Nyökit 18:1 - Bibilia Buk na Ŋun nagon koti luŋu a

¹ A koanejin Lewijin, kweja adi kötumit liŋ na Lewi ködyö gwe ’bak kak na koraki se kode lomore i jur lo Yisaraele; a se mo nyesi ŋo na ’yuraki MATAT, se ko ŋo nagoŋ ködyö a lomoriot kanyit kune.

Nyökit 18:1 ပူးပေါင်းရင်းမြစ်များ

Yeremia 33:18

a koanejin Lewijin mo ŋupi gwe ko ŋutu logon po köyö i komor i wukiŋdya na rubaŋgajin lo ’yu ’yura ’buluŋ, ko i ’yuŋa na ’dokesi ti ’bolot, ko i wukiŋdya na rubaŋgajin ŋupi ŋupi.

Ejikele 44:28

Lepeŋat ködyö ti wuju kak a lomore kogwon nan lo gwon a lomore lose. A ta ködyö tine tiŋdu se koret i Yisaraele kogwon nan lo gwon a koret lose.

Kenet 18:20

a MATAT kulyani ko Arona adi, Do ködyö ti gwon ko kak lomore a na mede inot kase i kak, iŋkoi do ti gwon ko koret kase kiden; nan logon a koret ilot ko a lomore ilot i kiden na ŋutu ti Yisaraele.

Kenet 26:62

A ŋutu kase lo kena kulo gwe a alipan merya murek wot musala, kweja adi ŋutu lyan liŋ geleŋ geleŋ suluja i se logon ko yapa geleŋ tojo ko ŋerot; kogwon se a ko kena i kiden na ŋutu ti Yisaraele, kogwon lepeŋat a ko tiki lomore i kiden na ŋutu ti Yisaraele.

Nyökit 10:9

Nyenagoŋ a Lewijin gwe ’bak koret na kak kode lomore ko luŋasirik kase; ama MATAT logon a lomore lose gwoso nagoŋ MATAT Ŋun losu a jambi ko lepeŋat na.)

Nyökit 12:19

Kunyar ta, an ta ko pa Lewijin i perok liŋ lo gwoŋdi ta i lu jur losu kulo.

Yosua 13:14

Ama tuŋ a Mose gwe a ko korakin kotumit na Lewi kak a lomore nase;ŋo nagon ’yuraki MATAT ŋun lo Yisaraele kune se na gwon a lomore nase, gwoso na kulyari nye ko Mose nu.

Yosua 13:33

Ama a Mose gwe a ko korakin kötumit na Lewi lomoriot; kweja adi MATAT Ŋun lo Yisaraele tuŋ lo gwon a lomore lose, gwoso na kulyari nye ko lepeŋat nu.

Yosua 18:7

Kogwon Lewijin ’bak koret kasu kiden; kogwon tokoaŋan nase ko MATAT i komor gwon a lomore nase; a Gada ko Rubena se ko swöt lo kötumit na Manase iŋge wuju lomoriot kase nagon Mose köliŋönit lo MATAT aje tin se kunu, i nu pele na Yardene i swöt lo ’yure.