Nyökit 13:3 - Bibilia Buk na Ŋun nagon koti luŋu a

³ a ta ködyö tine yiŋga kulyaesi ti ŋilo nebi kode ti ŋilo karudwenit lo rudweesi; kogwon MATAT Ŋun losu gwon i möŋu na ta, i deŋdya kode ta ’diri nyanyar MATAT Ŋun losu ko töilyet kasu liŋ ko ködu dwölön kasu liŋ.

Nyökit 13:3 ပူးပေါင်းရင်းမြစ်များ

1 Moran 13:19

A ŋuto lo Ŋun moraddi ko lepeŋ, a nyesi kinyo kanyit i ’baŋ, a möji pioŋ.

Saumajin 119:2

Ŋutu logon ’debba todinesi kanyit logon ga ’yu lepeŋ ko töilyet kase liŋ kilo a kalyöŋök.

Saumajin 66:10

Kogwon do ŋon Ŋun aje möŋu yi: do aje temba yi gwoso na temari pödö na.

Saumajin 81:7

Ta a luŋgu nan na gwondi ta i nagusu nu, nyenagon a nan lwökundye ta kaŋo; a nan ruŋge ta ko kipya lo ki köyö i ŋirit na mumuk; a nan iŋge möŋu ta i lelekesi ti Meriba.

Yuörö 20:20

A Mose kulyani ko Ŋutu kulo adi, Ko kujönö ta; kogwon ŋun a po ni i temba na ta, anyen ta ködyö yeŋon kujönö lepeŋ, anyen ta gwon ti toroŋdya.

Yisaya 8:20

Tirikuni ta i yiŋga na saresi ko todinesi! A se ’diri jambi gwoso i lo kulyaet, logon baŋun nanyit na kak gwe ’bayin.

Matayo 24:24

Kogwon Masiajin ’burönök ko nebijin ’burönök mo pupukun, a mo kweji kweyesi temejik ko po sörösi, anyen tugiŋa ma ’di ŋutu lo wulwe, ko bubulö.

Konesi 17:11

A Yudayaki lo gwon nyu kulu gwe a ŋutu lo ’but lwölwöŋ ŋutu ti Tesalonike, kogwon se a wuju ŋilo kulyaet ko pusök a duma, a lepeŋat keŋdi kulya ti Ŋun na wurö kune temba i lor gaga ’yu kode ŋona kine kulya ’diri a gwak.

1 Korinto 11:19

(’Diri kunie koresi agu ködyö gwon kata kasu kiden anyen liliuŋdya ŋutu ti to ’diri.)

2 Korinto 8:8

Nan jambu kine kulya ti gwon a saret. Nan a kwekiŋdya ta ’dogga na kulye ŋutu ko pusök, anyen nan denuŋdya kaŋo kasu ko nyaŋu nasu ŋona a na to ’diri.

Epeso 4:14

A yi mo köti tine gwon a ŋwajik logon yeyeesi kao yalaŋ abur i kulya ti todinesi ka ’de ka ’de nagon gwon gwoso yalajin logon köbuŋöt lo ya ’yu. Kine todinesi ŋutu totodin ko koŋon nase nagon se yeyeŋ togiraddu ŋutu ko kulya ’burönö kune.

Nyökit 6:5

do ködyö nyanyar MATAT ŋun ilot ko töili ilot liŋ, ko ködudwo iŋot liŋ, ko riŋit iŋot liŋ.

Nyökit 8:16

ko a tunyeju ta i yöbu na sese ko mana nagoŋ merenyejin kasu a ko den na; anyen nye böŋö to ’diddya ta i möŋu na ta; ko i kona-kiŋdya na ta ’busan i perok kasu ti molu.

Nyökit 8:2

A ta ködyö yiyiuŋdye lu kiko liŋ logon MATAT Ŋun losu a nyömuŋdye ta i kilo kiŋajin merya Iŋwan i yöbu, anyen nye böŋö to ’diddya ta, i möŋu na ta, ko i deŋdya ko nyo na gwon kasu i töilyet, kode ta ’de ’deŋ saresi kanyit, kode ’bayin.

2 Tesalonike 2:11

Ko ŋina kwe Ŋun sunyukiŋdyö lepeŋat mumuluket nagon kikita ko riŋit a duma kase i töilyet, anyen tiŋdu se i yubbö na kulya ’burönö,

1 Yoane 2:19

Kilo ŋutu a geladdu ’borik kaŋo kayaŋ kata, ama se ’bayin a ti teŋ nikari, kogwon ko se ködyo a ti teŋ nikaŋ, a se yeŋe gwon koyi. Ama se a geladdu ’borik kaŋo anyen boŋö kweki köke adi, lele lose ’bayin a lo teŋ nikaŋ.

1 Yoane 4:1

Ta lo nyanyara kilo, an ta ko yubbo ta muloko liŋ, ama teme ta tem muloko, anyen ta deden ko se a ti Ŋun kode a lepelok, kogwon nebijin ’buronok jore aje rekin i na kak.

1 Yoane 4:4

Ŋwajik kwe, ta a ti Ŋun, ta aje te ’ya nebijin ’buronok, kogwon Ŋun logon gwon kasu i mugunya lo a duma lwölwöŋ Miriku lo Kristo logon gwon i na kak lo.

Kweyatti 13:14

A lepeŋ togiraddi ŋutu ti na kak i koŋdya na kweyesi nagon a ’buruki nye i koŋdya i komor na ŋilo gworoŋ. A nye takiŋdye ŋutu ti na kak anyen teteŋdya nyömue a na gworoŋ lo toko ko baŋdu ama gwon jörun lo.

Ka’duŋök 2:22

A nan de tembi Yisaraele ko kilo juron, kode se de ’de ’deŋ kiko lio lo MATAT, i wörö lukata, gwoso na ’debbi merenyejin kase nu kode ’bayin.

1 Samuele 26:19

Nyenagon böŋö pon mor duma liŋ, yiŋge kulyaesi kwe nan köliŋönit ilot. Ko kodyö MATAT lo toŋ ŋu do ki i ŋisa ko nan, a ti nye wuji rubaŋga; ama ko a ŋutu lo toŋu do, a ti se lömöni lömö ko MATAT i komor, kogwon lepeŋat aje riköddu nan kaŋo i lo lor, anyen nan gwon ti parundya i lomoriot ti MATAT, kulya adi, Iŋgo, ti kitakiŋdye kulye ŋunyen.