Nyökit 14:1 - Bibilia Buk na Ŋun nagon koti luŋu a

¹ Ta logon a ŋwajik ti MATAT Ŋun losu; ta ködyö ti ’du ’duŋujö ’börik, kode ’bariŋdu kupir kasu ti mer na kwe i kulya ti lo twatwa.

Nyökit 14:1 ပူးပေါင်းရင်းမြစ်များ

Suluet 6:2

a ŋwajik ti Ŋun ko meddi adi ŋwajik ti Ŋutu a nakwe kwelen, a se yemakiŋdye ’börik wate gwoso na ’deggi se na.

Suluet 6:4

A i diŋit nagon ŋwajik ti Ŋun a mora ko ŋwajik wate ti Ŋutu a se iŋge yuŋwekiŋdyö lepeŋat ŋwajik nu, a Ŋutu lojo lo lilimba gwolore i kak suluja i nu diŋit. Lepeŋat a walan ti ’beron ko a Ŋutu lokukwön.

1 Moran 18:28

A se gwine gwien parik, a ’du ’duŋuje ’börik ko walya ko goro gwoso keri lose, tojo ko rima kase a wuun kaŋo.

Yisaya 63:16

An do ko gwon pajo koyi kogwon do a Baba likaŋ, ma ’di nagon Abarayama a ko den yi, Maele ti kurun yi. A do pon MATAT lo gwe a Baba likaŋ, a karin kunök gwe a Kadakanit likaŋ suluja köju ’beron nu.

Yeremia 16:6

ŋutu dumalak ko lo ’di ’dik mo twatwa i lo jur, a se mo tine nuka, a lele ŋuto mo gwe ’bayin lo gwi lepeŋat, kode ’duŋgo mugun, kode ’bariŋdu kwe nanyit kogwon lepeŋat.

Yeremia 3:19

A nan yeyeji adi, Nan ködyö tikin ta i kiden na ŋwajik kwe anyen tiŋdu ta jur lo ’but logon a lomore lokwekwelen lwölwöŋ jurön liŋ. A nan yeyeji adi ta ködyö luŋgu nan a Monye losu, a ködyö tine löpuköddu kaŋo i kepoddu na nan.

Yeremia 31:9

A se mo yitwene yitwe gwigwiun, a nan mo nyökuŋdye se bot susugga lepeŋat, a nan mo tiŋdi se i wörö nyona ko luruki lo ’do ’dokon, i kiko loliliŋ anyen se gwon ti köpukö, kogwon nan a monye lo Yisaraele, a Epuraima gwe a ŋuro lio kayu.

Yeremia 41:5

a ŋutu merya budök iŋge ’dur logon po Sekeme, ko Silo se ko Samaria, joŋdya ’dokesi ti ’bolot ko bökurön anyen wukin i kadi na MATAT. Kilo ŋutu kupir kase ti nyekema aje ’barinu, ko boŋgwat kase a kekerenya, ko mugu­nya kase a ’du ’dupö.

Yeremia 47:5

Kwe na Gaja aje ’barinu kogwon delya, Asekelon aje körö. Ta ŋutu logon a pituŋdyö kase i pirit na ’dir kulo, diŋit ŋornan nagon ta ’du ’duŋujö ’börik ko delya?

Osea 1:10

Ama a kenet na ŋutu ti Yisaraele mo gwe gwoso sese na tor nagon ti bulo tema kode kena, a i ŋirit na taki ’e se koju adi, Ta ’bayin a ŋutu kwe nu, a Lepeŋat mo luŋuni a ŋwajik ti ŋun lo gwon jorun.

Lewi 21:5

A koanejin ködyö tine ’bariŋdu kusik kase a namelenyak kode ’bariŋdu goŋesi ti nyekema kase, a se ködyö tine ’du ’duŋujö mugunya kase.

Yoane 1:12

Ama ŋutu liŋ logon a wu lepeŋ ko a yuŋ karin kanyit kilo, nye titikin lepeŋat kido anyen wora a ŋwajik ti Ŋun.

Yoane 11:52

ama ’bayin adi daggu ŋutu ti jur ka ’de, ama köti anyen nye böŋö pepenuŋdya i pirit na geleŋ ŋwajik ti Ŋun logon aje reara ka ’de ka ’de kilo.

Roma 8:16

I ŋina Mulökötyo lepeŋ mora ko töilyet kaŋ tuggö adi yi a ŋwajik ti Ŋun.

Roma 9:26

A i pirit na taki ’e se köju adi, Ta ’bayin a ŋutu kwe nu, i ŋinu pirit gwak a lepeŋat mo luŋuni a ŋwajik ti Ŋun lo gwon jörun.

Roma 9:4

Lepeŋat a kötumit na Yisaraele; Ŋun a koŋdya lepeŋat a ŋwajik kanyit, a tiŋdi se minyo lonyit, ko tomoresi nagon nye a teten ko se i pirit na geleŋ kune, a tiŋdi se Saresi todinesi, se ko saresi kwakwasesi, ko a milyekin tiŋdu se ŋo na popo.

Roma 9:8

Ŋina kweja adi ti gwon a ŋwajik logon ŋutu lo yuŋ undyö kulo logon a ŋwajik ti Ŋun, ama ŋwajik logon yuŋwe i ŋilu milye kulo logon luŋu a nyakwariat ti Abarayama gwak.

2 Korinto 6:18

a nan mo gwe a monye losu, a ta mo gwe a ŋwajik kwe lulyan se ko nawate, nan Matat Kabulönit lo ŋo liŋ lo kulya.

Galatia 3:26

Ta liŋ a ŋwajik ti Ŋun ko Kristo Yesu i mugun kogwon yubbö nasu.

Nyökit 13:18

ko ta ködyö yiyio gworo lo MATAT Ŋun losu, i ’debba na saresi kanyit liŋ logon nan saŋi ta i lo lor kulo, i koŋdya na ŋo na rigwo ko MATAT Ŋun losu i metet.

Nyökit 32:6

Ta ŋutu lu ’böŋ ko lo ’bak yeyeesi kulo, ta ropakiŋdya MATAT sona le? Lepeŋ ti gwon a munyi losu lo gwöruŋdyö ta le, logon a gweja ta a topo ’yi ta?

1 Tesalonike 4:13

Luŋasirik, yi ’de ’dekan ta deden kulya ti ŋutu logon aje twatwa kilo, anyen ta kodyo gwon ti gwigwitu gwoso Ŋutu logon ’bak yenet.

Ebere 2:10

Ŋun a kagweyanit lo ŋo luŋ, ŋo liŋ gwon jörun kogwon lepeŋ. Lepeŋ ’de ’dekan joŋdya ŋwajik kanyit jore i minyo lonyit, nyena a gwe a na ’but ko lepeŋ i tiŋdu na ka ’dolanit lo lwökö nase i gwon jojo gwak kogwon ŋoŋesi na ŋoŋgi nye kune.

1 Yoane 3:10

Ŋwajik ti Ŋun se ko ŋwajik ti ŋilo kaŋöönit dena i ŋilo kiko adi, ŋutu logon ti koŋdya ’bura kode ti nyar luŋasirik kilo ti gwon a ti Ŋun.

1 Yoane 5:2

i ŋina yi deden adi yi nyanyar ŋwajik ti Ŋun, kweja adi yi nyanyar Ŋun a yi ’debbi saresi kanyit.