Nyökit 13:18 - Bibilia Buk na Ŋun nagon koti luŋu a

¹⁸ ko ta ködyö yiyio gworo lo MATAT Ŋun losu, i ’debba na saresi kanyit liŋ logon nan saŋi ta i lo lor kulo, i koŋdya na ŋo na rigwo ko MATAT Ŋun losu i metet.

Nyökit 13:18 ပူးပေါင်းရင်းမြစ်များ

Suluet 22:17

nan mo ’diri ’bo ’boro do, a nan mo tuŋdije nyakwariat kulök gwoso kaser ti ki, ko gwoso sese na gwon i kijit na tör; a nyakwariat kulök mo ruddye köjinö ti merok kase,

Saumajin 119:6

Nyenagon ko nan a diŋa saresi kulök liŋ go, a yu na kwe tine mok nan.

Matayo 6:33

Ama a kokwe ga ’yi ta ga ’yu anyen lepeŋ lo tumatyan ko ta, köti anyen ta koŋdya löti lonyit lo rigwo, a kirut kine ŋo liŋ mo ’yalakine ta.

Matayo 7:21

Ti gwon a ŋutu liŋ lo luŋgu nan adi, MATAT, MATAT kilo, logon mo lupö i Tumatyan na Ki, ama ka ’de ŋuto lo koŋdya ŋo nagon Baba lo gwon ki lu ’de ’dekan lo mo lo lupö.

Matayo 7:24

Nyenagon ŋutu liŋ logon a yiŋ kulyaesi kwe a kone kon se kilo, mo gwon gwoso ŋuto lokoŋ logon a ’dukökiŋdyö kadi nanyit i lelya loki.

Nyökit 12:25

Ta ködyö ti nyesu se; anyen kulya kasu ko ti ŋwajik kasu logon kasu i mukök kulo böŋö tu ’bura na koŋdi ta kulya na rigwo ko MATAT i metet nu.

Nyökit 12:28

Agu ŋi ta tiju i yiŋga na kilo kulyaesi liŋ logon nan a saŋi ta kilo, anyen na koŋdi ta kulya na ’but ko na rigwo ko MATAT Ŋun losu i metet nu, a kulya kasu ko ti nyakwariat kasu mo iti ’bura ŋupi.

Nyökit 12:32

A ta ködyö tiji ŋo i koŋdya na ŋo liŋ nagoŋ nan a saŋi ta kunu; ta ti ’yalakiŋdya kode ’dumaddu kata.

Nyökit 13:17

A ta ködyö tine ’bo nene na kine ŋo na rurwan; anyen MATAT böŋö kö ’yu woran nanyit na pape, a pitökiŋdye ta, a won konyen ko ta, ko a tupöŋe ta gwoso na milyekiŋdye nye merenyejin kasu nu,

Nyökit 14:1

Ta logon a ŋwajik ti MATAT Ŋun losu; ta ködyö ti ’du ’duŋujö ’börik, kode ’bariŋdu kupir kasu ti mer na kwe i kulya ti lo twatwa.

Nyökit 7:26

A ta ködyö tine joŋdya nene ŋo na mamana kasu i kadijik, an ta ko tukara asut gwoso nye; a ta ködyö paji lepeŋ, a maŋdi lepeŋ asut; kogwon nye gwon a ŋo nagoŋ agu ködyö tukara asut.

Yosua 7:26

A se ’du ’yi ’dome duma lo ŋurupö kanyit loki, lo yeyeŋon tojo ko lo lor, a MATAT kö ’yi woran nanyit na pape. Nyenagon a karin ti nu pirit luŋuni a pirit na ’dir na Akor tojo ko lo lor.