Nyökit 19:3 - Bibilia Buk na Ŋun nagon koti luŋu a

³ A ta ködyö tetenakiŋdye ’börik kikolin, a ta korakiŋdye koresi ti jur losu i swötön musala, logon MATAT Ŋun losu a tikin ta i ruddya lo, anyen katatuak liŋ böŋö wökön nyu.

Nyökit 19:3 ပူးပေါင်းရင်းမြစ်များ

Yisaya 35:8

A kiko lo ’du ’dulu mo gwe nyu, a nye mo luŋuni a Kiko Loke lo Ŋun; a ŋutu lut mo tine lwöpöddu kata, a ŋilo kiko mo gwe a lo ŋutu logon wörö kata, a ŋutu lu ’böŋ mo tine girara nyin.

Yisaya 57:14

A mo jamani adi, ’Du ’duluki ta kiko, ’duluki ta lepeŋ ki, tetene ta lepeŋ, yayaraki ta kiko lo ŋutu kwe jojo.

Yisaya 62:10

Lupöddi ta kaŋo, luppödi ta kaŋö i kötumitön, teteŋöki ta ŋutu kwe kiko; ’du ’duli ta kiko, ’duluki ta lepeŋ ki, lulukuru ta ŋurupö kanyit kaŋo. ’Biliki ta beret ki i gweyajin ti ŋutu.

Nyökit 19:2

a ta ködyö koruŋdye köjinö musala i jur logon MATAT Ŋun losu mo titin ta i ’debba lu.

Nyökit 19:4

A kine gwe a kulya ti katatuanit, logon a lwököddu mugun nyu. Kweja adi ko lele ŋuto a tatuja marate lonyit ’bak denet, ko a ko man lepeŋ i diŋit na lwöŋgu —

Nyökit 26:1

A mo gwe sona na ’durökiŋdye do i lu jur logon MATAT Ŋun ilot mo titin do a lomore lu, a mo morgi morga lepeŋ, a mo si ’dani nyu;

Nyökit 4:21

Köti MATAT aje woran ko nan kogwon kulya kasu, a nye aje milyeju adi nan ködyö ti laŋaddu i nu pele na Yardene, ko köti ti lupö i lu jur lo ’but logon MATAT ŋun losu titin ta a lomore lu.

Ebere 12:13

tetene ta kikolin lo rigwo anyen ta wörö kata, anyen moköt lo nuto node gwon ti puleddya, ama kölumbö a tokelani tokela.