Nyökit 15:9 - Bibilia Buk na Ŋun nagon koti luŋu a

⁹ Meddi ’bura, an do gwon ko yeyeet naron konut i töili adi, Lo kiŋa toburyo logon a kiŋa lo topitökin ko ’börik gwe nyona, a koŋe ilot gwe a loron ko luŋösur logon a lomeri lo, a do tine tiŋdu lepeŋ nene ŋo, a nye gwiki ko MATAT i kulya kunök, a ŋina de gwe a toron konut.

Nyökit 15:9 ပူးပေါင်းရင်းမြစ်များ

Eyobo 34:28

A kirut gwiesi ti ŋutu lomerika logon se a ru ’ya kulo ’dure kanyit i swö, a nye yiŋge gwiesi ti ŋutu lo sasanya.

Saumajin 101:3

Nan ti tindu nene ŋo nagon kana köyö ŋerot. Nan maman konesi ti ŋutu logon a lyapara kaŋo ti ’bön twöju Ŋun kulo; kine kulya mo ti ’depakindya köyö.

Saumajin 12:5

MATAT lo kulya adi, Soŋinana nan de ŋiŋien kogwon lomerika ryaryakatu, kogwon ŋutu lo yöŋö ŋo a yukuta ko gwiesi kase; nan de tindu lepeŋat i ŋirit lwökit nagon se yöyöpöri na.

Saumajin 9:12

Kogwon Ŋun a ko böŋö gwien na ŋutu lo sasanya; lepeŋ a yeyeju se a robbi rima kase.

Yuörö 22:22

Ti do gwe ti yöyoŋgu nene karu ’be kode kikiji.

Yuörö 22:23

Ko do a yöyöŋgu lepeŋat a se gwiu köyö ni, a nan mo yiŋge gwiesi kase;

Yuörö 3:7

A MATAT kulyani adi, Nan ’diri aje met sasanya na Ŋutu kwe lo gwon Ejipeto yu kulu, a nan iŋge yiŋ gwien nase kogwon katokitak kase; kogwon nan a den delyaesi kase,

Tolupesi 14:21

Ŋuto logon lalaun marate lonyit lo gwon a katoronyanit, ama nye lo nyanyar likiso lo gwon a kalyoŋi.

Tolupesi 21:13

Ko ŋuto logon ’dija swö kanyit an yiŋga gwiet lo ŋuto lomeri, lepeŋ ko mugun nanyit mo gwi-gwien paraki a ŋuto gwe ’bayin lo yiŋga.

Tolupesi 23:6

An do ko nyesu kinyo lo ŋuto logon a wele; an do ko ŋoma ko kinyojin kanyit lo paleleŋ;

Tolupesi 24:9

Yeyeju na tu ’bogön gwon a toron, a ŋutu mane man ka ’dö ’döyönit.

Tolupesi 28:22

Ŋuto logon a wele ’demeja tukwörien, ti den adi yöŋö na ŋo mo ’du ’dukin kanyit loki.

Tolupesi 4:23

Kegga tiji toili ilot ’bura, kogwon ru inot lelekun kata.

Yeremia 17:10

Nan MATAT gaga ’yu yeyeesi ti ŋuto, iŋkoi, nan tetem töili lonyit, anyen nan ropakiŋdya ŋutu liŋ gwoso i kikolin kase, ko gwoso i konesi naŋon se a kon kune.

Yeremia 34:14

I ’dutet na kiŋajin buker, ta liŋ geleŋ geleŋ ködyö kölöddu luŋasirik kasu logon a Ebere logon aje tugwöröki ta, ko aje kitakiŋdya ta ko kiŋajin buker kulo; ta agu ködyö kökölörö lepeŋat i kitakiŋdya na ta anyen se gwon a lui. Ama a merenyejin kasu gwe a ko tiŋdu swö kase i yiŋga na nan.

Matayo 15:19

Kogwon yeyeesi narok, ko tatuja, ko lubbö, ko towutön, ko koko ’ya, ko ’burönö, ko jamaddu na karin ti ŋutu arabat po ko ŋuto i toili kata yu.

Matayo 20:15

Ŋona nan ti bulö koŋdya po nagon nan ’de ’dekan ko gurut kwe le? Do yulön kogwon töili liŋ a lo ’but ko ŋutu le?

Nyökit 15:1

Temba i diŋit na kiŋajin buryo a ta ködyö gwe ko diŋit na topitökin ko ’börik i möriöt kasu.

Nyökit 24:15

a do ködyö tiŋdi lepeŋ ropet nanyit temba i lor lonyit kitaet a kokwe na ’doro ’i kolor nu; (kogwon nye a lomeri a tiŋdi töili lonyit i lepeŋ); an nye ko gwikin kulya kunök ko MATAT, a ŋina mo gwe a toron iŋot.

Nyökit 31:10

A Mose saŋi se adi, Temba i kiŋajin buryo, i diŋit na wulwe na kiŋa logon a topitökin ko ’börik i möriöt kasu ko i rorwe lo murugujin,

Yakobo 4:17

Nyena ko ŋutu logon a den go na ’but nagon kodyo kokona ama a gwe a ko kon lo, lepeŋ a katoronyanit.

Yakobo 4:5

Ta gona yeyeju adi kulya ti Ŋun na wuro kune tuggo go kana le, na jambu adi, Ŋun yiyino parik adi ti kodudwolon nagon nye a tiŋdu kayaŋ i mugunya kune nyare nyar lepeŋ ka ’de?

Yakobo 5:4

Ta a ko nyuŋ robba ŋutu lo geŋa kinyojin kasu i meleseno. Yiŋge ta wiwinyesi kase. Gwiesi ti ŋutu lo ’deja ludweki kulo aje ’durökin ko Matat lo kurumi i swö.

Yakobo 5:9

Luŋasirik, an ta ko wiwinya ta ko ’borik arabat, an kulya kasu ’dunöki arabat. Meddi ta, ka ’duŋonit malu gwogwo ’dan i kotumit.

1 Petero 4:9

Wuji ta ’börik a komu kasu i midijik ’bak wiwinya.