Nyökit 2:24 - Bibilia Buk na Ŋun nagon koti luŋu a

²⁴ Ŋine ta ki, ŋiöro ta, ko laŋaddi ta i nu pele na kare Arenon; mete ta, nan aje tiŋdu Sikon Amorityo logon a mor lo Kesebon lo kasu i könisi, se ko jur lonyit; suluje ta i morga na jur ko möröni ta ko lepeŋ i ŋor.

Nyökit 2:24 ပူးပေါင်းရင်းမြစ်များ

2 Dekat 36:23

adi, Korese mor lo Parasa kulya adi, MATAT ŋun lo ki aje tiŋdu nan tumatyanjin liŋ ti kak, a lepeŋ iŋge yokoŋ nan anyen ’dukokiŋdyo lepeŋ kadi Yerusalema yu i jur lo Yuda. Ko ŋutu katwoyok ti ŋilo Ŋun kata kasu kiden a ti MATAT Ŋun lose gwe ko lepeŋat, ko ti se iti nyu.

Ejira 1:2

adi, Korese mor lo Parasa kulya adi, MATAT ŋun lo ki aje tiŋdu nan tumatyanjin liŋ ti kak, a lepeŋ iŋge yokijo nan anyen ’dukokiŋdyo lepeŋ kadi Yerusalema yu i jur lo Yuda.

Yeremia 27:5

Nan a gweja kak ko riŋit nio duma, ko könin lio lo riöji, nan a gwekiŋdya ŋutu se ko kijakwa i na kak, a nan tiŋdi na kak i ŋutu logon meta a lo ’but köyö kulo.

Ejikele 29:20

Nan aje tikin lepeŋ jur lo Ejipeto anyen roparikin kita nanyit na mörö, kogwon ŋutu kanyit kamörök a kitakiŋdya nan. Kilo a kulyaesi kwe ti MATAT Ŋun.

Daniele 2:38

Nye a tiŋdu konut i konisi ŋutu, ko kijakwa ti mu ’diŋ ko kwen ti ki, ko se si ’da ya, a tiŋdi do a kasaranit lose liŋ. Nyena do logon a kwe nagon a dakap.

Daniele 4:17

ŋina ’duŋet a saraki ko kamemetak, a iŋge lilia ko kilu loke kulu, anyen ŋo lo gwon jorun kulo boŋo deden adi Katoŋanit lo ki liŋ logon a kasaranit lo tumatyan na ŋuto, a tiŋdi tumatyan i ŋuto logon nye ’de ’dekan, a tiŋdi ŋuto kana a temejik ti tumatyan.

Kenet 21:12

A se ŋiörö kaŋo nyu, a mönuŋdye i pirit na ’dir na Jereda.

Nyökit 2:36

Suluja Aroer nagoŋ gwon nyona ko kare Arenon, se ko köji na gwon i kare nu, tojo ko Gilada, a nene köji gwe ’bayin nagoŋ a te ’ya yi; MATAT ŋun likaŋ aje pakin ŋo liŋ kayaŋ i könisi.

Yosua 6:16

A ko gwe sona i daŋ toburyo, na kuddye koanejin toriot nu, a Yosua takiŋdye ŋutu kulo adi, Sirani ta sira; kogwon MATAT aje tin ta na köji.