Nyökit 2:25 - Bibilia Buk na Ŋun nagon koti luŋu a

²⁵ I lo lor nan suluja tiŋdu torigwöggu nasu ko tokujöŋdu nasu i gweyajin ti ŋutu lo gwon i kak ’bukuluŋ kulo, logon mo yiŋga lore losu a mo böŋdi böŋdu a gwe ko kujönö kogwon kulya kasu.

Nyökit 2:25 ပူးပေါင်းရင်းမြစ်များ

Suluet 35:5

A na jölöri se nu, a tokujönöet na po ko Ŋun na ’duki i köjinö liŋ na gwon kase i mara kune, nyena a kilo Ŋutu tine riköddu ŋwajik ti Yaköbo.

1 Dekat 14:17

A karin ti Dawidi kuörö kaŋo i juron liŋ, a MATAT tiŋdi lepeŋ i kujönörikin ko jurön liŋ.

Saumajin 105:38

A ŋutu ti Ejipeto lyöŋi lyöŋön na yuöddi ŋutu ti Yisaraele kaŋo nu, kogwon lepeŋat kukujönö se parik.

Yuörö 23:27

A nan mo soŋdi tokujönöet nio kasu ŋerot, a nan mo köbuŋe Ŋutu liŋ logon ta mo ’durökin kase yu kulu, a nan mo tiŋdi merok kasu liŋ i wöriŋökiŋdyö na ta ki ’dirinö kase.

Yeremia 33:9

A na köji mo gwe köyö a karin na lyölyöpörikin, ko a pupuresi, ko a minyo i komor na ŋutu liŋ ti jurön ti kak, logon mo yiŋga po liŋ na ’but nagon nan konakin lepeŋat kune; a se mo kujönöni kujonö, a böböŋdi böböŋdu kogwon po liŋ na ’but se ko gwolor na ’but nagon nan titin ŋutu ti na köji kune.

Kenet 22:3

A ŋutu ti Moaba kujönöni kujönö parik kogwon kulya ti ŋutu ti Yisaraele, kogwon se gwe jore; a töilyet kase iŋge lwö ’yu kogwon kulya ti kulo ŋutu.

Nyökit 11:25

A ŋuto lele gwe ’bayin logon jujukin te ’ya ta; a MATAT Ŋun losu mo tiŋdi ŋutu liŋ ti lu jur logon ta mo ryoryok lu i kujonö na ta ko i rigwökö gwoso nagoŋ nye aje jama-kiŋdye ta nu.

Nyökit 28:10

A gweyajin liŋ ti ŋutu ti kak mo meddi adi ta a luŋu ko karin ti MATAT; a se mo kujönöni kujönö ta.

Yosua 10:2

A na yiŋge mor kine kulya nu a nye kujönöni kujonö, kogwon Gibeon gwon a köji duma gwoso nene köji na mor, kogwon nye a duma lwölwöŋ Ai, köti a ŋutu kanyit liŋ gwe a iŋgo.

Yosua 9:24

A se waddi Yosua adi, Yi a koŋdya sona kogwon yi köliŋönök kulök a taki a gwak adi, MATAT ŋun ilot a sarakiŋdya Mose köliŋönit lonyit i tiŋdu na ta lo jur liŋ ko i tukaŋu na ŋutu liŋ tijur kasu i komor; nyenagon yi a kujönö parik kogwon ru nikao kogwon kulya kasu.

Kweyatti 3:9

Mete, nan mo kokonakin ŋutu logon a ti momoret na Satani kilo nene ŋo. Kilo ŋutu kulya adi se a Yudayaki, ama ’bayin a se, ama se a ’burönök. Mete, nan mo tin lepeŋat i po a dulakine kak konut i mokosi i twoju, a se mo dene den adi nan nyanyar do.