Nyökit 17:18 - Bibilia Buk na Ŋun nagon koti luŋu a

¹⁸ A mo gwe sona na si ’dani lepeŋ i si ’daet na tumatyan nanyit nu, a nye ködyö mirakiŋdye mugun kanyit i buk ŋilo saret lo gwon i buk na gwon ko koanejin Lewijin na;

Nyökit 17:18 ပူးပေါင်းရင်းမြစ်များ

1 Moran 2:3

ko ’debbi saret lo MATAT ŋun ilot, i kebbu na kikolin kanyit ko i ’debba na saresi kanyit lo wurö kilo, ko jujuwesi kanyit, ko kulya na ’duŋ lepeŋ kune, ko todinesi kanyit, gwoso nagon a wuröki i saresi ti Mose nu, anyen do gwon a bodo i ŋo lio nagon do kökon kune, ko i wöröji inot i swötön lio;

2 Moran 11:12

A kirut Yoyada joŋdi ŋuro lo mor lo kaŋo, a sukiŋdye Iŋguya kanyit i kwe, a tiŋdi lepeŋ buk na saresi ti tomoret na Ŋun; a se welakiŋdye lepeŋ a mor lose; a se naŋgi könisi kase, a kulyajine ki, adi, Ti mor si ’dani ŋupi!

2 Moran 22:8

A Kilikia koane duma, kulyani ko Sapana logon a kawurönit adi, Nan a ryeju buk na saresi i kadi na MATAT. A Kilikia tiŋdi Sapana nu buk, a nye keŋdi lepeŋ.

2 Dekat 34:15

A kirut Kilikia takiŋdye Sapana kawurönit adi, Nan a ryeju buk na saresi i kadi na MATAT; a Kilikia tiŋdi Sapana ŋina buk.

Nyökit 31:9

A Mose wurie kilo saresi, a tiŋdi se ko koanejin logon a nyakwariat ti Lewi, lo ’doggu nu saŋduk na tomoret na MATAT kulo, ko i temejik ti Yisaraele liŋ.

Yosua 1:8

Na buk na saresi ti wusaddu kalor konut i kutuk, ama do yeyeju lepeŋ ko tuparan ko tukwaje, anyen do boŋo tiju i koŋdya gwoso liŋ na wuröki lukata kune; a kirut do mo puputuru ŋerot, a kulya kunök mo gwe ’bura.