Nyökit 24:1 - Bibilia Buk na Ŋun nagon koti luŋu a

¹ Ko lele ŋuto a yemba nakwan a joŋgi lepeŋ, a mo gwe sona adi, ko ködyö nye ti lyöŋön ko lepeŋ kogwon nye aje ryeju nene ŋo ko lepeŋ nagoŋ toyujö kwe, a nye wurökiŋdye lepeŋ waraga yanyet, a tikiŋdye ko nu ŋuto i könin, a riköddi lepeŋ kaŋo kanyit kadi.

Nyökit 24:1 ပူးပေါင်းရင်းမြစ်များ

Yuörö 21:10

A ko lepeŋ a yemakiŋdya mugun nene nakwan, a ti nye ködyö gwe ti nyökuŋdyö kinyo lonyit a lo ’dit, ko boŋgwat kanyit ku ’dik, ko ti nye gwe ti kö ’yu dotori lepeŋ.

Yisaya 50:1

MATAT lo kulya sona adi, Niya waraga yanyet na ŋuti nagon nan a yaŋdi lepeŋ na? Kode nan a tugwörökiŋdyö ta ko lon ŋuto logon nan a kuŋö gurut ko lepeŋ? Meddi ta, ta a tugwörö kogwon ŋonyesi kasu a ŋuti aje yanya kogwon tyapesi kasu.

Yeremia 3:1

Ko ŋuto a yaŋdu nakwan nanyit a ŋina ŋuto kö ’yi nye a yemani ko lele lalet, ŋilo ŋuto ŋona bubulö yitö ko ŋina ŋuto yu le? ŋina nakwan ŋona a ko toluta parik le? Do aje biryeri mugun gwoso kalupe ko kanyarak jore, do ŋona bubulö yitwe köyö ni le? ŋilo a nan MATAT lo pija.

Yeremia 3:8

Lepeŋ a met nan i sunyukiŋdyö na Yisaraele nagon tu kaŋo köyö na, nan a sunyukin lepeŋ ko waraga yanyet kogwon lulupesi kanyit liŋ, a kiaser nanyit Yuda nagon a kadumanit na nyuŋ ti kujönö, ama a lepeŋ köti biryeri mugun gwoso kalupe.

Malaki 2:16

Kogwon MATAT ŋun lo Yisaraele lo kulya adi, Nan maman yaŋdu, a nan maŋdi nye logon ’dumuŋdya moro a muket nanyit, MATAT lo kurumi lo kulya. Nyenagon tini ta ti ’borik ko an ta ko mumulugga ta.

Kenet 5:12

Taki ŋutu ti Yisaraele adi, Ko nakwan na lele ŋuto a giran a kona-kiŋdye lalet toron aka,

Kenet 5:28

Ama ko nuŋuto a ko toluddya mugun a nye gwe a nake, nyena a nye mo gwe ’bak kulya, a mo yuŋweni ŋwajik.

Matayo 1:19

A Yosepa lalet lonyit gwe a ŋuto lo rigwo, a tine ’bon toyujo kwe na Maria ko ŋutu liŋ i komor, a lepeŋ ’deke yaŋdu nye a Iwon.

Luka 16:18

ŋuto logon yaŋdu nakwan nanyit, a yembi nene, nye a luŋ lepeŋ. Ŋuto logon yemba ŋuto nagon a yanya na nye a luŋ lepeŋ.

Nyökit 21:15

A ko ŋuto gwon ko wate murek, nene na nyanyara ko nene na mamana, a ko se liŋ nagoŋ nyanyara ko nagoŋ mamana na a yuŋwekiŋdyö lepeŋ ŋwajik, a ko ŋuro kayu a lo nakwan na mamana,

Nyökit 22:13

A ko lele ŋuto a joŋga narakwan, a mori ko lepeŋ, a maŋdi lepeŋ,

Nyökit 22:19

a se ’duŋökiŋdye lepeŋ riŋet a ropet na toron nagoŋ temuŋdya a sekelejin mia geleŋ ti pödö, a mo tikin-dye se monye ŋuro, kogwon nye aje jakiŋdya ŋuro ’diet na Yisaraele karin narok; a nye mo gwe a nakwan nanyit; a lu ŋuto tine yan lepeŋ i perok gwiliŋisi kanyit liŋ.

Nyökit 22:29

nyena a lu ŋuto logon a doto ko lepeŋ lu ködyö tikiŋdye monye ŋuro pödöjin merya mukanat, a nye ködyö gwe a nakwan nanyit, kogwon nye aje to ’did-dya lepeŋ; a nye ködyö tine yan lepeŋ i perok gwiliŋisi kanyit liŋ.

Nyökit 24:2

A na yuöddi nu ŋuto kaŋo i nu kadi nu, a iti tu a gwe a nakwan na lele lalet,

Nyökit 24:3

a ko ködyö lalet tomurek lu a maŋdu lepeŋ, a wurökiŋdye lepeŋ waraga yanyet, a tikiŋdye kanyit i könin, a riköddi lepeŋ kaŋo kanyit kadi; kode ko ködyö lalet tomurek a twan logon a joŋga lepeŋ a nakwan nanyit nu,