Nyökit 15:6 - Bibilia Buk na Ŋun nagon koti luŋu a

⁶ Kogwon MATAT Ŋun losu mo ’boroja ta gwoso nagoŋ nye aje milyekiŋdye ta nu, a juron jore mo kupe kupö kasu, ama a ta tine kuŋö kase; a ta mo gwe a kasarak ti jurön jore, ama a se mo tine saŋu ta.

Nyökit 15:6 ပူးပေါင်းရင်းမြစ်များ

1 Moran 4:21

A Solomona gwe a kasaranit i tumatyanjin liŋ suluja i kare Perat tojo ko jur lo Pelesete ko tojo ko koret lo Ejipeto; a se joŋdi ’dokesi a kitakin-dye Solomona i perok liŋ ti gwiliŋit nanyit.

1 Moran 4:24

Kogwon lepeŋ gwon ko saret i na pele liŋ na kare Perat suluja Tipisak tojo ko Gaja kweja adi i moran liŋ ti na pele na kare; lepeŋ twötwöi ko ŋutu kanyit i swötön liŋ.

1 Dekat 17:27

nyenagon ti do böŋö ’boroji kötumit nio nan köliŋönit ilot, anyen yeyeŋon ŋupi konut i komor; kogwon ŋo nagon do a ’boro na aje ’boria ŋupi ŋon MATAT.

2 Dekat 9:26

A nye saŋi moran liŋ suluja kare Perat tojo ko jur lo Pelesete, ko tojo ko lokökorit lo Ejipeto.

Ejira 4:20

A moran logon ko riŋitön aje saŋu Yerusalema, logon a kasarak ti modoria ’bukuluŋ na gwon i nu pele na kare Perat, a kilo moran iŋge ropaki usur, ko ’buggo na murut, ko dakesi ti kak.

Nemaya 9:27

Nyenagon a do iŋge wukiŋdya lepeŋat ko merok kase i könisi logon a yöyöŋgu se parik. A i diŋit ŋoŋet nase a se gwine ko do, ki yu a do yiŋge lepeŋat; a do iŋge tiŋdu lepeŋat kalwökök logon a lwöggu se i könisi ti merok kase, gwoso nagon ’busan inot duma kata na.

Saumajin 112:5

A na ’but ko lu ŋuto logon kikita ko ’busan, logon ruruk tindu ŋo a möri lo, ŋo liŋ nagon nye kökon kune rigwo.

Saumajin 37:21

Ŋuto loron kukuŋö möri, a tine bulö ropakindya bot, ama ŋuto lo rigwo könin gwon ŋa i ’dogga.

Saumajin 37:26

Nye yeŋon ’dogga abur, a nye tindi ŋutu logon ’de ’dekan kuŋö, a nyakwariat kanyit iŋge ’boria.

Tolupesi 22:7

ŋuto kwörinit tumatyan ko lomeri, a kakuronit gwe a ’dupiet lo katinunit.

Luka 6:35

Ama nyare ta nyar merok kasu, konaki ta lepeŋat ’bura. Rukökiŋdye ta se i kuröddu na ŋo kasu, an ta ko yeŋdu ropaki; a ta mo gwe ko ’doket a duma, a ta mo gwe a ŋwajik ti Katoŋanit lo ki liŋ; kogwon nye a lo ’but i ŋutu logon ti lyotion ko ŋo nagon se a wu kune ko a lorok i toilyet kulo.

Nyökit 15:5

ko ta ködyö ’diri yiyiŋ gworo lo MATAT Ŋun losu, i tiju i koŋdya na kilo saresi liŋ logon nan a sarakin ta i lo lor kulo.

Nyökit 28:44

A ta mo kuŋe kuŋö kase, ama a se mo tine kuŋö kasu; a se mo gwe a kwe, a ta mo gwe a kotet.