Nyökit 10:2 - Bibilia Buk na Ŋun nagon koti luŋu a

² A nan mo wurökin-dye i kine ŋurupö kulyaesi lo gwon i ŋurupö ti kokwe kulu nagoŋ do a gwagwalak kunu, a do tikiŋdye se i saŋduk lukata.

Nyökit 10:2 ပူးပေါင်းရင်းမြစ်များ

1 Moran 8:9

A ŋinu saŋduk gwe kana, tuŋ ŋurupö murek na ’dayatak nagon Mose a tikin nyu Orebe, i pirit nagon MATAT teteŋdi tomoret ko ŋutu ti Yisaraele, na pöri se kaŋo i jur lo Ejipeto nu.

2 Dekat 5:10

A ŋinu saŋduk gwe kana, tuŋ ŋurupö murek na ’dayatak nagon Mose a tikin nyu Orebe, i pirit nagon MATAT teteŋdi tomoret ko ŋutu ti Yisaraele, na pöri se kaŋo i jur lo Ejipeto nu.

Yuörö 32:19

A ko gwe sona nagon nye gwe nyona ko ’durökin i mera nu, a nye meddi nu tagwok ko gwoja na Ŋutu, a woran na Mose iŋge tule pape, a nye gubakiŋdye kine ŋurupö kak kanyit i könisi a gwagwalaggi se i mere mukök.

Yuörö 34:1

A MATAT kulyani ko Mose adi, Tutuŋi ŋurupö na ’dayatak murek gwoso ti kokwe kunu; a nan mo wurökiŋdye i kine ŋurupö kulyaesi lo gwon i ŋurupö ti kokwe nagon do a gwagwalak kunu.

Yuörö 40:20

A nye ’dumuŋdye ŋurupö nagon a tökoresi kune a tiŋdi se i saŋduk lukata, a sukiŋdye turya i saŋduk anyen ’do ’dokorikin, a tiŋdi muket nagon toronjin lala kata na i loki na saŋduk;

Nyökit 10:5

A nan wöripuŋdye a poŋdi kak i mere, a tiŋdi kunu ŋurupö i nu saŋduk na teten nan nu; a se gwe nyu, gwoso na saŋi MATAT nan nu.

Nyökit 4:13

A nye aje kwekiŋdya ta tomoret nanyit nagoŋ nye aje sarakin ta i koŋdya na, kweja adi Saresi Puök; a nye aje wurökiŋdyö se i ŋurupö murek na ’dayatak.

Ebere 9:4

Lepeŋ gwon ko pirit ’yuret na bökur nagon tetena ko dakap, se ko saŋduk na tomoret a mulunyö liŋ ko dakap. A i lukata na ŋina saŋduk gwe a mu ’da logon a dakap logon gwon ko mana i lukata nanyit, köti i ŋina saŋduk a gwe a ture lo Arona logon aje wilan, se ko ŋurupö murek na ’dayatak nagon kulyaesi ti tomoret a wuröki nyin.