Nyökit 2:9 - Bibilia Buk na Ŋun nagon koti luŋu a

⁹ A MATAT kulyani ko nan adi, Ko yöyöŋgu ta ŋutu ti Moaba kode ’do ’do ’ya se i ŋor, kogwon nan mo ti tiŋdu ta lele swöt lo jur lose a losu, kogwon nan aje tiŋdu nyakwariat ti Loto köji na Ar a nase.

Nyökit 2:9 ပူးပေါင်းရင်းမြစ်များ

2 Dekat 20:10

Köju na poŋdi ŋutu kao ti Yisaraele kaŋo i jur lo Ejipeto nu, do a ko rukokin se i tu i jur lo ŋutu ti Amon ko ti Moaba, ko ti merya ti Seir, nyena kogwon do a teŋgu se a se girara kaŋo, a kolokiŋdye kulu ŋutu a gwe a ko tukaŋu se.

Saumajin 83:8

jur lo Asura köti a mora ko se i ŋirit na geleŋ; lepeŋat liŋ a ŋarakindya nyakwariat ti Loto.

Yisaya 15:1

’Dolet i kulya ti Moaba adi, I ŋilo tukwaje logon köji na Ara ryaka nu, a jur lo Moaba iŋge ’doro; ŋilo tukwaje logon köji na Kira ryaka nu, a jur lo Moaba iŋge ’doro.

Kenet 21:15

ko dudulesi ti piritön na ’dir na ’dirörö teŋ ko köji na luŋu a Ar, na tikö ko lokökorit lo Moaba.

Kenet 21:28

Kogwon kimaŋ aje tulörö kaŋo suluja Kesebon, iŋkoi ŋedepa ti kimaŋ aje daŋaddu suluja i köji na Sikon. a iŋge ’yur Ar na Moaba, iŋkoi a ’yur piritön ko ’dulan na gwon i merya ti Arenon.

Kenet 22:4

A ŋutu ti Moaba kulyani ko temejik ti Midiyan adi, Soŋinana lo lodir lo ŋutu mo babaju ŋo liŋ kayaŋ i swöt gwoso kiteŋ nagoŋ baju döru lo mu ’diŋ. A Balak ŋuro lo Sipor logon a mor lo Moaba i nu diŋit lo,

Nyökit 2:29

gwoso nagoŋ nyakwariat ti Esau lo si ’da Seir ko ŋutu ti Moaba lo si ’da Ar kulo a konakiŋdye yi nu, tojo koyi mo a laŋaddu i nu pele na Yardene i jur logon MATAT ŋun likaŋ a tikin yi lu.

Nyökit 2:5

an ta ko ’do ’do ’ya ta se; kogwon nan mo ti tiŋdu ta lele swöt lo jur lose, ma ’di pirit nagoŋ ŋuto tiŋdi ’dapanit, kogwon nan a tiŋdu Esau mere Seir a lonyit.

Ka’duŋök 11:15

a kulyani ko lepeŋ adi, Yepeta a jambu adi, ŋutu ti Yisaraele a ko tikaddu kak na Moaba kode kak na ŋutu ti Amon,

Ka’duŋök 11:17

A kirut ŋutu ti Yisaraele yökiöddi ŋutu ko mor lo Edom yu kulya adi, Yi mo ’yu do böŋö ti yi lwöŋöddi konut i jur; ama a mor lo Edom tine yiŋ se. A se köti yökiöddi kulye ŋutu ko mor lo Moaba yu, ama a lepeŋ tine ruk. Nyena a ŋutu ti Yisaraele si ’dani Kadese.

Ka’duŋök 11:18

A kirut lepeŋat wöröri lo yöbu, a loraddi jur lo Edom ko jur lo Moaba, a ’dure i swot lo ’yure lo jur lo Moaba, a ’beggi mera nase i nu pele na kare Arenon; ama a se tine girara i kak na Moaba, kogwon Arenon a lokökorit lo jur lo Moaba.