Nyökit 18:5 - Bibilia Buk na Ŋun nagon koti luŋu a

⁵ Kogwon MATAT Ŋun losu aje wuluŋdyö lepeŋat kaŋo i kiden na kötumitön kasu liŋ anyen lepeŋat se ko nyakwariat kase bubulö kita i karin ti MATAT ŋupi.

Nyökit 18:5 ပူးပေါင်းရင်းမြစ်များ

Yuörö 29:9

a do dukukiŋdye lepeŋat kambajin, a do torakiŋdye lepeŋat töröbusijin, a to-koanan ködyö gwe a na lepeŋat kogwon saret lo wurö anyen yeyeŋon ŋupi. Do ködyö ’börökiŋdya Arona ko ŋwajik kanyit sona.

Kenet 16:5

a nye kulyani ko Korak ko teŋ nanyit liŋ adi, Ko ’bure MATAT kwekwe ŋuto logon a lonyit ko logon a loke, a nye mo tomijuŋdye lepeŋ kanyit nyona; iŋkoi ŋuto logon nye a wulun lo a nye mo tomijuŋdye lepeŋ kanyit nyona.

Kenet 25:13

anyen kwekiŋdya adi nye se ko nyakwariat kanyit lo gwon kanyit i mukök kilo mo yeŋon gwon a koanejin ŋupi, kogwon nye gwon ko pusök yinet na Ŋun lonyit, a nye iŋge toke ’ya ŋutu ti Yisaraele.

Kenet 3:10

A do ködyö wuluŋdye Arona se ko ŋwajik kanyit anyen kita a koanejin; ama ko ŋuto logon ’bayin a koane a mijun nyona i koŋdya na ŋina kita, a nye ködyö tatuani tatua.

Nyökit 10:8

A i nu diŋit, a MATAT geluŋdye kötumit na Lewi i ’dokoddu na saŋduk na tomoret na MATAT, ko i gwo ’dan ko MATAT i komor i kitakiŋdya na lepeŋ, ko i ’boroja na ŋutu ’diŋdya karin ti MATAT tojo ko lo lor.

Nyökit 17:12

A ŋuto logon bu ’ya mugun, a tine yiŋga koane logon gwo ’dan i kitakiŋdya nyu ko MATAT i komor lu, kode ka ’duŋönit, a lu ŋuto ködyö tatuani tatua, nyena a ta ködyö joŋe kaŋo kulya narok i Yisaraele.