Nyökit 12:6 - Bibilia Buk na Ŋun nagon koti luŋu a

⁶ a ta ködyö joŋgi rubaŋgajin kasu lo ’yu ’yura ’buluŋ nyu, se ko rubaŋgajin kasu, ko topuökisi kasu, ko ’dokesi nagoŋ ta a wukin, ko ’dokesi kasu ti milye nagoŋ ta a milyeji kune ko ti tupalikan na töilyet, ko kayujin ti teŋon kasu ti kisuk ko ti yidin;

Nyökit 12:6 ပူးပေါင်းရင်းမြစ်များ

2 Dekat 31:14

A Kore ŋuro lo Yimena Lewityo, logon a katiyunit lo kotumit na gwon i swot lo ’yure, gwe a kameme­tanit lo ’dokesi ti tupalikan na töili nagon tiki Ŋun kune, anyen kökoroja ŋo nagon a wuki MATAT se ko ŋo nake na rurwan.

2 Dekat 7:12

A kirut kwaje a MATAT puköki ko Solomona a kulyani ko lepeŋ adi, Nan aje yiŋ kwakwasesi kunok ko nan aje wulokiŋdyo mugun na pirit a kadi wukiet na rubaŋgajin.

Ejira 3:2

A kirut Yesu a ŋuro lo Yosadak ko luŋasirik kanyit koanejin, ko Jerubabela ŋuro lo Salatiele se ko luŋasirik kanyit ŋine ki a ’duŋge pirit ’yuret na rubaŋgajin ti ŋun lo Yisaraele anyen ’yuraki ’e lepeŋ rubaŋgajin ’buluŋ, gwoso nagon a wurö i saret lo Mose ŋuto lo ŋun.

Nemaya 10:36

Yi köti a ruk joŋdya kayujin ti ŋwajik kaŋ lulyan ko ti toro ’bo kaŋ, gwoso nagon a wurö i saresi, se ko kayujin ti teŋon kaŋ ti kisuk, ko ti yidin i kadi na Ŋun likaŋ ko i koanejin lo kita i lukata nanyit.

Nemaya 10:39

Kogwon ŋuto ti Yisaraele ko nyakwariat ti Lewi ködyö joŋdya kine ’dokesi ti ’bolot, ko ti binyo, ko ti welet, anyen ’dela i kadijik na ’di ’dik nagon tito ti pirit na rurwan ’dela i kunie kase, a koanejin logon kita nyu ko katiyuk ti kötumitön se ko kayolok si ’dani i kunie. Nyena a yi mo tine kölökiŋdyö kitajin ti kadi na ŋun likaŋ asut.

Saumajin 116:17

Nan de wukindya do rubaŋga lyöŋit, a ’dindye karin kunök MATAT.

Ejikele 20:40

Nan MATAT Ŋun lo kulya adi, Ta kötumit na Yisaraele liŋ mo kitakiŋdya nan i jur losu i mere lio loke lo rurwan logon a mere lojo lo Yisaraele. A nan mo wuji ta nyu ko ’busan; a nan mo luŋgi ta anyen gwe-gwelakiŋdya nan ŋo kasu, ko ’dokesi kasu na nyunyumwe, se ko rubaŋgajin kasu liŋ loke.

Lewi 1:3

A ko rubaŋga lonyit gwon a rubaŋga lo ’yu ’yura ’buluŋ lo ’dumwe i kisuk, a nye köbyö wukiŋdye mönik logon ’bak yuyuket; a nye tiŋdi lu mönik i kömit na kemia torumet, anyen MATAT böŋö ruruk ŋilo ŋuto;

Malaki 3:10

Jo ta topuökisi liŋ i kadi ’delet, anyen böŋö kinyo gwon kata koyo kadi; nan MATAT lo kurumi lo kulya adi, Tembi ta nan ko ŋina temet ko nan ti pakin ta kwilisesi ti ki i ’bukökiŋdyo na ta ’boriet nagon ’bak temet.

Malaki 3:8

Adi, ŋutu bubulo koko ’ya ŋun le? Ama ta kilo gwon i koko ’ya na nan. A ta pipije adi, Yi a koko ’ya do ada? Adi kogwon ta a ko tiŋdu topuo kisi kasu se ko ’dokesi.

Luka 11:42

Woidio ta Parusijin! Ta ’dogga ko swöt topuökit lo nana ko lo mulukia logon a jiyo, se ko lo koropo liŋ na to ’busarikin kinyo, ama a ta kölökiŋdye ’duŋgo na kulya gwogwo se ko nyaŋu na ŋun. Kine ŋo a se nagon ta kodyö kökon, a gwe ti kölokin kunie a ko kona.

Luka 18:12

Nan mimiŋdya daŋin murek i jima, nan ’do ’dogga ko swöt topuökit lo ŋo kwe liŋ lo ryo nan kulo.

Nyökit 12:17

A ta ködyö tine nyesu topuökisi ti ’bolot kasu i turön kasu, kode ti binyo kasu, kode ti weletan kasu, kode kayujin ti teŋon kasu ti kisuk ko ti yidin, kode ’dokesi kasu liŋ ti milye nagoŋ ta a milyeji kune, kode ’dokesi kasu ti tupalikan na töilyet, kode ’dokesi na wukin ta kune;

Nyökit 26:2

a do ködyö ’dumuŋdye kulye waŋesi ti kinyojin liŋ ti melesen, logon do aje kwökwötun i lu jur logon MATAT Ŋun ilot mo titin do lu, a do ködyö tiŋdi se i kupö lukata, a do iti i pirit nagoŋ MATAT Ŋun ilot mo wuwulun nu, i tiŋdu na karin kanyit i si ’da nyu.

Yosua 22:27

ama anyen gwon a tokoret i kiden nikaŋ ko ta, ko köti i kiden na nyakwariat kaŋ kayaŋ i mukök, anyen yi bo ŋö kitakiŋdya MATAT kanyit i komor ko ruba ŋgajin kaŋ lo ’yu ’yura ’buluŋ, ko ruba ŋgajin kaŋ lo ’du ’du ŋö se ko ruba ŋgajin kaŋ ti taliŋ; an ŋwajik kasu molu ko jambu ko ŋwajik ka ŋ adi, Ta ’bak koret ko MATAT,

1 Samuele 1:21

A lu ŋuto Elekana ko mede nanyit iti i ’duŋökiŋdyö na MATAT rubaŋga gwoso na saraki temba i kiŋa, ko i koŋdya na milye lonyit.

1 Samuele 1:24

A nagon ŋuro aje kö ’yu nöggu nu, a ŋote joŋgi lepeŋ se ko dwöt lo kiŋajin musala ko epa gepeŋ ŋa ’bolot, ko jurak lo binyo; a nye joŋdi Samuele Silo ko MATAT kadi; a ŋuro lu nyuŋ gwon a lo ’dit.