Nyökit 23:3 - Bibilia Buk na Ŋun nagon koti luŋu a

³ A ŋuto lo Amon kode lo Moaba ködyö gwe ’bayin lo morakiŋdya i pepenet na MATAT; iŋkoi lele lose ködyö gwe ’bayin lo morakiŋdya i pepenet na MATAT ŋupi tojo ko nyakwari topuök;

Nyökit 23:3 ပူးပေါင်းရင်းမြစ်များ

Nemaya 13:23

I kilu perok köti nan meddya Yudayaki logon a yemba ŋutu wate ti Asedoda, ko ti Amon, se ko ti Moaba;

Nemaya 4:3

A Tobia lo Amon gwe kanyit nyona, a lepeŋ waddi adi, Ee, ŋina gorom na ’duk se ko ŋurupö ŋina ma ’di ko gwagwe a kija i loki nanyit a mo duduyomökin kak!

Nemaya 4:7

A nagon Sanabalat, ko Tobia, ko Arabi, se ko ŋutu ti Amon ko ti Asadoda ko yiŋge adi nyoko na tetena na gorom nagon a mariŋ na Yerusalema tu ’bura, ko koti adi piriton nagon a tutulujo gwe i ’di ’diya nu, a lepeŋatiŋ ge woran parik;

Yisaya 56:3

Ti lwakatyo logon a moruŋdya mugun ko MATAT ni lo gwe ti jambu adi, MATAT ’diri mo geladdu nan kaŋo i ŋutu kanyit; ko ti ŋuto logon a ’baŋ gwe ti kulya adi, Meddi, nan a ködini loteyon.

Yeremia 49:1

’Dolet i kulya ti ŋutu ti Amon. MATAT lo pija adi, Yisaraele ŋona ’bak ŋwajik lulyan le? Lepeŋ ŋona ’bak ŋuro lo ruddya ŋo kanyit le? Ko nyo nagon Milikom aje ruddya Gada? Ko nyo nagon ŋutu ti Amon si ’da i köjinö ti Gada?

Delyasi 1:10

Merok aje riöddu könisi kase i ryaggu na ŋo liŋ nakwekwelen ti köji, iŋkoi, köji aje met ŋutu ti jurön lupö i pirit nake na rurwan, kilo a ŋutu ti jurön logon do MATAT a teŋ i lupö konut i mo-moret kulo.

Matayo 5:43

Ta aje yiŋ adi köju a saraki adi, Do ködyö nyanyar marate ilot a do maŋdi miriku ilot.

Nyökit 23:2

A ŋuro logon yuŋwe kaŋo ködyö tine morakiŋdya i pepenet na MATAT; a lele lo nyakwariat kanyit ködyö tine morakiŋdya i pepenet na MATAT, tojo ko nyakwari topuök.

Ruta 4:6

A karutyo lo kulyani adi, Nan ti bulo gwöruŋdyö se, kogwon nan kukujonö koŋu rutet nio. Ti do gwöruŋdye po nagon ködyö a kwe kune, kogwon nan ti bulö gworo se.