Nyökit 15:4 - Bibilia Buk na Ŋun nagon koti luŋu a

⁴ MATAT mo ’boroja ta yu i lu jur logon MATAT Ŋun losu mo titin ta a lomore i ’debba lu, nyena a ŋutu lomerika mo gwe ’bayin kasu kiden,

Nyökit 15:4 ပူးပေါင်းရင်းမြစ်များ

Tolupesi 14:21

Ŋuto logon lalaun marate lonyit lo gwon a katoronyanit, ama nye lo nyanyar likiso lo gwon a kalyoŋi.

Tolupesi 28:27

Ŋuto logon ’do ’dogga lomeri mo ti yöŋö nene ŋo, ama nye lo ’de ’ya konyen kanyit mo momoro parik.

Nyökit 14:29

a Lewijin logon ’bak koret kode kak lomore kasu kiden, ko ŋutu lo si ’da kasu a lepelok, ko kikijikö, se ko karu ’bejin na gwon kasu i turön kune, ködyö poŋdi a nyesi a yimönö; anyen MATAT Ŋun losu böŋö ’boroja ta i kitajin liŋ na kon ta kine.

Nyökit 15:5

ko ta ködyö ’diri yiyiŋ gworo lo MATAT Ŋun losu, i tiju i koŋdya na kilo saresi liŋ logon nan a sarakin ta i lo lor kulo.

Nyökit 28:11

A MATAT mo tiŋdi ta i baraŋdu ko kulya na ’but, i ŋwajik lo yuŋ ta kulo, ko i torela ti toro ’bo kasu, ko i kinyojin ti kak nasu, i lu jur logon MATAT a milyekin merenyejin kasu i tiŋdu na ta lu.

Nyökit 3:18

A nan saŋi ta i nu diŋit adi, MATAT ŋun losu aje tiŋdu ta lu jur i si ’da kata; a ŋutu purwat kasu liŋ logon ködyö a jupu ko tito möriesi kulo ködyö laŋaddi i ŋerot na luŋösu-rök logon a ŋutu ti Yisaraele.

Nyökit 4:21

Köti MATAT aje woran ko nan kogwon kulya kasu, a nye aje milyeju adi nan ködyö ti laŋaddu i nu pele na Yardene, ko köti ti lupö i lu jur lo ’but logon MATAT ŋun losu titin ta a lomore lu.