Nyökit 2:14 - Bibilia Buk na Ŋun nagon koti luŋu a

¹⁴ A perok wöriesi kao suluja Kadesa-barenea tojo koyi a laŋgu loro Jereda kulo gwe a kiŋajin merya musala wot budök, tojo ko ŋutu ti nu toberon liŋ logon a kamörök aje tutuŋgö i mera, gwoso nagoŋ MATAT aje milyekiŋdye se nu.

Nyökit 2:14 ပူးပေါင်းရင်းမြစ်များ

Saumajin 106:26

Nyenagon a nye ’bi ’yi könin lonyit ki a milyeji ko se adi, ’Diri ’diri nan mo tatatu ta i yöbu,

Saumajin 90:15

Tulyöŋgi yi gwoso i temet na perok logon do köju aje yöyöŋgu yi kulo, gwoso i temet na kiŋajin lo goŋgi yi kulu.

Saumajin 90:3

Do nyönyököddu ŋutu i liŋo, kulya adi, Ta ŋutu, yitöni ta bot, gwe ta a liŋo.

Saumajin 90:9

Kogwon perok kaŋ liŋ tutuŋgö i woran inot, yi tutuŋgö kiŋajin kaŋ gwoso yama.

Saumajin 95:11

Nyena a nan milyeji i woran nio adi se mo ti luŋö köyö i ŋirit yukaet.

Ejikele 20:15

A nan köti köju iŋge ’doggu könin ki i milyekiŋdyö na se i yöbu yu adi, nan ködyö ti joŋga se i jur logon nan a tikin se lu, ŋilu a jur lo ’dokon a le ko a siwatat, ko a jur lokwekwelen lwölwöŋ jurön liŋ,

Kenet 1:1

A i lor lo kokwe lo yapa tomurek, i kiŋa tomurek i mukök na lupödöi se koŋa i jur lo Ejipeto nu, a MATAT jambi ko Mose i yöbu na Sinai i kemia torumet adi,

Kenet 13:26

A se iti tu a ’dure ko Mose ko Arona ko momoret liŋ na ŋutu ti Yisaraele i yöbu na Paran Kadesa yu; a se jakiŋdye lepeŋat lore se ko momoret liŋ, a kwekiŋdye se ludweki ti lu jur.

Kenet 32:11

’Diri gwak lele lo ŋutu logon a po kaŋo Ejipeto yu, suluja i se logon ko kiŋajin merya murek tojo ko ŋerot kulo ’bayin logon mo memet lu jur logon nan a milyekin Abarayama, ko Yisaka, ko Yakobo adi nan mo titin se, kogwon se a ko kipuŋdyö nan ko töilyet kase liŋ;

1 Korinto 10:5

Ma ’di sona, Ŋun a ko lyöŋön ko lojore kase, a jore kase iŋge twatwa, a öpuö kase parasake i yöbu na sese.

Nyökit 1:19

A yi köju Yuörö Orebe, a lwöŋöddi nu yöbu na sese duma nagoŋ kukujö-nörikin, nagoŋ ta a met i kiko lo tiri lojo ko jur lo Amori logon a merya, gwoso nagoŋ MATAT Ŋun likaŋ a saŋi yi na; a yi ’dure Kadesa-barenea.

Nyökit 1:2

(Suluja Orebe tojo ko Kadesa-barenea joŋga perok puök wot geleŋ i kiko lo tiri nyona ko mere Seir.)

Nyökit 1:46

Nyena a ta mönuŋdye Kadesa yu ko perok jore.

Nyökit 2:13

Nyenagoŋ soŋinana ŋine ta ki, ko laŋaddi ta i nu pele na loro Jereda. Nyena a yi laŋaddi i nu pele na loro Jereda.

Nyökit 2:16

A ko gwe sona nagoŋ ŋutu logon a kamörök aje tutuŋo liŋ ko aje twatwa i kiden na ŋutu nu,

Nyökit 2:7

Kogwon MATAT ŋun losu aje ’boroja ta i konesi kasu liŋ; nye a tiju wörö nasu liŋ i na yöbu duma; MATAT ŋun losu aje gwon ko ta i kilo kiŋajin merya Iŋwan; a ta gwe a ko yöŋö nene ŋo.

Yosua 24:7

A nagon se gwiörö ko MATAT nu, a nye tiŋdi mudwe i kiden nasu ko ŋutu ti Ejipeto, a tiŋdi tör i ŋo kase loki i muluja na se; a ta iŋge met ko konyen kasu ko nan a konakin ŋutu ti Ejipeto ada; a ta i ŋge si ’da i yöbu perok jore.

Yosua 5:4

Ŋina a kwe nagon Yosua aje taweŋi se; kweja adi ŋutu lyan liŋ logon a yuun kaŋo Ejipeto yu, ŋutu liŋ logon a kamörök kulu aje twatwa i yöbu na sese i kiko, i mukök nagon se aje yuun kalor Ejipeto nu.

Yosua 5:6

Kogwon ŋutu ti Yisaraele a wörö i yöbu ko kiŋajin merya iŋwan tojo ko jur liŋ a tutuŋö, kweja adi kamörök logon a yuun kalor i Ejipeto kulu. Lepeŋat a tiki i wörö sona kogwon se a ko yio gworo lo MATAT. Nyena MATAT a milyekin se adi nye ti tiŋdu se i meddya na lu jur logon nye MATAT aje milyekin komonye kase adi nye mo titin yi lu, ŋilo a jur logon ko le ko siwatat ’do ’dokon kata.

Yuda 1:5

Ta köju a den kine kulya liŋ ’bura, ama soŋinana nan ’dek toyiyikiŋdyö ta; Matat aje Lwökuŋdyö ŋutu ti Yisaraele kaŋo i jur lo Ejipeto, ama i mukök a nye iŋge tukar ŋutu logon a ko yubbö kulo.