Nyökit 18:2 - Bibilia Buk na Ŋun nagon koti luŋu a

² Kweja adi se ’bak kak lomore i kiden na luŋasirik kase; a MATAT lepeŋ mo lo gwe a lomore lose gwoso na milyekiŋdye nye lepeŋat nu.

Nyökit 18:2 ပူးပေါင်းရင်းမြစ်များ

Suluet 15:1

A i mukök na kine kulya, a A kulyaet lo MATAT poki ko Abarama gwoso rudweesi adi, Ko kujönö Abarama, nan lo gwon a ’buku gayet inot, a do mo wuji ’bulit duma na lwölwoŋgu parik.

Saumajin 119:57

Do MATAT a koret nio na wulwe; nan a ruk ’debba kulyaesi kulök.

Saumajin 16:5

MATAT a koret nio na wulwe ko a ŋöde nio matet; do a ’debba gura nio.

Saumajin 84:11

Kogwon MATAT Ŋun gwon a kolor ko a ’buku gayet; MATAT a tindu ’busan ko bulet. Nye ti renya tindu nene ŋo geleŋ na ’but i ŋutu logon wöwörö gwogwo kulo.

Yisaya 61:6

ama a ta mo luguni a koanejin ti MATAT, a ŋutu mo luŋgi ta a kölipönök ti Ŋun likaŋ; a ta mo nyesi tukwörien na jurön, a ta mo ruddye minyojin kase.

Delyasi 3:24

A nan kulyani adi, MATAT gwon a tukwörien nio, nyena a nan yeŋdi lepeŋ.

Ejikele 44:28

Lepeŋat ködyö ti wuju kak a lomore kogwon nan lo gwon a lomore lose. A ta ködyö tine tiŋdu se koret i Yisaraele kogwon nan lo gwon a koret lose.

Kenet 18:20

a MATAT kulyani ko Arona adi, Do ködyö ti gwon ko kak lomore a na mede inot kase i kak, iŋkoi do ti gwon ko koret kase kiden; nan logon a koret ilot ko a lomore ilot i kiden na ŋutu ti Yisaraele.

Kenet 18:7

A do se ko ŋwajik kulök i pirit na geleŋ ködyö kitani a koanejin i kulya ti ŋo liŋ ti pirit ’yuret na rubaŋgajin ko i kulya ti ŋo na gwon i lukata na boŋgo koret kune; ŋina a kita nasu. Nan a ’dogga ta i kita a koanejin. Ŋuto logon ’bayin a Lewityo lo mijun nyona lo ködyö tatatua.

Nyökit 10:9

Nyenagoŋ a Lewijin gwe ’bak koret na kak kode lomore ko luŋasirik kase; ama MATAT logon a lomore lose gwoso nagoŋ MATAT Ŋun losu a jambi ko lepeŋat na.)

Yosua 13:14

Ama tuŋ a Mose gwe a ko korakin kotumit na Lewi kak a lomore nase;ŋo nagon ’yuraki MATAT ŋun lo Yisaraele kune se na gwon a lomore nase, gwoso na kulyari nye ko Mose nu.

1 Petero 2:5

anyen ta ’dukö gwoso ŋurupö lo gwon jörun a kadi na Mulö kötyo, anyen ta gwon a koanejin loke, i wukiŋdya na rubaŋgajin ti töilyet kasu logon Ŋun a ruk kogwon Yesu Kristo.

1 Petero 2:9

Ama ta a kötumit na wulwe, a koanejin ti mor, a jur lo gelwe a loke, ko a ŋutu lomoriot ti Ŋun, anyen ta böŋö tokuoddu konesi na ’but parik nakwekwelen ti lepeŋ logon aje lupuŋdya ta kaŋo i mudwe anyen po i parara nanyit sorit lo.