju nene ŋo ko lepeŋ nagoŋ toyujö kwe, a nye wurökiŋdye lepeŋ waraga yanyet, a tikiŋdye ko nu ŋuto i könin, a riköddi lepeŋ kaŋo kanyit kadi.

Nyökit 24:3

a ko ködyö lalet tomurek lu a maŋdu lepeŋ, a wurökiŋdye lepeŋ waraga yanyet, a tikiŋdye kanyit i könin, a riköddi lepeŋ kaŋo kanyit kadi; kode ko ködyö lalet tomurek a twan logon a joŋga lepeŋ a nakwan nanyit nu,