Nyökit 13:4 - Bibilia Buk na Ŋun nagon koti luŋu a

⁴ A ta ködyö kebbi MATAT Ŋun losu, i kugga na lepeŋ, ko i ’debba na saresi kanyit, ko i yiŋga na gworo lonyit, a ta kitakiŋdye lepeŋ i ’depakiŋdya ŋo ko lepeŋ.

Nyökit 13:4 ပူးပေါင်းရင်းမြစ်များ

2 Moran 23:3

A mor gwo ’de nyona ko togwi ’diet lo kadi, a milyeji ko MATAT, i keŋoddu na MATAT, ko i ’debba na saresi kanyit, ko todinesi kanyit, ko saresi kanyit lo wurö, ko töili lonyit liŋ ko ködudwö nanyit liŋ, adi nye mo kökon kulyaesi ti ŋina tomoret logon a wuröki i na buk kulo. A ŋutu liŋ morakiŋdye i nu tomoret.

2 Dekat 34:31

A mor gwo ’de kanyit i pirit, a milyeji ko MATAT, i kepöddu na MATAT, ko i ’debba na saresi kanyit, ko todinesi kanyit, ko saresi kanyit lo wurö, ko töili lonyit liŋ ko kodudwo nanyit liŋ, adi nye mo kökon kulyaesi ti tomoret logon a wuröki i na buk kulo.

Yeremia 7:23

Ama lo a saret logon nan a sarakin lepeŋat adi, Yiŋge ta gworo lio, a nan mo gwe a Ŋun losu, a ta mo gwe a ŋutu kwe, ko wöröni ta i kiko logon nan a sarakin ta lo, anyen böŋö gwon a na ’but kasu.

Mika 6:8

Do ŋilo ŋuto, MATAT aje kwe-kiŋdya do ŋo nagon a na ’but; a nye yöŋöni ŋo a nyo konut? ŋun ’de ’dekan adi ti do kitani ko torigwo, ti do gwe a kanyaranit logon ti lopuggo. ko ti do woroni a lokoyok ko lepeŋ i komor.

Luka 1:6

A se murek liŋ gwe rigwo ko Ŋun i komor kekebbu saresi liŋ se ko jujuwesi ti MATAT ’bak ŋoit.

Roma 6:13

An ta ko tikin ta toron kulye swötön ti mugunya kasu gwoso tito kitaesi ti kulya narok, ama tiŋdi ta Ŋun ’börik kasu gwoso ŋutu lo toŋiyu i twan, tiŋdi ta Ŋun swötön ti mugunya kasu gwoso tito kitaesi ti löti lo rigwo.

1 Korinto 6:17

Ama ko ŋuto a tomorakiŋdya töili lonyit ko Matat, a se gwe a ŋo geleŋ i Mulökötyo Loke.

Nyökit 10:20

Ta ködyö kukuk MATAT Ŋun losu, a ta ködyö kitakiŋdye lepeŋ, a ta ’depakiŋdye ko lepeŋ ŋo, a ta milyeji ko karin kanyit.

Nyökit 11:1

Nyenagoŋ ta ködyö nyanyar MATAT Ŋun losu, ko ’de ’deŋ jujuwesi kanyit, ko saresi kanyit lo wurö, ko kulya na ’duŋ lepeŋ kine, ko saresi kanyit perok liŋ.

Nyökit 30:20

i nyaŋu na MATAT Ŋun losu, i yiŋga na gworo lonyit, ko i ’depakiŋdya ko lepeŋ ŋo; kogwon koŋdya sona a ru nasu ko a jolan na kiŋajin kasu, anyen ta böŋö si ’da i lu jur logon MATAT a milyekin merenyejin kasu logon a ko Abarayama, ko Yisaka, ko Yakobo, i tikiŋdya na lepeŋat lu.

Nyökit 6:13

A ta kujonöni MATAT Ŋun losu, a ta kitakiŋdye lepeŋ, a milyeji ’diŋdya karin kanyit.

Nyökit 6:5

do ködyö nyanyar MATAT ŋun ilot ko töili ilot liŋ, ko ködudwo iŋot liŋ, ko riŋit iŋot liŋ.

Kolosai 1:10

yi momo ’yu Ŋun anyen ta böŋö woro ko gwiliŋisi logon a lo ’but ko Matat i komor, i tulyoŋgu na lepeŋ i ŋo liŋ, ko i radan na ludweki logon a konesi na ’but ka ’de ka ’de, koti anyen ta böŋö moröddu ŋerot i deŋdya na Ŋun bia parik.

2 Yoane 1:6

Nyaŋu gwon sona adi, yi ködyö gwolor i saresi kanyit. Ŋilo a saret logon ta aje yiŋ i suluwa lo adi, Gwolore ta i nyaŋu.

1 Samuele 7:3

A Samuele kulyani ko kötumit na Yisaraele liŋ adi, Ko ködyo ta a yitwe ko MATAT ni ko töilyet kasu liŋ, nyena paji ta kasu kiden ŋunyen logon a lepelok ko nye nagon luŋu a Asatarot, ko tirikuni ta MATAT ko töilyet kasu ko kitakiŋdye ta nye geleŋ, a nye mo lwökuŋdye ta kaŋo i könisi ti ŋutu ti Pelesete.