Nyökit 13:16 - Bibilia Buk na Ŋun nagon koti luŋu a

¹⁶ A ta ködyö kwokwötuŋdye mokat ti nu köji liŋ i kiden na terere nanyit, a ta ’yuŋe nu köji ko mokat kanyit liŋ, gwoso rubaŋga lo ’yuraki MATAT Ŋun losu ’buluŋ; a nu köji mo yeŋoro a ruba ŋupi, a mo tine ’dukö köti.

Nyökit 13:16 ပူးပေါင်းရင်းမြစ်များ

Yuörö 22:19

Ko ŋa lo doto ko turu ’buti a ti lepeŋ tatuani tatua.

Yisaya 17:1

’Dokut i kulya ti Damaseke adi, Meddi, Damaseke mo tine gwon aköjiköti, a nye mo worani a ’domeki ti rubajin.

Yisaya 25:2

Kogwon do a koŋdya köji i gwon a sudiet, köji na gwon ko mariŋ i gwon a rubajin; a kadi najo ki na Lwaka tine gwon a köji köti, a mo tine nyökö ’dukö kwöŋ.

Yeremia 49:2

Nyenagon nan MATAT lo kulyaadi, Mete, perok kilo popo logon nan mo tiŋdu ŋutu ti Raba i jur lo Amoni yiŋ na merok i sira na poŋdi se i mörö nu, a köji na Raba mo konani a murwö ko a sudi, a turön kanyit mo ’yurani ’yura ko kimaŋ, a kirut ŋutu ti Yisaraele mo riköddi ŋutu logon a morga köjinö kase kilo; a mo ruddye se. Ŋilo a nan MATAT lo jambu.

Ejikele 26:14

A nan mo tiŋdi do i gwon a lele nagon gwon kana ’bak nene ŋo, a ŋutu mo loji ku ’yilan kase konut loki; a do mo gwe ti nyökö ’duko kwoŋ; kogwon nan MATAT aje jambu sona. Kilo a kulyaesi kwe ti MATAT ŊUN.

Mika 1:6

Nyenagon nan MATAT mo kökon Samaria a sudiet ti rubajin mu ’diŋ yu, ko a pirit ’yutit na kaden ti binyo; a nan mo ’buköddi ŋurupö kanyit kak i pirit na ’dir, a paŋdi pipilesi kanyit.

Nyökit 7:25

A ta ködyö ’yuŋe Ŋunyen kase lo gigiru; an ta ko be ’ya pödo kode dakap nagoŋ gwon kase i mugunya, kode i joŋga na se a kasu, an ta ko loka ko se; kogwon kine a ŋo nagoŋ MATAT Ŋun losu maman kune.

Nyökit 7:26

A ta ködyö tine joŋdya nene ŋo na mamana kasu i kadijik, an ta ko tukara asut gwoso nye; a ta ködyö paji lepeŋ, a maŋdi lepeŋ asut; kogwon nye gwon a ŋo nagoŋ agu ködyö tukara asut.

Yosua 6:21

A se tukaŋi ko baŋdujin asutoŋ liŋ na gwon i nu köji kunu, kweja adi ŋutu lyan ko nawate, ko ŋwajik, ko muduŋin, ko dwönin, ko yidin, se ko kaineki.

Yosua 6:24

a se ’yuŋe nu köji koŋo liŋ na gwon lukata kunu ko kimaŋ; ama a se tiŋdi pödö ko dakap, ko tito nagon a ti mölwö se ko ti witi kune i kadi nagon ’delarikin tito ti kadi na MATAT na.

Yosua 6:26

A Yosua sarakiŋdye se ko milye adi, Lu ŋuto lölömö ko MATAT i komor logon ŋi ki i ’duggö na ŋina köji Yeriko. Na togwi ’dikiŋdye nye gwo ’diesi ti na köji nu, a ŋuro lonyit kayu mo twane twan, a na togwi ’dikiŋdye nye kötumitön ti nu köji nu, a nyakwari lonyit mo twane twan.

Yosua 8:28

Nyena a Yosua ’yuŋe Ai, a koŋdi lepeŋ a ki ’dirö lo yeŋ nyin logon a murwö, tojo ko lo lor.