Nyökit 11:32 - Bibilia Buk na Ŋun nagon koti luŋu a

³² a ta ködyö tiji i koŋdya na saresi liŋ lo wurö ko kulya na ’duŋö kune nagoŋ nan a sarakin ta a lo komor i lo lor.

Nyökit 11:32 ပူးပေါင်းရင်းမြစ်များ

Saumajin 119:6

Nyenagon ko nan a diŋa saresi kulök liŋ go, a yu na kwe tine mok nan.

Matayo 28:20

todiniki ta se i debba na ŋo liŋ nagon nan aje sarakin ta kine; mete ta, nan gwon ko ta perok liŋ tojo ko ’dutet na kak.

Luka 1:6

A se murek liŋ gwe rigwo ko Ŋun i komor kekebbu saresi liŋ se ko jujuwesi ti MATAT ’bak ŋoit.

Yoane 15:14

Ta a julin kwe ko ta kökon ŋo nagon nan a sarakin ta kune.

Nyökit 11:31

Kogwon ta laŋaddu i nu pele na Yardene i lupö lukata i morga na lu jur logon MATAT Ŋun losu tikin ta lu; a ta ködyö morgi lepeŋ a si ’dani nyu,

Nyökit 12:1

A kilo gwe a saresi lo wurö, ko a kulya na ’duŋö nagoŋ ta ködyö tiju i koŋdya i lu jur logon MATAT Ŋun lo merenyejin kasu aje tiŋdu ta i morga lu, i perok lo gwoŋdi ta i na kak kulo.

Nyökit 12:32

A ta ködyö tiji ŋo i koŋdya na ŋo liŋ nagoŋ nan a saŋi ta kunu; ta ti ’yalakiŋdya kode ’dumaddu kata.

Nyökit 13:6

A ko luŋaser ilot, kode ŋuro lo ŋuti, kode ŋuro ilot, kode ŋuro iŋot, kode nakwan iŋot nanyanyara, kode ju ilot logon gwon gwoso mugun iŋot lo, a lulukaddu do a lwon adi, Ti yi iti i kitakiŋdya na kulye Ŋunyen, logon do a ko den köti ma ’di merenyejin kulök a ko den;

Nyökit 4:1

Nyenagoŋ soŋinana, pon kötumit na Yisaraele, yiŋge ta saresi lo wuröki ta se ko kulya na ’duŋöki ta nagoŋ nan a todinikin ta kune, ko koŋdi ta se anyen ta böŋö gwon jörun ko lupö lukata i morga na lu jur logon MATAT ŋun lo merenyejin kasu titin ta lo.

Nyökit 4:5

Meddi ta, nan aje todinikin ta saresi lo wurö ko kulya na ’duŋö, gwoso nagoŋ MATAT ŋun liŋ a saŋi nan adi ta ködyö konakiŋdya se, i lu jur lo lupöddi ta i morga na lepeŋ lu.

Nyökit 8:11

Kunyar ta an ta ko boŋöri MATAT Ŋun losu, ko an ta ko jaran i ’debba na saresi kanyit, ko kulya na ’duŋ nye kine, ko saresi kanyit lo wurö logon nye a sarakin ta i lo lor kulo.