Nyökit 13:5 - Bibilia Buk na Ŋun nagon koti luŋu a

⁵ A ŋilo nebi, kode ŋilo karudwenit lo rudweesi ködyö tatuani tatua; kogwon nye a jambu togiresi i kulya ti MATAT Ŋun losu logon a joŋdya ta kaŋo i jur lo Ejipeto, ko a dakuŋdya ta kaŋo i pirit na to ’dupien lo, i lulukaddu na ta kaŋo i kiko logon MATAT Ŋun losu a saŋi ta i wöröri lo. A ta ködyö joŋe kulya narok kaŋo kasu kiden.

Nyökit 13:5 ပူးပေါင်းရင်းမြစ်များ

1 Moran 13:19

A ŋuto lo Ŋun moraddi ko lepeŋ, a nyesi kinyo kanyit i ’baŋ, a möji pioŋ.

1 Moran 18:40

A Eliya kulyani ko lepeŋat adi, Momoke ta nebijin ti Bala; ti lele lose gwe ti wökön asut. A se momorgi lepeŋat; a Eliya joŋgi se kak tojo i loro Kison, a tatuje se nyu.

2 Dekat 34:31

A mor gwo ’de kanyit i pirit, a milyeji ko MATAT, i kepöddu na MATAT, ko i ’debba na saresi kanyit, ko todinesi kanyit, ko saresi kanyit lo wurö, ko töili lonyit liŋ ko kodudwo nanyit liŋ, adi nye mo kökon kulyaesi ti tomoret logon a wuröki i na buk kulo.

Yeremia 14:15

Nyena­gon nan MATAT lo kulya i kulya ti nebijin logon kekejutu ko karin kwe kulo ma ’di nan a ko soŋdu lepeŋat, logon kulya adi, Baŋdujin ko dyaŋ mo ti ’dukin i lo jur. Nan kulya sona adi, Kilo nebijin mo totogiröki ko baŋdujin se ko dyaŋ.

Yeremia 29:32

nyenagon nan MATAT lo kulya adi, Mete ta, nan mo ririŋ Semaya lo Nekelam se ko nyakwariat kanyit, a lepeŋ mo gwe ’bak lele ŋuto lo gwon jörun i kiden na kulo ŋutu i meddya na gwiliŋit lo ’but logon nan mo koko­nakin ŋutu kwe lo, kogwon lepeŋ a jambu kulya togiresi i kulya kwe ti MATAT. Ŋilo a nan MATAT lo jambu.

Yeremia 50:6

Ŋutu kwe a likin gwoso köbilu; kayukuk kase aje tulyapara lepeŋat, a se tiŋdi se i wörö abur i merya; lepeŋat wöröji suluja i merya tojo ko lurwat, a iŋge böŋö pirit nase nagon a goro lose na.

Yeremia 7:23

Ama lo a saret logon nan a sarakin lepeŋat adi, Yiŋge ta gworo lio, a nan mo gwe a Ŋun losu, a ta mo gwe a ŋutu kwe, ko wöröni ta i kiko logon nan a sarakin ta lo, anyen böŋö gwon a na ’but kasu.

Jakaria 13:3

A ko kodyö lele ŋuto a pukun köti gwoso nebi, a monye se ko ŋote na yupuŋdyö lepeŋ na mo kulyani ko lepeŋ adi, Do mo tine gwolor köti, kogwon do a jambu ’burönö i karin ti MATAT; a monye ko ŋote na yupuŋdyö lepeŋ na mo rembi lepeŋ na keŋ nye nu.

Konesi 13:8

A kawananit, karin kanyit a Eluma ko kutuk na Giriki, rerenyani ko lepeŋat, a ga ’yi togiraddu mödir kaŋo i yupet.

1 Korinto 5:13

Ŋun lepeŋ a ka ’duŋonit lo kulya ti Ŋutu lo gwon kaŋo kilo. Nyena riköddi ta ŋuto loron kaŋo kasu kiden.

Nyökit 13:10

A ta ködyö gugubuji lepeŋ ko ŋurupö tojo i twan; kogwon nye ga ’yu lulukaddu ta kaŋo ko MATAT Ŋun losu lo joŋdya ta kaŋo i jur lo Ejipeto i pirit na to ’dupien lo.

Nyökit 13:15

a ta ’diri ködyö toggi ŋutu ti nu köji ko baŋdujin, i tukaŋu na lepeŋat asut, ko ŋo liŋ na gwon lukata se ko toro ’bo kase.

Nyökit 13:9

ama kölumbö a do tatuje lepeŋ, kweja adi do ködyö gwon a togeleŋ i ’bi ’yu na könin ilot i tatuja na lepeŋ, a kirut a kulye ŋutu liŋ lo morakiŋdye.

Nyökit 17:5

nyena a ta ködyö joŋdi kaŋo lu ŋuto kode nu ŋuto na koŋdya ŋina ŋo naron na tojo ko kotumit na köji, a ta gugu-buje lu ŋuto kode nu ŋuto ko ŋurupö tojo a twan.

Nyökit 17:7

A katökorok ködyö gwe a togeleŋ i ’bi ’yu na könisi kase i tatuja na lepeŋ, a i mukök a kulye ŋutu liŋ lo morakiŋdye. A ta ködyö joŋe kulya narok kaŋo kasu kiden.

Nyökit 18:20

Ama nebi logon bu ’ya mugun i jambu, kode logon a jambu i karin ti kulye Ŋunyen lo, a ŋilo nebi ködyö tatuani tatua.

Nyökit 19:19

a ta ködyö konakiŋdye lepeŋ gwoso na yeyeji nye i konakiŋdya na luŋaser lonyit nu; a ta ködyö lalaaddi kulya narok kaŋo kasu kiden.

Nyökit 22:21

a se ködyö joŋgi nu ŋuro kaŋo i kötumit na kadi na monye lonyit, a ŋutu ti köji nanyit ködyö gugubuje lepeŋ ko ŋurupö tojo a twan, kogwon nye a koŋdya tu ’böŋön i Yisaraele i koŋdya na lulupujö ko monye kadi; a ta ködyö lalaaddi kulya narok kaŋo kasu kiden.

Nyökit 22:24

a ta ködyö joŋdi se murek liŋ kaŋo tojo i kötumit na köji, a ta gugubuje se ko ŋurupö tojo a twan. Nu ’diet tatatua kogwon nye a ko lulujö ma ’di nye gwon i köji lukata, ko lu ŋuto tatatua kogwon nye a to ’diddya nakwan na marate lonyit; a ta ködyö lalaaddi kulya narok kaŋo kasu kiden.

Nyökit 24:7

A ko lele ŋuto a rye i koko ’ya na lele lo luŋasirik kanyit logon a ŋutu ti Yisaraele, a ko nye ködyö a konakin lepeŋ gwoso ’dupiet kode a tugwöŋu lepeŋ, a lu kolanit ködyö tatuani tatua; a do ködyö lalaaddi kulya narok kaŋo kasu kiden.

Nyökit 26:14

a nan gwe a ko nyesu i topuökit na delyari nan nu, a nan gwe a ko joŋ nene nanyit kaŋo na gwoŋdi nan a lut i kulya ti keri nu, kode tiŋdu nene nanyit i kulya ti lo twatwa; nan aje yiŋga gworo ilot pon MATAT Ŋun liŋ, a nan aje koŋdya ŋo liŋ nagoŋ do a saŋi nan kune.

Nyökit 4:19

Köti an ta ko ’biluru konyen kasu ki i ’diko, a ta meddi kolor ko yapa ko kaser, iŋkoi kurumi na ki liŋ, a ta lulukajine kaŋo anyen kwakwaddu se ko anyen kitakiŋdya se, kogwon MATAT ŋun losu aje korakiŋdya kine ŋo i gweyajin ti ŋutu liŋ lo gwon i na kak kulo.

Nyökit 6:13

A ta kujonöni MATAT Ŋun losu, a ta kitakiŋdye lepeŋ, a milyeji ’diŋdya karin kanyit.

Nyökit 7:4

Kogwon se mo togiraddu ŋwajik kasu kaŋo i kepöddu na MATAT, a kitakiŋdye kulye Ŋunyen; nyena a woran na MATAT mo tuleki kasu loki a nye mo tukaŋi ta ’de ’de.

Yosua 23:8

ama ’depakiŋdye ta go ko MATAT Ŋun losu, gwoso na koŋdi ta tojo ko lo lor na.

Kweyatti 19:20

A ŋilo gworoŋ se ko nebi ’burönit iŋge moka. ŋilo nebi a nye lo koŋdya kweyesi ko gworoŋ i komor nagon nye togiŋe ŋutu lo gigiriki gwuluet na ŋilo gworoŋ a twöji nyömue nanyit kulo. A se liŋ murek gubajine jörun i tör na kimao na tule ko pisek.

Ka’duŋök 20:13

Nyenagon jaki ta yi kilo ŋutu logon ti Gibea anyen yi tatatu lepeŋat, anyen tutupöddu konesi narok koŋe i Yisaraele. Ama ŋutu ti Benyamina ti ’dekan yiŋga gworo lo luŋasirik kase logon a ŋutu ti Yisaraele.

1 Samuele 12:14

Ko ködyö ta mo kukuk MATAT, a kitakiŋdye lepeŋ, a yiŋge gworo lonyit, a tine renya saresi ti MATAT, ko ködyö ta se ko mor logon saŋu ta ŋilo mo gwon a kakepok ti MATAT ŋun losu, a ŋina mo gwe a ŋo na ’but parik;