Nyökit 10:18 - Bibilia Buk na Ŋun nagon koti luŋu a

¹⁸ Nye lo ’duŋgö putesi ti kikijikö ko karu ’bejin, ko nyanyar ŋuto lo si ’da a lepetyo, i tiŋdu na lepeŋ kinyo ko jupisi.

Nyökit 10:18 ပူးပေါင်းရင်းမြစ်များ

2 Dekat 19:7

Nye­nagon kujono ni ta MATAT; tirikuni ta ŋo nagon ta kökon, kogwon MATAT ŋun likaŋ ’bayin a lukwolor, lepeŋ ti gwon a kanyunyumönit lo ŋutu, lepeŋ ti nyar ŋutu i wuju na ŋo nagon a ropaki a Iwon.

Saumajin 10:18

i ’duŋgö na kulya ti kikijikö ko se logon a ruda kulo, an ŋutu logon a liŋo kana ko tokujöndu se köti kwöŋ.

Saumajin 103:6

MATAT kondya kitajin na rigwo, nye ’du ’duŋgö putesi ti ŋutu liŋ logon a ruda kilo anyen se konaki bura.

Saumajin 145:9

MATAT a lo ’but i ŋutu liŋ, lepeŋ wowon konyen ko ŋo liŋ lo gwe nye kulo.

Saumajin 146:9

MATAT gagaju ŋutu logon si ’da a lepelok, nye tötöggu kikijikö ko karu ’bejin; ama a nye togiŋe kiko lo ŋutu lorok.

Saumajin 68:5

Ŋun logon si ’da i ŋirit nanyit nake na rurwan lo gwon a monye kikijikö, ko a kajunyonit lo karu ’bejin.

Saumajin 68:6

Ŋun titindu likisojin midijik; nye yuyukundyö ŋutu lo rereka anyen si ’da a lui ko a lo ’but; ama ŋutu karenyak sisi ’da i jur logon a loteyon adi kuyum.

Yuörö 22:20

ŋuto logon ’duŋökiŋdyö iele ŋun rubaŋga lo lepeŋ tutukara asut, ake lepeŋ ’duŋökiŋdyö MATAT.

Yuörö 22:21

Do ködyö ti konakiŋdya lwakatyo lo si ’da kasu kiden lo arabat, kode rudakin lepeŋ kak, kogwon ta köju a lwaka i jur lo Ejipeto.

Yuörö 22:22

Ti do gwe ti yöyoŋgu nene karu ’be kode kikiji.

Yuörö 22:23

Ko do a yöyöŋgu lepeŋat a se gwiu köyö ni, a nan mo yiŋge gwiesi kase;

Yisaya 1:17

jujumbi ta koŋdya ’bura; ga ’yi ta lilija rigwo, tiŋdi ta karudak i tu gwogwo; ’duŋgeta kulya tikikijikö ’bura, juŋdye ta karu ’bejin.

Yeremia 49:11

Kölöki ta kikijikö kasu, nan mo wowo se; ti karu ’bejin kasu yinikiŋdye nan.

Osea 14:3

Asura mo ti lwok yi, a yi mo tine galaddu kusanjin logon yi wö-worori; a yi mo koti tine luŋgu go nagon yi lo teteŋdya ko konisi kaŋ kune adi se a gunyen kaŋ. Do ’diri wowon konyen ko kikijiko.

Lewi 25:35

A ko luŋaser ilot a wora a lomeri a tine bulö parakiŋdya mugun, nyena a do ködyö orakiŋdye lepeŋ; a nye ködyö si ’dani konut gwoso lwakatyo kode ŋuto lo si ’da a lepetyo.

Kenet 10:32

A mo gwe sona adi ko do a moraddu koyi i pirit na geleŋ, nyena a ŋo liŋ na ’but nagoŋ MATAT mo kökonakin yi kune a yi mo konakiŋdye do köti.

Matayo 5:45

anyen ta böŋo gwon a ŋwajik ti Monye losu lo gwon ki lu, logon tiŋdu kolor nanyit i nyerakin i ŋutu lo ’but ko lorok, ko a sunyuŋdye kudu i ŋutu lo yiyiniki ko logon ti yiniki.

Konesi 14:17

ama nye a ko kölökin se kana ’bak kweyet, ama nye a kweja mugun i ŋo na ’but nagon nye kökon kune, kweja adi nye titikin ta kudu ki yu, a tiŋdi kinyojin i radan i diŋitan kase, a tikiŋdye ta kinyo a töjoreji töilyet kasu ko lyöŋön.

Nyökit 27:19

Nye a lömö logon a tukwölöŋgu putet lo ŋutu lo si ’da a lepelok, kode lo kikjiiko, kode lo karu ’bejin. A ti ŋutu liŋ ruŋge adi, Amin.