Nyökit 12:2 - Bibilia Buk na Ŋun nagon koti luŋu a

² A ta ködyö köŋi piritön liŋ adi sit nagoŋ jurön logon ta a mok kulo a kitakiŋdye Ŋunyen kase nyu, i merya lojo ki, ko i lurwat ki, ko i mukökö ti kaden liŋ lo rurwan.

Nyökit 12:2 ပူးပေါင်းရင်းမြစ်များ

1 Moran 14:23

Kogwon se köti a tetenakiŋdya ’börik piritön kwakwasesi i ko ’dulan ti merya, ko ŋurupö logon a togwi ’diki ki anyen kwakwasa kulo, ko a tiŋdu kaden ti mian logon a Asera i merya lojo liŋ ko i mukökö ti kaden lo rurwan liŋ;

1 Moran 3:2

Ama ŋutu nyuŋ gwon i ’duŋgo na rubaŋgajin i piritön kwakwasesi na gwon i ko ’dulan ti merya kune, kogwon nene kadi a ko nyuŋ ’duköki MATAT i karin kanyit.

2 Moran 11:18

A kirut ŋutu liŋ ti jur iti i kadi na Bala, a duyömbi nye; a se gwagwalaggi piri-tön kanyit ’yuresi ti rubaŋgajin ko nyömuejin kanyit a tupesi na ’di ’dik, a se tatuje Matan koane lo Bala i komor na kunu piritön ’yuresi. A koane wulu-ŋdye ŋutu katiyuk ti kadi na MATAT.

2 Moran 16:4

A nye ’duŋge rubaŋgajin a ’yuŋe bökur i piritön kwakwasesi na gwon i ko ’dulan ti merya kune, ko i merya loki, ko i mukökö ti kaden lo rurwan liŋ.

2 Moran 23:13

A mor toluddye piritön kwakwasesi na gwon i ko ’dulan ti merya na gwon i swöt lo ’yure lo Yerusalema kune, i swöt lo loki lo mere Bilaya. Kine piritön kwakwasesi Solomona mor lo Yisaraele a ’dukökin Asatoret Ŋun na mamana na ŋutu ti Sidona, ko Kemosa Ŋun lo mamana lo Moaba, ko Milikom Ŋun lo mamana lo ŋutu ti Amon.

Saumajin 78:58

Kogwon se a towoŋa lepeŋ ko piritön kase kwakwasesi na gwon i ko ’dulan ti merya kune, a se tindi lepeŋ i yinö kogwon nyömuejin kase.

Yuörö 23:24

Ta ködyö ti dulaki kak i kwakwaddu na ŋunyen kase, kode kitakiŋdya se, kode koŋdya gwoso i kitajin kase, ama ta ködyö gubakin se liŋ kak, a ta kodyö gwagwalaggi ka ’de ka ’de ŋurupö kase logon a togwi ’diki ki i kwakwasa kulo.

Yisaya 36:7

Ama ko do kulya ko nan adi, Yi yinikiŋdyö ’börik ko MATAT Ŋun likaŋ: ŋilo a geleŋe Ŋun logon piritön kwakwasesi kanyit na gwon i ko ’dulan ti merya ko piritön ’yuresi kanyit ti rubaŋgajin Kijikia a tur kak kune le? Ŋilo a leŋe Ŋun logon Kijikia a kulya ko ŋutu ti Yuda se ko ti Yerusalema adi, Ta ködyö kwakwaddu i komor ŋa ŋina pirit ’yuret na rubaŋgajin na gwon ni na?

Yeremia 17:2

i diŋit naŋon ŋwajik kase yeyeji piritön kase ’yuresi ti rubaŋgajin, ko kaden kase ti mian loron a Asera, nyona ko kaden liŋ loron a rinö, sekoi lurwat lojo,

Yeremia 2:20

Köju ’beron do a ’beleŋgu gwuluŋi ilota gigiŋdye nekenejin nagon torarikin do kune; a do kulyani adi, Nan ti ’bön kita. Iŋkoi, a do dulakiŋdye mugun kak i ko ’dulan ti merya liŋ, ko i mukökö ti kaden liŋ lo rurwan. a do biryeri mugun gwoso kalupe i twöju na kulye ŋunyen.

Yeremia 3:13

Ama ka ’de ruŋge toron inot nagon do renyari nan MATAT ŋun ilot na, ruŋge adi do aje tu i ŋunyen logon a lepelok lo gwon i mukökö ti kaden liŋ lo rurwan, gwoso kalupe nagon wöröji abur i lyan, ruŋge adi do a ko twöju gworo lio. Kilo a kulyaesi kwe ti MATAT.

Yeremia 3:2

’Biluddi konyen kulök ki i ko ’du­lan ti merya nagon gwon kana ’bak nene ŋo, a meddi se;nan pirit nagon do a ko körö kata? Do si ’da i merete lo kiko i mömöŋdu na kanyarak kulök gwoso Arabityo lo mömöŋdu ryag­gu kajölök i yöbu. Do aje toluddya jur ko wutön i lulupujö inot se ko toron inot.

Yeremia 3:6

A i perok ti mor Yosia a MATAT pije nan adi, Do a met ŋo nagon Yisaraele a kon i tu nanyit kaŋo köyö a iti i ko ’dulan liŋ ti merya ko i mukökö ti kaden liŋ logon rurwan, a nye biryeri mugun gwoso kalupe nyu?

Osea 4:13

ŋutu kase dibba rubaŋgajin i kusik ti merya, a ’yuŋe rubaŋgajin i lurwat loki i mukökö ti kaden temejik logon a ti mian kulo, kogwon tölimösi kase a na ’but. Nyena ŋwajik kasu nawate toto-wutön, a wate ti ŋwajik kasu luŋöni luŋö.

Kenet 22:41

A ko gwe sona i ko ’bure, a Balak ’dumuŋdye Balam a joŋgi nye ki i pirit na luŋu a ko ’dulan ti Bala, a nyu nye metaddi ’dutesi ti kulo ŋutu.

Nyökit 7:5

Ama ta ködyö konakin se sona; kweja adi ta ködyö dukakin kak piritön ’yuresi ti rubaŋgajin kase, a ta gwagwalaggi ka ’de ka ’de ŋurupö kase logon a togwi ’diki ki i kwakwasa kulo, a ta tukukiŋdye kak kaden ti mian kase logon a Asera, a ’yuŋe ko kimaŋ nyömuejin kase lo gigiru.

Ka’duŋök 2:2

a ta köti ködyö tine teteŋdya nene tomoret ko ŋutu ti lo jur; a ta duŋge kak piritön kase ’yuresi ti rubaŋgajin. Ama ta a ko yiŋga gworo lio. Na ŋo a nyo nagon ta a kon?