Nyökit 11:18 - Bibilia Buk na Ŋun nagon koti luŋu a

¹⁸ Nyenagoŋ ta ködyö ’delakiŋdya kilo kulyaesi kwe kasu i töilyet ko kasu i ködu dwölön; a ta torakiŋdye se kasu i könisi a kweyesi, a se mo gwe a ŋo na dukuki konut i komor i kiden na konyen kulök.

Nyökit 11:18 ပူးပေါင်းရင်းမြစ်များ

Saumajin 119:11

Nan a ’delakin kulyaet ilot köyö i töili, an nan gwon ti torondya do.

Yuörö 13:16

Nyena a ŋina mo gwe gwoso kweyet konut i könin, ko gwoso rikiji logon a dukuki konut i komor; kogwon MATAT aje joŋga yi kaŋo Ejipeto yu ko könin iŋgo.

Yuörö 13:9

A ŋina gwe gwoso kweyet konut i könin, ko a toyeyeet i kiden na konyen kulök, anyen saret lo MATAT böŋö gwolor konut i kutuk; kogwon MATAT a joŋga do kaŋo Ejipeto yu ko könin iŋgo.

Tolupesi 3:1

Ŋuro lio, an do ko böŋöri todinesi kwe, ama ’debbi saresi kwe konut i töili;

Tolupesi 3:3

Ti tupalikan na töili ko to ’diri gwe ti kolokin do, ama toraki se konut i murut, ko wuroki se konut i töili.

Yeremia 32:39

A nan mo tiŋdi se töili geleŋ ko kiko geleŋ anyen se böŋö kukujönö nan ŋupi, anyen gwon a na ’but kase ko i nyakwariat kase.

Matayo 23:5

Ŋo liŋ na kon se kine kona anyen ŋutu memet. Kogwon se teteŋdya rijikijin kase logon gwon ko kulyaesi ti Ŋun i lukata nase a dumalak parik, a teteŋdi boŋgwat kase ko swalya a lojo parik;

Nyökit 32:46

a nye kulyani ko se adi, Tiŋdi ta töilyet kasu i ’debba na kilo kulyaesi liŋ logon nan aje tukökin ta i lo lor kilo; anyen ta sarakin ŋwajik kasu, anyen se böŋö tiju i koŋdya na kulyaesi liŋ ti kilo saresi.

Kolosai 3:16

Ti kulyaet lo Kristo jorene jore kasu i töilyet gwoso tukwörien. Todiŋdye ta ko jujuje ta ’borik ko koŋon liŋ. Yulukiŋdye ta Ŋun saumajin, ko kölisi se ko pupuresi ti Ŋun, titiŋdu lepeŋ tinate kasu i töilyet.

Ebere 2:1

Nyenagon yi agu kodyo titiriku ’debba go ŋo nagon yi aje yiŋ kune, anyen yi boŋo gwon ti yokoŋji kaŋo kata.

2 Petero 1:12

Ko na kwe nan ’de ’dekan toyiyikiŋdyo ta kine kulya i diŋitan liŋ, ma ’di kodyo ta a den se ko aje gwi ’dikin i to ’diri nagon ta gwon ko nye na.