Nyökit 12:7 - Bibilia Buk na Ŋun nagon koti luŋu a

⁷ a ta ködyö nyesi nyu ko MATAT Ŋun losu i komor, a ta se ko midijik kasu ködyö lyöŋi lyöŋön i ŋo liŋ nagoŋ ta kökon nagoŋ MATAT Ŋun losu a ’borokin ta kine.

Nyökit 12:7 ပူးပေါင်းရင်းမြစ်များ

1 Dekat 29:22

a se nyesi nyesu a möji möju i ŋilu lor ko lyöŋön a duma ko MATAT i komor. A se tiŋdi Solomona ŋuro lo Dawidi a mor i daŋ tomurek, a se welakiŋdye lepeŋ a kasaranit i karin ti MATAT, a welakiŋdye Sadok a koane.

Nemaya 8:9

A Nemaya logon a modir, ko Ejira koane logon a kawurönit, se ko Lewijin lo todiŋdyö lodir kulo kulyani ko ŋuto lio adi, Lo lor a lor loke lo MATAT ŋun losu; an ta ko delya ta, ko gwien ta. Kogwon ŋuto liŋ a gwien na yiŋge se kulyaesi ti saresi.

Katokuönit 3:12

Nan a den adi nene ŋo ’bayin nagon a na ’but ko lepeŋat lwölwöŋ kine adi se ködyö lyöŋi lyöpön ko ti si ’dani ’bura gwoso na gwiliŋgi se na;

Katokuönit 3:13

köti adi a ’doket nagon ŋun a ’doggi ŋutu adi ti ŋutu liŋ ködyö nyesi nyesu ko ti möji möju, ko ti lyölyöpine lyölyöpi i kitajin kase liŋ.

Katokuönit 5:18

Mete, Ŋo nagon nan a met i gwon a na ’but ko jujukin kune gwon a nyesu, ko möju, ko ryeju na lyoŋon i ŋo liŋ nagon ŋutu a kitaun i kak ni, i perok ku ’dik logon a gwiliŋisi kase logon Ŋun aje tikin lepeŋat, kogwon kine ŋo a koraki lepeŋat.

Yisaya 23:18

A ’bulisi kanyit ko ropet na kita nanyit mo gelakine MATAT; se mo ti ’delaki a ’delat, ama a ’bulisi kanyit mo gwe a ti ŋutu lo gwogwolor ko MATAT i komor anyen nyesu a yimönöesi

Yisaya 62:9

ama se logon ŋepa ’bolot kulomo nyesu se a pupurje nan MATAT, a se logon ’deja lukweki ti binyo kulo mo möji se i lukata na mariŋ na pirit nio nake na rurwan.

Ejikele 44:3

Ake kasaranit tuŋ ködyö bubulö si ’da kata i nyesu na kinyo köyö i komor nan MATAT; lepeŋ bubulö lupöri baraŋöa na gwon i kadi najo na gwon i kötumit na, a yitöri kiko lo geleŋ.

Yoele 1:16

Kinyo ŋona a ko likin kayaŋ i konyen? Lyoŋon se ko nyola a ko ’duddyo i kadi na ŋun likaŋ le?

Yoele 2:26

Ta mo nyenyesu a duma a yimönöni yimönö, a pupurje karin kwe ti MATAT ŋun losu, logon a konakiŋdya ta ŋo sorösi. A ŋutu kwe mo köti tine toyuö kusik kwöŋ.

Lewi 23:40

A i lor lo kokwe a ta ködyö ’dumuŋdye ludweki ti kaden lo ’but ko kenia ti tömur, ko kenia ti kaden logon ko koropo jore, ko ti kaden ’biyo logon nyona ko loro kulo; a ta ködyö lyölyöŋine ko MATAT ŋun losu i komor ko perok buryo.

Malaki 2:13

A ta koti koŋdi sona. Ta muggo pirit ’yuret na rubaŋgajin ti MATAT ko politan, se ko gwien ko wiwinya kogwon lepeŋ tine yeyeju ’dokesi kasu, koti a nye tine nyar wuju se kasu i konisi.

Konesi 2:46

a se yepe woro i Kadi na Ŋun i pirit na geleŋ perok liŋ, a pipindye ambata kase i midijik a nyesi kinyo ko lyoŋon ko töili geleŋ,

Nyökit 12:12

A ta ködyö lyöŋi lyöŋön ko MATAT Ŋun losu i komor, ta se ko ŋwajik kasu lulyan ko nawate, ko kölipönök kasu lulyan ko nawate, ko Lewijin logon si ’da kasu i turön kulo, kogwon se ’bak koret kode lomore kasu kiden.

Nyökit 12:18

ama a ta ködyö nyesi se ko MATAT Ŋun losu i komor i nu pirit nagoŋ MATAT Ŋun losu a wulun nu, ta se ko ŋwajik kasu lulyan ko nawate, ko kölipönök kasu lulyan ko nawate, ko Lewijin logon si ’da kasu i turön kulo; a ta ködyö lyöŋi lyöŋön ko MATAT Ŋun losu i komor ko ŋo liŋ nagoŋ ta kökon kune.

Nyökit 12:8

A ta ködyö tine koŋdya gwoso ŋo liŋ na kon yi ni i lo lor kune, kweja adi ŋutu liŋ geleŋ geleŋ ŋadi koŋdya ŋo nagoŋ nye a met adi a na ’but kanyit;

Nyökit 14:23

A ta ködyö nyesi topuökisi ti ’bolot kasu, ko ti binyo kasu, ko ti weletan kasu, ko ti kayujin ti teŋon kasu ti kisuk ko ti yidin, a ta ködyö nyesi se ko MATAT Ŋun losu i komor, i nu pirit nagoŋ nye mo wuwulun nu, i tiŋdu na karin kanyit i gwolor nyu; anyen ta böŋö jujumbu kugga na MATAT Ŋun losu perok liŋ.

Nyökit 14:26

A ta ködyö tiŋdi kine gurut i ŋo na ’deggi ta kune, kweja adi i dwönin, kode i köbilu, kode i binyo, kode i yawa na pötwör, i ŋo liŋ na ’deggi kamulak kasu; a ta nyesi nyu, a ta ko midijik kasu lyöŋi lyöŋön ko MATAT Ŋun losu i komor.

Nyökit 15:20

A do se ko mede iŋot liŋ ködyö nyesi se ko MATAT Ŋun ilot i komor, temba i kiŋajin liŋ, i nu pirit nagoŋ MATAT de wuwulun nu.

Nyökit 26:11

a do lyölyöŋine ko ŋo na ’but liŋ nagoŋ MATAT Ŋun ilot aje tikin do kune, do ko kötumit iŋot, ko Lewijin, se ko ŋutu lo si ’da a lepelok kasu kiden kulo.

Nyökit 27:7

a ta ködyö ’duŋge rubaŋgajin ti taliŋ nyu; a ta ködyö nyesi nyu, a ta lyöŋi lyöŋön ko MATAT Ŋun losu i komor.

Nyökit 28:47

Nyena kogwon ta a ko kitakiŋdya MATAT Ŋun losu ko lyöŋön se ko nyola na töilyet kasu, kogwon kulya ti bara-ŋdu na ŋo liŋ,

Pilipoi 4:4

Lyöŋi ta lyöŋön ko Matat i mugun perok liŋ; nan köti nyöggu kulya adi. Lyöŋi ta lyöŋön.