Nyökit 12:5 - Bibilia Buk na Ŋun nagon koti luŋu a

⁵ Ama ta ködyö ga ’yu nu pirit nagoŋ MATAT Ŋun losu a wulökin ta i kötumitön kasu liŋ i tiŋdu na karin kanyit nyu nagoŋ a pirit gwiliŋit nanyit nu, a ta iti nyu;

Nyökit 12:5 ပူးပေါင်းရင်းမြစ်များ

1 Moran 12:27

Ko kodyö kilo ŋutu a tu i ’duŋgö na rubaŋgajin i kadi na MATAT Yerusalema yu, a töilyet kase mo löpuköddi ko matat lose logon a Rabama mor lo Yuda, a se mo tatuje nan a mo yitöni ko Rabama mor lo Yuda yu.

1 Moran 14:21

A Rabama ŋuro lo Solomona gwe a kasaranit lo Yuda: A nye gwe ko kipajin merya iŋwan wot geleŋ na suluje nye gwon a kasaranit nu, a nye saŋi Yerusalema yu ko kipajin puök wot buryo. Ŋinu gwon a köji nagon MATAT aje wulun i kiden na kötumitön liŋ ti Yisaraele anyen tiŋdu karin kanyit nyu. A karin ti ŋote nanyit gwe a Nama ŋuto na Amon.

1 Moran 8:16

Suluja i lor logon nan a joŋdi ŋutu kwe Yisaraele kaŋo i Ejipeto lu, a nan gwe a ko wuluŋdyö köji i kötumitön liŋ ti Yisaraele nagon ’dukörikin kadi, anyen karin kwe mo gwon nyu; ama nagon nan a wuluŋdyö Dawidi a duma lo ŋutu kwe Yisaraele.

1 Moran 8:20

MATAT aje kon milye lonyit logon nye a jam lu; kogwon nan aje ruddya pirit na Dawidi monye lio, ko aje si ’daki i si ’daet na tumatyan na Yisaraele, gwoso nagon MATAT a milyeji nu, nan aje ’duggö kadi kogwon karin ti MATAT Ŋun lo Yisaraele.

1 Moran 8:27

Ama do ŋun ’diri bubulö si ’da i na kak le? Mete, ma ’di ki ko wi nanyit ti jukin do; ake kirut ŋina kadi jujukin do nagon nan aje ’duk na?

1 Moran 8:29

Ti konyen kulök böŋö gwe ŋa i meddya na na kadi ko tukwaje ko tuparan, na pirit nagon do aje kulyari adi karin kunök mo gwon nyu, anyen do boŋo yiŋga kwakwasesi nagon nan köliŋönit ilot wuwukin i na pirit kune.

2 Moran 18:22

Ama ko do kulya ko nan adi, Yi yinikiŋdyö ’börik ko MATAT Ŋun likaŋ: ŋilo a leŋe ŋun logon piritön kwakwasesi kanyit na gwon i ko ’dulan ti merya ko piritön ’yuresi kanyit ti rubaŋgajin Kijikia a tur kak kune le? Ŋilo a leŋe Ŋun logon Kijikia a kulya ko ŋutu ti Yuda se ko ti Yerusalema adi, Ta ködyö kwakwaddu i komor na pirit ’yuret na rubaŋgajin na gwon Yerusalema ni na?

1 Dekat 22:1

A Dawidi kulyani adi, Na pirit ködyö gwon a kadi na MATAT Ŋun, köti na ködyö gwon a pirit ’yuret na rubaŋgajin logon ’yura ’buluŋ a ti Yisaraele.

2 Dekat 7:12

A kirut kwaje a MATAT puköki ko Solomona a kulyani ko lepeŋ adi, Nan aje yiŋ kwakwasesi kunok ko nan aje wulokiŋdyo mugun na pirit a kadi wukiet na rubaŋgajin.

Ejira 3:2

A kirut Yesu a ŋuro lo Yosadak ko luŋasirik kanyit koanejin, ko Jerubabela ŋuro lo Salatiele se ko luŋasirik kanyit ŋine ki a ’duŋge pirit ’yuret na rubaŋgajin ti ŋun lo Yisaraele anyen ’yuraki ’e lepeŋ rubaŋgajin ’buluŋ, gwoso nagon a wurö i saret lo Mose ŋuto lo ŋun.

Ejira 6:12

Ti Ŋun logon a tiŋdu karin kanyit i kuön nyu lo, ti nye gubara kaŋo mor kode ŋutu lo koŋdya nene po i löpuggö na ŋilo saret, kode i köŋu na ŋinu kadi nanyit na gwon Yerusalema nu. Nan Dario a tiŋdu saret; ti agu konani kona ’bura.

Ejira 7:17

Nyena kune gurut do kodyo kitari ko tirikwet anyen gworori öwönin, ko lopijoki, ko yisi, se ko ’dokesi kase ti ’bolot ko rubaŋgajin ’bu ’bukesi kase, a do wukiŋdye se i pirit ’yuret na rubaŋgajin loki i kadi na Ŋun ilot na gwon Yerusalema yu.

Nemaya 1:9

ama ko ta a yitwe bot köyo ni, a ’debbi saresi kwe a kone kon se, ma ’di ködyo ŋutu kasu a toreki i swötön liŋ ti kak, nyena a nan mo pepenuŋdye se nyu a mo joŋgi se i pirit nagon nan a wulun anyen karin kwe gwolor yu.

Saumajin 78:68

ama a nye wulundye kötumit na Yuda, ko mere Siona logon nye nyanyar lo.

Yuörö 15:2

MATAT gwon a riŋit nio ko a köli lio, a nye iŋge wora a kalwökönit lio; lepeŋ a ŋun lio, a nan pupurje lepeŋ, iŋkoi, lepeŋ a ŋun lo baba, a nan de yuöggi lepeŋ.

Yuörö 20:24

Ta ködyö tetenakiŋdya nan pirit na rubaŋgajin nagon gweya ko liŋo, a ta ’yuŋe rubaŋgajin lo ’yura ’buluŋ i loki nanyit, ko rubaŋgajin kasu ti taliŋ, kweja adi yidin kasu ko dwönin kasu. Nan mo popo i ’boroja na ta i piritön liŋ nagon nan tiŋdu Ŋutu i yeyeju na karin kwe kata kunu.

Yuörö 25:22

A nan mo momorani ko do nyu. A nan mo gwe i wöli i loki na muket nagon toronjin lala kata na nagon gwon i kiden na kerubajin murek lo gwon i loki na nu saŋduk na tökoresi, a nan mo jamakiŋdye do kulya liŋ nagon nan mo titikin do anyen sararikin Ŋutu ti Yisaraele kune.

Yeremia 26:2

Nan MATAT lo kulya adi, Gwo ’de i ’baŋ lo kadi nio na MATAT, ko jamaki ŋutu ti köjinö liŋ ti Yuda logon po i kwakwaddu i kadi nio na MATAT kulo, taki lepeŋat kulyaesi liŋ logon nan a sarakin do i jamakiŋdya na lepeŋat kulo; an do ko ’de ’ya lele kulyaet.

Yeremia 7:12

Iti ta soŋinana i pirit nio nagon köju gwon Silo nu, nagon nan a tin karin kwe i si ’da kata a kokwe köju nu, ko mete ta ŋo naron nagon nan a konakin ŋinu pirit kogwon toronjin ti ŋutu kwe Yisaraele.

Yeremia 7:14

Nyenagon nan mo kokonakin na kadi na luŋu ko karin kwe nagon ta twötwö na, kweja adi na pirit nagon nan a tikin ta se ko merenye­jin kasu köju nu, gwoso nagon nan a konakiŋdye Silo köju nu;

Lewi 17:4

a nye tine joŋdya lepeŋ i kömit na kemia torumet, i wukiŋdya na lepeŋ a rubaŋga lo MATAT i komor na kemia na MATAT, a toron na rima mo konakine lu ŋuto; kweja adi lepeŋ a ’bukuŋdyö rima, a lu ŋuto ködyö riköjine kaŋo i kiden na ŋutu kanyit.

Kenet 7:89

A na lupöri Mose i kemia torumet lukata i jambu ko MATAT nu, a nye yiŋge gworo lo jambu ko lepeŋ i wöli i loki na muket nagoŋ toronjin lala kata na na gwon i loki na saŋduk na ŋurupö tökoresi, i kiden na kerubajin; a ŋilo gworo kulyani ko lepeŋ.

Nyökit 12:11

a mo gwe sona adi, ta ködyö joŋga ŋo liŋ nagoŋ nan a saŋi ta tojo ko nu pirit nagoŋ MATAT Ŋun losu mo wuwulun i tiŋdu na karin kanyit i gwolor yu nu; kweja adi ta ködyö joŋga rubaŋgajin kasu lo ’yu ’yura ’buluŋ, ko rubaŋgajin kasu, ko topuökisi kasu, ko ’dokesi kasu nagoŋ ta a wukin, ko ’dokesi kasu liŋ ti milye nagoŋ ta a milyekin tiŋdu MATAT kune.

Nyökit 12:13

Kunyar, an ta ko wukiŋdya rubaŋgajin kasu lo ’yu ’yura ’buluŋ i piritön liŋ na met ta kunu;

Nyökit 12:18

ama a ta ködyö nyesi se ko MATAT Ŋun losu i komor i nu pirit nagoŋ MATAT Ŋun losu a wulun nu, ta se ko ŋwajik kasu lulyan ko nawate, ko kölipönök kasu lulyan ko nawate, ko Lewijin logon si ’da kasu i turön kulo; a ta ködyö lyöŋi lyöŋön ko MATAT Ŋun losu i komor ko ŋo liŋ nagoŋ ta kökon kune.

Nyökit 12:4

Ta ködyö ti konakiŋdya MATAT Ŋun losu sona.

Nyökit 14:23

A ta ködyö nyesi topuökisi ti ’bolot kasu, ko ti binyo kasu, ko ti weletan kasu, ko ti kayujin ti teŋon kasu ti kisuk ko ti yidin, a ta ködyö nyesi se ko MATAT Ŋun losu i komor, i nu pirit nagoŋ nye mo wuwulun nu, i tiŋdu na karin kanyit i gwolor nyu; anyen ta böŋö jujumbu kugga na MATAT Ŋun losu perok liŋ.

Nyökit 14:24

A i diŋit nagoŋ MATAT a ’boroja ta ko tukwörien nu, ama ko ködyö nu pirit nagoŋ MATAT Ŋun losu a wulun i tiŋdu na karin kanyit nyu, ko ködyö lepeŋ gwon pajo kasu kogwon kiko a lojo,

Nyökit 15:20

A do se ko mede iŋot liŋ ködyö nyesi se ko MATAT Ŋun ilot i komor, temba i kiŋajin liŋ, i nu pirit nagoŋ MATAT de wuwulun nu.

Nyökit 16:11

A ta lyöŋi lyöŋön ko MATAT Ŋun losu i komor ko ŋwajik kasu lulyan ko nawate, ko kölipönök kasu lulyan ko nawate, ko Lewijin lo gwon kasu i turön, ko ŋutu lo si ’da a lepelok, ko kikijikö, ko karu ’bejin nagoŋ gwon kasu kiden kune. Ta lyölyöŋön i nu pirit nagoŋ MATAT Ŋun losu mo wuwulun i tiŋdu na karin kanyit i si ’da nyu nu.

Nyökit 16:15

A ta ködyö ’debbi rorwe ko perok buryo ko MATAT Ŋun losu i nu pirit nagoŋ MATAT mo wuwulun nu; kogwon MATAT Ŋun losu mo ’boroja ta i kinyojin kasu liti ko i konesi kasu liŋ, a ta mo tuŋ gwe ko lyöŋön.

Nyökit 16:2

a ta ködyö ’duŋökiŋdye MATAT Ŋun losu nene turu ’buti i teŋon ti yidin kode ti kisuk a rubaŋga lo Pasaka, i nu pirit nagoŋ MATAT mo wuwulun i tiŋdu na karin kanyit i si ’da nyu nu.

Nyökit 16:6

ama a ta ’duŋge rubaŋga lo Pasaka i nu pirit nagoŋ MATAT Ŋun losu wuwulun i tiŋdu na karin kanyit i si ’da nu, i sömukö i ’doro na kolor, i nu diŋit na yuuŋdye ta kaŋo i Ejipeto nu.

Nyökit 16:7

a ta ködyö deŋi ŋilo rubaŋga a nyesi lepeŋ i nu pirit nagoŋ MATAT Ŋun losu mo wuwulun nu; a i ko ’bule a ta yitöni bot kasu i kemialan.

Nyökit 17:8

A ko ködyö putet logon a iŋgo a jwe i lilia kasu i turön i kiden na i ŋutu logon a tuböŋörö, kode logon ko piyet, kode lo totogwut, a ko ködyö a iŋgo kasu, nyena a ta ködyö ŋine ŋien a iti tojo ko nu pirit nagoŋ MATAT Ŋun losu mo wuwulun nu;

Nyökit 18:6

A ko lele Lewityo lo si ’da i lele lo turön kasu ti Yisaraele liŋ ko poŋdi i nu pirit nagoŋ MATAT mo wuwulun nu, ko lepeŋ a po ko ’deket nanyit na töili

Nyökit 26:2

a do ködyö ’dumuŋdye kulye waŋesi ti kinyojin liŋ ti melesen, logon do aje kwökwötun i lu jur logon MATAT Ŋun ilot mo titin do lu, a do ködyö tiŋdi se i kupö lukata, a do iti i pirit nagoŋ MATAT Ŋun ilot mo wuwulun nu, i tiŋdu na karin kanyit i si ’da nyu.

Nyökit 31:11

na poŋdi ta ŋutu liŋ ti Yisaraele ko MATAT Ŋun losu i komor i nu pirit nagoŋ nye mo wuwulun nu, a ta ködyö kenakiŋdye ŋutu liŋ ti Yisaraele kilo saresi anyen se yiyiŋ.

Kolosai 2:9

Kogwon Ŋun ko ru nanyit ’bukuluŋ gwolor ko Kristo i mugun,

Ebere 12:22

Kölumbö ta a ’dur i mere Siona, i köji na Ŋun lo gwon jörun, kweja adi nagon a Yerusalema na ki. Ta a ’dur ko alipan ti alipan ti malaikajin i komor. Ta aje ’dur i pepenet lyöŋit

Yosua 18:1

A momoret ’bukuluŋ na ŋutu ti Yisaraele pepenuŋdye Silo, a ’bikikiŋdye kemia torumet nyu; a jur liŋ iŋge tela kase i komor.

Yosua 22:11

A ŋutu ti Yisaraele ko yiŋge adi, Mete ta, ŋutu ti Rubena ko ŋutu ti Gada se ko swöt lo kötumit na Manase aje dibba pirit ’yuret na rubaŋgajin nagon diraddu i jur lo Kanana nyona ko Yardene, i na pele na kare nagon a na ŋutu ti Yisaraele na.

Yosua 9:27

I ŋilu lor a Yosua tiŋdi se i gwon a katokok ti kaden ko a ka ’yilak ti pioŋ ti nu momoret, ko ti pirit ’yuret na rubaŋgajin ti MATAT i nu pirit na wulun nye nu tojo ko lo lor.

Kweyatti 14:1

A kirut a nan meddi ŋilo Kilolor gwogwo ’dan i mere Siona ko ŋutu aliŋan mia geleŋ ko merya iŋwan wot iŋwan ko lepeŋ i pirit na geleŋ. Kilo ŋutu karin kanyit se ko ti Monye a wuröki kase i komorsikan.