Nyökit 16:1 - Bibilia Buk na Ŋun nagon koti luŋu a

¹ Nyena tiji ta yapa Abiba, ko konakiŋdye ta MATAT Ŋun losu rorwe lo Pasaka; kogwon i yapa Abiba MATAT Ŋun losu a toyuuŋdyö ta kaŋo i Ejipeto i tukwaje.

Nyökit 16:1 ပူးပေါင်းရင်းမြစ်များ

Yuörö 12:51

A i ŋilu lor gwak, a MATAT joŋgi Ŋutu ti Yisaraele kaŋo i jur lo Ejipeto ko lodirön kase.

Yuörö 13:3

A Mose takiŋdye Ŋutu adi, Yeyene ta yeye lo lor lo yuuŋdye ta kaŋo i Ejipeto i pirit na to ’dupien nu, kogwon MATAT aje joŋga ta kaŋo i na pirit ko riŋit na könin iŋgo. Ta kodyo ti nyesu ambata nagon ko kape.

Yuörö 13:4

I lo lor i yapa Abiba, ta de yuyuörö.

Yuörö 23:14

Ta ködyö konakiŋdya nan rorwe dapin musala i kiŋa.

Yuörö 23:15

Ta ködyö ’de ’deŋ rorwe lo ambata nagon ’bak kape; ta ködyö nyesu ambata nagon ’bak kape ko perok buryo i diŋit na wulwe na yapa Abiba, gwoso na sara-kiŋdye nan ta nu, kogwon ta a yuun kapo Ejipeto yu i pilu yapa. Ti lele losu gwe ti po köyö i komor ko könin kana.

Yuörö 34:18

Ta ködyö ’de ’deŋ rorwe lo ambata nagon ’bak kape. Ta ködyö nyesu ambata nagon ’bak kape ko perok buryo i diŋit na wulwe na yapa Abiba gwoso na sarakiŋdye nan ta nu, kogwon i yapa Abiba ta a yuun kaŋo Ejipeto yu.

Lewi 23:5

I perok puök wot Iŋwan ti yapa togeleŋ i sömukö, a gwe a Pasaka lo MATAT.

Kenet 28:16

A Pasaka lo MATAT konani i perok puök wot iŋwan ti yapa togeleŋ.

Luka 2:41

Temba i kiŋajin liŋ monye ko ŋote Yesu wörö Yerusalema i rorwe lo Pasaka.

Yoane 2:13

A diŋit gwe nyona nagon Yudayaki koŋdi rorwe lo Pasaka, a Yesu iti Yerusalema.

Yoane 5:1

A i mukök na ŋina, a Yudayaki gwe ko rorwe, a Yesu iti Yerusalema.

Yoane 6:4

A rorwe lo Yudayaki logon a Pasaka gwe nyona.

Nyökit 16:2

a ta ködyö ’duŋökiŋdye MATAT Ŋun losu nene turu ’buti i teŋon ti yidin kode ti kisuk a rubaŋga lo Pasaka, i nu pirit nagoŋ MATAT mo wuwulun i tiŋdu na karin kanyit i si ’da nyu nu.