Nyökit 23:4 - Bibilia Buk na Ŋun nagon koti luŋu a

⁴ kogwon se a ko tu i rum ko ta i kiko baraddu ŋo lo nyenyei ko pioŋ i diŋit na yuöddi ta kaŋo i Ejipeto nu, köti kogwon se a robba Balam ŋuro lo Beor i Peor na Mesopo-tamia yu i lömbu na ta.

Nyökit 23:4 ပူးပေါင်းရင်းမြစ်များ

1 Moran 18:4

a gwe sona nagon ŋebele totoggi nebijin ti MATAT kak nu, a Obadia joŋgi nebijin mia geleŋ a ’de ’yi se merya mukanat merya mukanat i kuggiöt, a jakiŋdye se ambatajin ko pioŋ.)

Ejira 9:1

A i mukök nagon kine kulya ajekona nu, a temejik ti ŋutu poŋdi köyö ni, a kulyani adi, ŋutu ti Yisaraele ko koanejin se ko Lewijin a ko nyuŋ koruŋdya ’börik kaŋo i konesi manat ti ŋutu ti Jurön ti Kanana, ko ti Kiti, ko ti Periji, ko ti Yebusi, ko ti Amon, ko ti Moaba, ko ti Ejipeto, se ko ti Amori.

Nemaya 13:2

kogwon se koju a ko tu i rum ko ŋutu ti Yisaraele i lwöggu na lepeŋat ko kinyo kode ko pioŋ, ama kölumbö a gwörökiŋdye Balam a miriku i lömbu na se—ama a Ŋun likaŋ lopuke lömo a ’boriet.

Yisaya 63:9

i yöyöŋesi kase liŋ. Nye a ko yökijö kode ŋuto kode malaikatat ama nye lepeŋ lo lwöŋgu lepeŋat; a nye dakuŋdye lepeŋat kogwon nyaŋu nanyit kowon nanyit na konyen; a nye ’dukuŋdye lepeŋat ki a ’dokoddi se i perok liŋ ti ’beron kulu.

Yeremia 49:1

’Dolet i kulya ti ŋutu ti Amon. MATAT lo pija adi, Yisaraele ŋona ’bak ŋwajik lulyan le? Lepeŋ ŋona ’bak ŋuro lo ruddya ŋo kanyit le? Ko nyo nagon Milikom aje ruddya Gada? Ko nyo nagon ŋutu ti Amon si ’da i köjinö ti Gada?

Delyasi 1:10

Merok aje riöddu könisi kase i ryaggu na ŋo liŋ nakwekwelen ti köji, iŋkoi, köji aje met ŋutu ti jurön lupö i pirit nake na rurwan, kilo a ŋutu ti jurön logon do MATAT a teŋ i lupö konut i mo-moret kulo.

Ejikele 44:9

Nan MATAT ŊUN lo kulya adi, Lwaka logon a ko tawero i töilyet ko i mugunya kulo ’bayin logon bubulö lupö i pirit nio nake na rurwan, ’bayin ma ’di Lwaka lo si ’da i kiden na ŋutu ti Yisaraele.

Jakaria 2:8

A MATAT lo kurumi kulyani sona i diŋit nagon nye soŋdi nan i koŋdya na kita na kukwon i kulu gweyarijin ti ŋutu logon a ryaggu ta kulu, kogwon nye logon a ’bo ’yu ta lo aje ’bo ’yu kiden na kone lonyit lo MATAT,

Kenet 22:17

kogwon nan mo bu ’ya do ko bulet duma parik, a ŋo liŋ nagoŋ do a jamakin nan kine a nan mo koŋdi koŋdya. Po, lömöki nan kilo ŋutu.

Kenet 23:7

A Balam tokoŋ adi, Balak a joŋdya nan Aram yu, iŋkoi mor lo Moaba a joŋdya nan kaŋo i merya ti swöt lo ’yure kulya adi, Po, lömöki nan ŋutu ti Yakobo, po, senye ŋutu ti Yisaraele!

Matayo 25:40

A nan Mor mo waddi adi, ’Diri nan takiŋdya ta adi, gwoso nagon ta a konakiŋdye ma ’di lele geleŋ lo ’dit lo kilo luŋasirik kwe, kweja adi ta a konakiŋdya nan.

Konesi 9:4

A lepeŋ ’dorone kak, a yiŋge gworo lo pija nye adi, Saula, Saula, ko nyo nagon do sasaŋdu nan sona?

Yosua 24:9

Nyena a Balak ŋuro lo Siŋör, mor lo Moaba, ŋiki i mörö ko ŋutu ti Yisaraele; a nye soŋdi kutuk i lu ŋgu na Balam ŋuro lo Beor i lombu na ta,

2 Petero 2:15

Lepeŋat aje ko ’yu kiko lo rigwo a iŋge giran, a kepoddi kiko lo Balam ŋuro lo Beor logon nyanyar ropaki i koŋdya na toron,

Yuda 1:11

Woidio lepeŋat! Se kepoddu kiko lo Kaina, a kolokiŋdye ’borik i lyaŋan kogwon se ’dek gurut gwoso na lyaŋgi Balam koju nu, a se iŋge renya gwoso na renyari Kora koju nu, a mo tatuani gwoso lepeŋ.

1 Samuele 25:11

Ada lolor nagon nan ’dumuŋdya kinyo liŋ, ko pioŋ kwe, ko lokore nio nagon nan a ’duŋökin kakitak kwe ka ’barinuk ti yidin, anyen nan tikin i ŋutu logon nan ti den ko po ya?