Nyökit 18:3 - Bibilia Buk na Ŋun nagon koti luŋu a

³ A ŋina ködyö gwe a ŋonyet na koanejin nagoŋ ŋutu logon wukiŋdya rubaŋga ködyö korakin lepeŋat na. Ko rubaŋga a dwöt kode a köbilityo, a se ködyö tikiŋdye koane kewat, ko lukalaya se ko buyö.

Nyökit 18:3 ပူးပေါင်းရင်းမြစ်များ

Yuörö 29:27

A do geluŋdye jujuk na rubaŋga lo kwekweya se ko nyuti lo ’dumwe logon a lo koanejin, logon kwekweya lo, logon a ’dumwe i lopijot ’boriet, kweja adi ŋilo a lopijot logon ’boroki ’e Arona se ko ŋwajik kanyit.

Yuörö 29:28

A nye ködyö gwe a lo Arona ko ŋwajik kanyit a koret na yeŋ nyin na Ŋutu ti Yisaraele; kogwon nye a ’doket na ’dumwe na wukin Ŋutu ti Yisaraele i ’dupesi ti rubaŋgajin kase ti taliŋ, iŋkoi, a ’doket nagon se a tin MATAT.

Lewi 22:7

A ko kolor a ’dororo a nye mo gwe a loke i kulya ti keri; a i mukök nye bulöni bulö nyesu ŋo nake na rurwan, kogwon a kinyo lonyit.

Kenet 18:11

A ŋina mo köti gwe a inot, kweja adi ’dokesi nagoŋ a ’dumwe i ’dokesi kase, iŋkoi kilo a rubaŋgajin liŋ lo kweya logon a ti ŋutu ti Yisaraele kilo; nan a tiŋdu do se, ko i ŋwajik kulök lulyan ko nawate i pirit na geleŋ a saret lo wurö anyen yeyeŋon ŋupi; ŋutu liŋ logon a loke i kulya ti keri konut midi kilo bubulö nyesu se.

Kenet 18:12

Nan a tin do welesi na ’but liŋ na nyunyumwe, ko binyo na ’but liŋ na nyunyumwe, ko ’bolot lo ’but liŋ lo nyunyumwe, logon a waŋesi ti ŋo lo wukin se MATAT kulo.

Nyökit 12:27

a ta wukiŋdye rubaŋgajin kasu lo ’yu ’yura ’buluŋ, ko lokore se ko rima i pirit ’yuret na rubaŋgajin ti MATAT Ŋun losu; a rima ti rubaŋgajin kasu ködyö ’bukökine i loki na pirit ’yuret nagoŋ a na MATAT Ŋun losu, a ta nyesi lokore.