Nyökit 12:3 - Bibilia Buk na Ŋun nagon koti luŋu a

³ A ta ködyö dukakiŋdye piritön ’yuresi ti rubaŋgajin liŋ kak, a gwagwalaggi ŋurupö kase ka ’de ka ’de logon a togwi ’diki ki i kwakwasa kulo, a ’yuŋe kaden kase ti mian logon a Asera; a ta ködyö ’be ’beleŋgi kak nyömuejin lo gigiru ti Ŋunyen kase, a tolikiöddi karin kase kaŋo i nu pirit.

Nyökit 12:3 ပူးပေါင်းရင်းမြစ်များ

1 Moran 14:15

Molu a MATAT riŋge ŋutu ti Yisaraele, gwoso nagon pa ’duŋi dödöŋgi i pioŋ kata na, a nye mo gwunyuŋdye ŋutu ti Yisaraele i ŋilo jur lo ’but logon nye a tin merenyejin kase lo, a mo toreaddi se i nu pele na kare Perat, kogwon se a teteŋdya kaden kase ti mian logon a Asera, a towopi MATAT.

1 Moran 15:13

A nye köti ’dumaddi Maka yakanye nanyit kaŋo i pirit nanyit anyen gwon ti bula a yakanye mor, kogwon nye a tetenakiŋdya kaden ti mian logon a Asera nyömue nagon a nagoŋ; a Asa tukukiŋdye ŋinu nyömue kak, a ’yuŋe lepeŋ i loro Kidirona.

2 Moran 11:18

A kirut ŋutu liŋ ti jur iti i kadi na Bala, a duyömbi nye; a se gwagwalaggi piri-tön kanyit ’yuresi ti rubaŋgajin ko nyömuejin kanyit a tupesi na ’di ’dik, a se tatuje Matan koane lo Bala i komor na kunu piritön ’yuresi. A koane wulu-ŋdye ŋutu katiyuk ti kadi na MATAT.

2 Moran 18:4

A nye tuŋe kak piritön kwakwasesi na gwon i ko ’dulan ti merya kune, a gwagwalaggi ŋurupö lo togwi ’diki ki anyen kwakwasa kulo, a toggi kaden ti mian logon a Asera kak. A nye gwagwalaggi ŋöjinöti na munu logon Mose köju a teteŋdya ko mölwö lu, kogwon tojo ko kilu perok ŋutu ti Yisaraele ’yurakiŋdya lepeŋ bökur; a lu munu lupuni a Nekusetan.

2 Moran 23:14

A nye gwagwalaggi ŋurupö lo togwi ’diki ki gwoso kumutan kulo, a toggi kaden ti mian kak logon a Asera, a töjoreji ŋinu pirit ’bukuluŋ ko kuyu ti ŋutu.

2 Dekat 14:2

A Asa koŋdi ŋo nagon a na ’but ko a rigwo ko MATAT Ŋun lonyit i metet.

2 Dekat 14:3

A nye joŋgi piriton ’yuresi ti rubaŋgajin ti kulye juron kune kaŋo, ko piriton kwakwasesi na gwon i ko ’dulan ti merya kune, a gwagwalaggi ŋurupö logon a togwi ’diki ki i kwakwasa, a toggi kaden ti mian kak logon a Asera,

2 Dekat 19:3

Kolumbo ŋo na ’but a rye konut, kogwon do a tukaŋu kaden ti mian logon a Asera i jur, a do aje tiŋdu töili ilot i ga ’yu na Ŋun.

2 Dekat 31:1

A nagon kine po liŋ aje tutu poki nu, a ŋutu ti Yisaraele liŋ logon kata i nu diŋit iti kapo i köjino ti Yuda, a gwagwalaggi nurupo logon a togwi ’diki ki ka ’de ka ’de, a toggi kaden ti mian kak logon a Asera, a tuŋe kak piriton kwakwasesi na gwon i ko ’dulan kune, se ko piriton ’yuresi ti rubaŋgajin i lukata na Yuda ’bukuluŋ ko Benyamina, ko i Epuraima, se ko Manase, tojo se a kor lepeŋat liŋ. A kirut ŋutu liŋ ti Yisaraele yitöni kase i köjino, ŋutu liŋ geleŋ geleŋ kase i piriton lomoriot.

2 Dekat 34:3

Köju i kiŋa tobudök lo tumatyan nanyit nagon nye nyuŋ a lo ’dit nu, a nye suluje ga ’yu Ŋun lo merenye lonyit Dawidi; a i kiŋa topuök wot murek a nye suluje toke ’ya Yuda ko Yerusalema a wuddye piriton kwakwa­sesi na gwon i ko ’dulan ti merya kune, ko kaden ti mian logon a Asera, ko nyomuejin na gigiru se ko nyomuejin ti witi na totolusoko.

Saumajin 16:4

Se logon a wulundyö kulye ŋunyen kilo a tundijö delyaesi kase; nan ti ’buggö rubaŋgajin kase ti rima, a nan tine ’dindya karin kase na kwakwaddi nan na.

Yuörö 23:13

Yiŋe ta po liŋ nagon nan sarakin ta kine; ko ’diŋdya ta karin ti kulye punyen, iŋkoi, ti ta gwe ti jambu se.

Yuörö 23:24

Ta ködyö ti dulaki kak i kwakwaddu na ŋunyen kase, kode kitakiŋdya se, kode koŋdya gwoso i kitajin kase, ama ta ködyö gubakin se liŋ kak, a ta kodyö gwagwalaggi ka ’de ka ’de ŋurupö kase logon a togwi ’diki ki i kwakwasa kulo.

Yuörö 34:13

ama ta ködyö dukakin kak piritön kase ’yuresi ti rubaŋgajin, a ta gwagwalaggi ka ’de ka ’de ŋurupö kase logon a togwi ’diki ki i kwakwasa kulo, a ta tukukiŋdye kak kaden ti mian kase logon a Asera kulo.

Yisaya 27:9

Nyenagon a lyaŋesi ti kötumit na Yakobo mo tolikani sona, a kulya nagon joŋga toronjin kanyit kaŋo kune mo gwe i kine kulya, kweja adi a nye mo gwagwalaŋgi salesi liŋ ti piritön ’yuresi ti rubaŋgajin anyen gwon gwoso ŋurupö lorgo-yo, a tine kölökiŋdyö kaden ti mian logon a Asera kode ’yuresi ti bökur i gwo ’dan ki köti.

Yeremia 17:2

i diŋit naŋon ŋwajik kase yeyeji piritön kase ’yuresi ti rubaŋgajin, ko kaden kase ti mian loron a Asera, nyona ko kaden liŋ loron a rinö, sekoi lurwat lojo,

Osea 2:17

Kogwon nan mo seseyara karin ti Balajin kaŋo kanyit i kutuk, a karin kase mo koti tine ’dinya kwoŋ.

Mika 5:14

A nan mo gwuŋdye kaden kasu ti mian logon a Asera kulo kago kasu i jur, a mo tukaŋi köjino kasu.

Jakaria 13:2

Nan MATAT lo kurumi lo kulya adi, I ŋilu lor nan mo seyara karin ti nyömu-ejin logon a punyen kaŋo i lo jur, anyen se gwon ti yeyeŋ köti; a nan köti mo toyuöddi nebijin se ko mulökotyo lo tolutan kaŋo i lo jur.

Kenet 33:52

a ta ködyö riköddi ŋutu lo sisi ’datu i lu jur kulu kaŋo kasu i komor a ta ködyö köŋi nyömuejin kase liŋ lo pipiru, a ta köŋi nyömuejin kase liŋ lo ninitö, a ta ködyö duŋge kak piritön kase kwakwasesi liŋ nagoŋ gwon i ko ’dulan ti merya kune,

Nyökit 12:4

Ta ködyö ti konakiŋdya MATAT Ŋun losu sona.

Nyökit 7:25

A ta ködyö ’yuŋe Ŋunyen kase lo gigiru; an ta ko be ’ya pödo kode dakap nagoŋ gwon kase i mugunya, kode i joŋga na se a kasu, an ta ko loka ko se; kogwon kine a ŋo nagoŋ MATAT Ŋun losu maman kune.

Nyökit 7:5

Ama ta ködyö konakin se sona; kweja adi ta ködyö dukakin kak piritön ’yuresi ti rubaŋgajin kase, a ta gwagwalaggi ka ’de ka ’de ŋurupö kase logon a togwi ’diki ki i kwakwasa kulo, a ta tukukiŋdye kak kaden ti mian kase logon a Asera, a ’yuŋe ko kimaŋ nyömuejin kase lo gigiru.

Kweyatti 13:1

A kirut nan meddi gworoŋ pukun kaŋo i tör na ’balaŋ. Lepeŋ gwon ko oŋgwora puök ko kusik buryo, a lepeŋ gwe ko lŋguyajin puök kanyit i oŋgwora, a karin nagon lawerikin Ŋun iŋge wuröki kanyit i kusik liŋ geleŋ geleŋ.

Ka’duŋök 2:2

a ta köti ködyö tine teteŋdya nene tomoret ko ŋutu ti lo jur; a ta duŋge kak piritön kase ’yuresi ti rubaŋgajin. Ama ta a ko yiŋga gworo lio. Na ŋo a nyo nagon ta a kon?