Nyökit 11:1 - Bibilia Buk na Ŋun nagon koti luŋu a

¹ Nyenagoŋ ta ködyö nyanyar MATAT Ŋun losu, ko ’de ’deŋ jujuwesi kanyit, ko saresi kanyit lo wurö, ko kulya na ’duŋ lepeŋ kine, ko saresi kanyit perok liŋ.

Nyökit 11:1 ပူးပေါင်းရင်းမြစ်များ

Saumajin 105:45

anyen se ködyö ’debba saresi kanyit lo wurö, ko i twöju na saresi kanyit. Pupurje ta MATAT!

Saumajin 116:1

Nan nyanyar MATAT, kogwon nye a yiŋ gworo lio ko momolesi kwe.

Ejikele 20:19

Nan MATAT a ŊUN losu, wöröni ta i saresi kwe lo wurö, ’debbi ta jujuwesi kwe ’bura;

Lewi 18:30

Nyenagon ko Ŋina kwe ’debbi ta jujuwet nio, an ta ko koŋdya lele lo kulo keriat logon mamana kulo, logon köju kokonatu a kokwe nasu, an ta ko toluddya ta ’börik ko kine ŋo. Nan logon a MATAT Ŋun losu.

Lewi 22:9

Nyenagon se ködyö ’debba jujuwet nio, an se ’doggu toron i kulya ti jujuwet, a twatwane twatwa, na toluddye se jujuwet nu nan logon a MATAT logon geluŋdya se kaŋo a loke lo.

Lewi 8:35

A ta momordi i kötumit na kemia torumet tuparan ko tukwaje perok buryo i ’debba na saret lo MATAT an ta twatwa; kogwon a saraki nan sona.

Jakaria 3:7

MATAT lo kurumi lo kulya sona adi, Ko do kodyo mo wöro i kiko-liŋ kwe ti MATAT ko i ’debba na yokiet nio, a do mo saŋi kadi nio, a do mo tiji mariŋan kwe, a nan mo rukokiŋdye do i morakiŋdya i se logon gwo ’dan ŋini kilo.

Nyökit 10:12

Nyenagoŋ do kötumit na Yisaraele, ŋo a nyo nagoŋ MATAT Ŋun losu ’de ’deggi kasu? Do ködyö kugga MATAT Ŋun ilot, i wörö kanyit i kikolin liŋ i nyaŋu na lepeŋ, i kitakiŋdya na MATAT Ŋun ilot, ko töili ilot liŋ, se ko ködudwo iŋot liŋ,

Nyökit 11:13

A mo gwe sona, ko ta a yiŋga ’bura i ’debba na saresi kwe logon nan a sarakin ta i lo lor kulo, i nyaŋu na MATAT Ŋun losu, ko i kitakiŋdya na lepeŋ ko töilyet kasu liŋ ko ködudwö-lön kasu liŋ,

Nyökit 11:22

A ko ta mo ’debba ŋo kilo saresi liŋ logon nan a sarakin ta i koŋdya na se, i nyaŋu na Ŋun losu, ko i wörö kanyit i kikolin liŋ, ko i ’depakiŋdya ŋo ko lepeŋ;

Nyökit 13:4

A ta ködyö kebbi MATAT Ŋun losu, i kugga na lepeŋ, ko i ’debba na saresi kanyit, ko i yiŋga na gworo lonyit, a ta kitakiŋdye lepeŋ i ’depakiŋdya ŋo ko lepeŋ.

Nyökit 27:10

Nyenagoŋ ta ködyö yiŋga gworo lo MATAT Ŋun losu, i koŋdya na jujuwesi kanyit, se ko saresi kanyit lo wurö, logon nan aje sarakin ta i lo lor kulo.

Nyökit 30:6

a MATAT Ŋun losu mo taweŋi ’böriköt na muggö töilyet kasu ko töilyet ti ŋwajik kasu, anyen ta böŋö mo nyaŋu MATAT Ŋun losu ko töilyet kasu liŋ se ko ködu dwölön kasu liŋ anyen ta böŋö gwon jörun.

Nyökit 4:1

Nyenagoŋ soŋinana, pon kötumit na Yisaraele, yiŋge ta saresi lo wuröki ta se ko kulya na ’duŋöki ta nagoŋ nan a todinikin ta kune, ko koŋdi ta se anyen ta böŋö gwon jörun ko lupö lukata i morga na lu jur logon MATAT ŋun lo merenyejin kasu titin ta lo.

Nyökit 4:40

Nyenagoŋ ta ködyö ’debba saresi kanyit lo wurö ko jujuwesi kanyit logon nan saŋi ta i lo lor kulo, anyen kulya kasu mo gwon ’bura, ko i ŋwajik kasu kasu i mukök, ko anyen perok kasu mo gwon jore i jur logon MATAT ŋun losu a tikin ta asut lu.

Nyökit 4:5

Meddi ta, nan aje todinikin ta saresi lo wurö ko kulya na ’duŋö, gwoso nagoŋ MATAT ŋun liŋ a saŋi nan adi ta ködyö konakiŋdya se, i lu jur lo lupöddi ta i morga na lepeŋ lu.

Nyökit 5:1

A Mose luŋgi ŋutu ti Yisaraele liŋ a kulyani ko se adi, Ta kötumit na Yisaraele, yiŋge ta saresi lo wurö, se ko kulya na ’duŋö nagoŋ nan jamakin kasu i swö i lo lor kune, anyen ta ködyö jujumbu se, ko i tiju i koŋdya na se.

Nyökit 5:29

Ködyö a na ’but ko se gwon ko yeyeet gwoso ŋina temba i perok liŋ i kugga na nan ko i ’debba na saresi kwe liŋ, anyen kulya kase ködyö tu ’bura se ko ŋwajik kase ŋupi!

Nyökit 6:1

A kilo gwe a todinesi, ko saresi lo wurö, ko kulya na ’duŋö nagoŋ MATAT ŋun losu a saŋi nan i todini-kiŋdyö na ta, anyen ta boŋo koŋdya se i lu jur logon ta mo laŋaddu kata i morga na lepeŋ lu;

Nyökit 6:5

do ködyö nyanyar MATAT ŋun ilot ko töili ilot liŋ, ko ködudwo iŋot liŋ, ko riŋit iŋot liŋ.