Nyökit 16:3 - Bibilia Buk na Ŋun nagon koti luŋu a

³ A ta ködyö tine nyesu ambata nagoŋ ’bak kape ko ŋilo rubaŋga i pirit na geleŋ. A ta nyesi ŋilo rubaŋga ko ambata nagoŋ ’bak kape perok buryo, nu a ambata delyaet, kogwon ta a rumun kaŋo i jur lo Ejipeto ko kujönö, anyen ta böŋö yiyiuŋdyö lor logon ta a yuuŋdye kaŋo i jur lo Ejipeto lu temba i perok gwiliŋisi kasu liŋ.

Nyökit 16:3 ပူးပေါင်းရင်းမြစ်များ

1 Moran 22:27

A ta kulyani adi, Mor a kulya sona adi, Tiki ta ŋilo ŋuto i kadi rereket, ko tiŋdi ta lepeŋ kinyo lo delya ko pioŋ delyaesi a sasanyesi kanyit, tojo ko nan a yitwe ’bura.

Saumajin 102:9

Nan a nyesu kurök gwoso kinyo, a nan aje ŋo ’ya ŋo kwe na mamata ko politan,

Saumajin 111:4

Nye a tindu kitajin kanyit sörösi i yeyeo; MATAT a kanyaranit parik ko wowon konyen ko ŋutu.

Saumajin 127:2

’Bulit ’bayin i purwe nasu i kwökö, ko i karakin i doto, ko i nyesu nasu na kinyo lu daraesi; kogwon MATAT lo tindu ŋutu kanyit lo nyanyara kilo i doto.

Yuörö 12:11

Ta ködyö nyesu sona, kweja adi ta a rupakiŋdya boŋgwat kasu i mukökö a tora, ko a sukiŋdyö kamuka, ko a ’debba turya; a ta rurume rurum i nyesu. Ŋilo a Pasaka lo MATAT.

Yuörö 12:17

Ta kodyö ’debba rorwe lo ambata nagon ’bak kape, kogwon i lu lor gwak nan a joŋga lodirön kasu kaŋo i jur lo Ejipeto; nyenagon ’debbi ta ŋilu lor tojo i nyakwariat kasu a saret ŋupi lo wurö.

Yuörö 12:39

A se pe ’yi ambatajin nagon ’bak kape ti ’bolot nagon se a jon kaŋo i jur lo Ejipeto yu kune, kogwon a ko nyuŋ tiki kaŋe nyin, kogwon se a riköji kaŋo i Ejipeto a tine bulö möŋdu i tetena-kiŋdya na ’börik kinyojin.

Yuörö 12:8

A i ŋilu tukwaje lo geleŋ lu, a se ködyö nyesi lokore na pepelo, mora ko ambata nagon ’bak kape ko ’dötilön nagon a koropo na pötwör.

Yuörö 34:18

Ta ködyö ’de ’deŋ rorwe lo ambata nagon ’bak kape. Ta ködyö nyesu ambata nagon ’bak kape ko perok buryo i diŋit na wulwe na yapa Abiba gwoso na sarakiŋdye nan ta nu, kogwon i yapa Abiba ta a yuun kaŋo Ejipeto yu.

Yisaya 52:12

Kogwon ta mo ti turumuŋdya i po kaŋo, a ta mo tine wöwökiun, kogwon MATAT mo tu kasu ŋerot iŋkoi, Ŋun lo Yisaraele mo gwon a a katutunanit lo mukök nasu.

Lewi 23:6

A i perok puök wot mukanat ti ŋilo yapa lo geleŋ lo gwe a rorwe lo ambata nagon ’bak kape a lo MATAT; ta ködyö nyesu ambata nagon ’bak kape ko perok buryo.

Jakaria 12:10

A nan mo ’bukökiŋdye mulökotyo lo ’busan ko lo momolesi i kötumit na Dawidi ko ŋutu lo si ’da Yerusalema kulo, anyen na meddi se nye logon se a rem lo, a se mo gwine lepeŋ gwoso ŋuto logon gwi nuro lonyit lo geleŋ, a mo gwine parik tolikisien kanyit loki, gwoso ŋuto logon gwi ŋuro lonyit kayu.

Kenet 28:17

A rorwe konani i perok puök wot mukanat ti lo yapa; a ambata nagoŋ ’bak kape ködyö nyeni ko perok buryo.

Kenet 9:11

Kweja adi se ködyö koŋdya rorwe i yapa tomurek i perok puök wot iŋwan i sömukö; a se ködyö nyesi rorwe ko ambata nagoŋ ’bak kape, ko ’dötilön nagoŋ a koropo na pötwör i pirit na geleŋ.

Luka 22:19

A nye ’dumuŋdye ambata, a tiŋdi Ŋun tinate, a nye pipiŋdye pipiŋdya a tiŋdi lepeŋat, kulya adi, Na a mugun nio nagon aje tiki kogwon kulya kasu na. [Koŋdi ta sona i yeyeöddu na nan.

1 Korinto 5:8

Nyena ti yi koŋdi ta rorwe, ’bayin ko ambata nagon ko kape poroko logon a ŋisa ko toron, ama ko ambata nagon ’bak kape, iŋkoi, ambata nagon a kelan se ko kulya ’diri.

Nyökit 16:2

a ta ködyö ’duŋökiŋdye MATAT Ŋun losu nene turu ’buti i teŋon ti yidin kode ti kisuk a rubaŋga lo Pasaka, i nu pirit nagoŋ MATAT mo wuwulun i tiŋdu na karin kanyit i si ’da nyu nu.

Nyökit 4:9

Tuŋ kunyar ta, ko tiji ta ’börik ’bura, an ta ko böŋö ŋo na met konyen kasu kunu, an se ko likin kasu i töilyet i perok liŋ ti gwiliŋit nasu. Tiŋdi ta se i dena ko ŋwajik kasu se ko nyakwariat kasu.

1 Tesalonike 1:6

Nyena ta ko ’borik a mirakiŋdya yi se ko Matat; kogwon ta a wuju kulyaet lo Ŋun ko lyöŋon na Mulokotyo Loke, ma ’di nagon ta a sasanya parik,

Yosua 4:7

Nyena a ta mo waddi se adi, Kogwon ’dokon na kare Yardene a goko ko saŋduk na tomoret na MATAT i komor na laŋgi lepeŋ Yardene nu, a kare Yardene iŋge goko. A kine ŋurupö mo gwe a toyeyeet i ŋutu ti Yisaraele ŋupi.