Nyökit 13:8 - Bibilia Buk na Ŋun nagon koti luŋu a

⁸ Ko ŋuto ga ’yu lulukaddu do sona a do ködyö tine ruk lepeŋ, kode yiŋga lepeŋ, a konyen kulök tine won lepeŋ, a do tine kölörö lepeŋ, a do tine ’de ’ya lepeŋ köti;

Nyökit 13:8 ပူးပေါင်းရင်းမြစ်များ

Yuörö 20:3

Do ködyö ti gwon ko kulye ŋunyen kwöŋ, ama nan ka ’de.

Tolupesi 1:10

ŋuro lio, ko ködyö katoronyak lulugga do, an do ko ruk se.

Ejikele 5:11

Nyenagon nan MATAT Ŋun lo kulya sona adi, ’Diri ’diri gwoso na gwoŋdi nan na, nan mo tutukar ta, a nan mo tine pitökin ta, a nan mo tine won konyen ko ta kogwon ta a toluddya pirit nio nake na rurwan ko ŋo kasu liŋ nagon a lut, se ko ŋo kasu liŋ na mamana.

Nyökit 13:7

kilo Ŋunyen a ti gweyajin ti ŋutu logon lorga ta, logon gwon nyona ko ta kode pajo kasu, suluja i na ’dutet na kak tojo ko nu.

Nyökit 19:13

A ta ködyö tine won konyen ko lepeŋ, ama a ta ködyö lalaaddi toron na rima na mamaŋa kaŋo i Yisaraele, anyen kulya kasu tu ’bura.

Nyökit 28:64

A MATAT mo torekiŋdye ta i kiden na gweyajin liŋ ti ŋutu, suluja i na ’dutet na kak tojo ko nu; a ta mo kitakiŋdye kulye Ŋunyen nyu, logon a kaden ko a ŋurupö, logon ta kode merenyejin kasu a ko den kulu.

Nyökit 32:17

A se ’duŋökiŋdye mulökö logon ti gwon a Ŋunyen rubaŋgajin, i Ŋunyen logon se a ko nyuŋ den, i Ŋunyen ludukö logon pete poŋdya, logon merenyejin kasu a ko kujo-nöri kulo.

Nyökit 7:16

A ta ködyö tukaŋi gweyajin liŋ ti ŋutu logon MATAT Ŋun losu mo pakin ta kulo; a ta tine won konyen ko se; a ta koti tine kitakiŋdya Ŋunyen kase. Ko ta a won konyen ko se a ta mo lokajine lokaji.

Nyökit 7:2

a ko MATAT Ŋun losu a pakiŋdya ta se a ta te ’yi se, ta ködyö tukaŋu se asut. Ta ködyö ti koŋdya tomoret ko se, a tine pitökiŋdyö se.

1 Yoane 5:21

Ŋwajik kwe, tini ta ti ’börik i ŋunyen logon a ’burönök kilo.

Ka’duŋök 10:6

A ŋutu ti Yisaraele köti koŋdi ŋo nagon a naron ko MATAT i komor, a kitakiŋdye ŋunyen logon a Balajin ko Asatarot, ko ŋunyen ti Suria, ko ŋunyen ti Sidona, ko ŋunyen ti Moaba, ko ŋunyen ti ŋutu ti Amon, ko ŋunyen ti Pelesete; a se kö ’yi MATAT, a tine kitakiŋdya lepeŋ.