Nyökit 20:3 - Bibilia Buk na Ŋun nagon koti luŋu a

³ a kulyani adi, Ta ŋutu ti Yisaraele. yiŋge ta, ta aje mijun nyona i lo lor i moro ko merok kasu; ti toilyet kasu gwe ti rusukö; an ta ko kujönö ta, kode böŋdu, ko köti an ta ko rigwökö ta ko se;

Nyökit 20:3 ပူးပေါင်းရင်းမြစ်များ

2 Dekat 32:8

Lepeŋ gwon ko riŋit na mugun, ama yi gwon ko MATAT Ŋun likaŋ i parakiŋdya na yi i moro na gor likaŋ. A ŋutu iŋge yimönö kulyaesi ti Kijikia mor lo Yuda.

Eyobo 23:16

Ŋun aje tomunyan töili liŋ; Kabulönit lo ŋo liŋ aje tokujön nan,

Saumajin 3:6

Nan ti kujono ŋutu aliŋan ti aliŋan ŋuök, logon a gomokindyo nan kiden.

Yuörö 14:13

A Mose kulyani ko Ŋutu kulo adi, Ko kujönö ta, gwo ’de ta go, meddi ta lwökit na MATAT nagon nye de koko-nakin ta i lo lor na; kogwon Ŋutu ti Ejipeto lo met ta i lo lor kilo ta mo tine met se Köti kwöŋ.

Yisaya 28:16

Nyenagon MATAT Ŋun lo kulya sona adi, Meddi, nan lo petakiŋdya ŋurupit Siona a gwo ’diet, ŋurupit logon a tema, ŋurupit lo ŋoŋet logon rye go, nye a gwo ’diet lo togwi ’diki go. Nye logon a yubbö lo mo ti gwon adi kuluk kuluk.

Yisaya 7:4

a do kulyani ko lepeŋ adi, Kunyare kunyar mugun, gwe taliŋ, an do kujono, an do kolokin toili ilot i doddya kogwon kine pilyalan murek nanyut ti kalya, iŋkoi, kogwon Resin ko Suria se ko ŋuro lo Remalia a woran a tömönik.

Kenet 14:9

Ama tuŋ an ta ko renya MATAT; köti ko kujönö ta ŋutu ti lu jur, kogwon se a kinyo likaŋ; a tölimöt nase iŋge ’dumaji kaŋo kase, a MATAT lo gwe koyi; ko kujönö ta se.

Matayo 10:16

Mete ta, nan ŋilo soŋdu ta kaŋo gwoso köbilu i kiden na lujin. Nyena gwe ta a lokoŋ gwoso munuö, ko gwe ta gwoso gureki nagon ti konakiŋdya ŋutu arabat.

Matayo 10:28

Köti ko kujönö ta ŋutu logon tatuja kune mugunya ama ti bulö tatuja kodudwölön; kolumbö kujönöni ta ŋun logon bubulö tukaŋu ko ködudwö ko mugun i Geena.

Matayo 10:31

Nyenagon ko kujönö ta; ta gwon ko ’bulit lwölwoŋ liliitan jore.

Matayo 8:26

A nye pije lepeŋat adi, Ta ŋutu logon ko yupet a na ’dit, nyo ta kukujönö? A kirut nye ŋine ŋien, a riŋge köbuŋöt se ko tör, a ŋo liŋ gwe taliŋ adi lii.

Marako 16:18

a ko se a ’dumuŋdya munuö, a ko se a möju kisum a mo tine konakin se arabat; a se mo sopakiŋdye könisi kase i ŋutu lo gilö, a lepeŋat mo ŋau ŋaun.

Marako 16:6

A nye kulyani ko se adi, An ta ko söŋu ta; ta ga ’yu Yesu lo Najareta logon aje ’bikiki i ködini na görö lo. Lepeŋ aje ŋien i twan, lepeŋ ’bayin ni. Meddi ta pirit nagon se a ’de ’yi lepeŋ na.

Konesi 27:24

A malaikatat kulyani adi, Paulo, ko kujönö, kogwon do agu ködyo gwo ’dan ko Kaisar i komor; nyena mete, Ŋun aje rukökin do adi ŋutu liŋ logon moraddu ko do i ki ’bo kulo mo ti twatwa.

Nyökit 1:21

Mete ta, MATAT Ŋun losu aje pakiŋdya lu jur kasu i komor; iti ta ko morgi ta lepeŋ, gwoso nagoŋ MATAT ŋun lo merenyejin kasu a takiŋdye ta nu; ko kujonö ta, köti an ta ko delya.

Nyökit 20:1

A na tiri ta kadi ŋito i mörö ko merok kasu nu, a na meddi ta kusanjin se ko arabiajin lo jijiko, ko ŋutu logon lwölwöŋ ta kulu a ta tine kujoŋo lepeŋat; kogwon MATAT Ŋun losu lo toyuuŋdyö ta kaŋo i jur lo Ejipeto lo gwon ko ta.

Nyökit 20:2

A mo gwe sona adi, na mijöddi ta nyona i mörö nu, a koane ködyö miju nyona i jambu ko kilu ŋutu,

1 Tesalonike 5:15

Ti ŋuto logon a konaki arabat lo ti gwe ti ropakiŋdya ŋo naron, ama ŋupi möŋi ta i tukonakin ko ’börik ŋo nagon a na ’but ko i ŋutu liŋ.

1 Timoteo 6:12

Möröni parik gor lo ’but lo yupet, ko morgi ru na yeŋ nyin. Ŋun a luŋ do i kine kulya, a do iŋge tuggö yupet na ’but parik i komor na ŋutu jore logon a met kine kulya a tokoŋ tökoŋu.

Ebere 13:6

Nye ŋina kwe nagon yi bubulö jambu a purwat adi, Matat a kaparanit liŋ, a nan tine kujönö; ŋo a nyo nagon ŋuto bubulo konakiŋdya nan?

Yosua 23:10

A ŋuto geleŋ losu riköddi ŋutu aliŋ, kogwon MATAT Ŋun losu lo mörö kasu i swöt, gwoso najambi nye ko ta nu.

Kweyatti 2:10

Ti do gwe ti kujono ŋo nagon do de ŋogoŋ kine. Mete, kaŋöönit de gugubakin kulye kasu i kadi rereket, anyen ta tetema, a ta mo sasanyani ko perok puök. Ŋoŋgi go tojo ko twan, a nan mo tiŋdi do Iŋguya telet logon a ru.

1 Samuele 17:32

A Dawidi kulyani ko Saula adi, Ti töili lo lele ŋuto gwe ti lwö ’yu i kulya ti lu ŋuto. Nan köliŋönit ilot de tutu i mörö ko ŋilu Pelesetetyo.