Nyökit 11:7 - Bibilia Buk na Ŋun nagon koti luŋu a

⁷ Ama ta ko konyen kasu aje met konesi temejik liŋ ti MATAT nagoŋ nye a kon kine.

Nyökit 11:7 ပူးပေါင်းရင်းမြစ်များ

Saumajin 106:2

Lon ŋuto logon jujukin tuggö konesi temejik ti MATAT? Ŋa logon jujukin ŋuŋuŋa lepeŋ ’bura?

Saumajin 145:12

anyen ŋutu böŋö deden konesi kunök temejik, ko kwelen na minyo lo tumatyan inot.

Saumajin 150:2

pupurje ta lepeŋ kogwon konesi kanyit temejik! pupurje ta lepeŋ kogwon todumalan nanyit nagon ti bulö tema na!

Nyökit 11:6

ko ŋo nagoŋ nye a konakin Datan ko Abiram, ŋwajik ti Eliaba logon a ŋuro lo Rubena; gwoso nagoŋ kak a ŋaju kutuk nanyit i wi ’yö na se, ko midijik kase ko kemialan kase, ko toro ’bo kase meyat liŋ, i kiden na Yisaraele liŋ.

Nyökit 11:8

Nyenagoŋ ta ködyö ’debba lo saret liŋ logon nan a saŋi ta i lo lor lo, anyen ta böŋö gwon a iŋgo i lubbö lukata ko i morga na jur logon ta laŋaddu lukata i morga na lepeŋ lu,

Nyökit 27:10

Nyenagoŋ ta ködyö yiŋga gworo lo MATAT Ŋun losu, i koŋdya na jujuwesi kanyit, se ko saresi kanyit lo wurö, logon nan aje sarakin ta i lo lor kulo.

Nyökit 29:2

A Mose luŋgi ŋutu liŋ ti Yisaraele a kulyani ko se adi, Ta aje met ŋo liŋ nagoŋ MATAT a konakin Paro ko kölipönök kanyit liŋ ko jur lonyit liŋ kasu i komor i jur lo Ejipeto nu,

Nyökit 4:3

Nyena ta aje met ko konyen kasu konesi ti MATAT Bala-peor yu; kogwon MATAT ŋun losu a tukaŋu kasu kiden ŋutu liŋ lo kebbu Bala logon a ŋun lo Peor;

Nyökit 5:3

MATAT a koteteŋdya ŋina tomoret ko merenyejin kaŋ, ama teteŋdya koyi ko ’börik kaŋ, kweja adi yi liŋ ni logon gwon jörun i lo lor kulo.

Nyökit 7:19

A ta yiyiuŋdye kunu moriesi temejik nagoŋ ta a met ko konyen kasu, ko kweyesi, ko tusorosi nagoŋ MATAT Ŋun losu a toyuuŋdyo ta kaŋo ko se ko könin iŋgo lo rioji; a MATAT Ŋun losu mo konakiŋdye gweyajin liŋ ti ŋutu sona koti logon ta kukujoŋori kilo.

Yosua 24:31

A ŋutu ti Yisaraele iŋge kitakiŋdya MATAT i perok liŋ ti Yosua, köti ko i perok liŋ ti temejik logon nyuŋ gwogwolor lwölwöŋ Yosua kulu, köti logon a den kitajin liŋ ti MATAT nagon nye aje konakin ŋutu ti Yisaraele kunu.