Nyökit 10:12 - Bibilia Buk na Ŋun nagon koti luŋu a

¹² Nyenagoŋ do kötumit na Yisaraele, ŋo a nyo nagoŋ MATAT Ŋun losu ’de ’deggi kasu? Do ködyö kugga MATAT Ŋun ilot, i wörö kanyit i kikolin liŋ i nyaŋu na lepeŋ, i kitakiŋdya na MATAT Ŋun ilot, ko töili ilot liŋ, se ko ködudwo iŋot liŋ,

Nyökit 10:12 ပူးပေါင်းရင်းမြစ်များ

1 Moran 3:3

A Solomona nyaŋi MATAT, awöröni i saresi lo wuröki monye lonyit Dawidi; ama tuŋ a nye ’duŋge rubaŋgajin ko a ’yuŋe bökur i piritön kwakwasesi na gwon i ko ’dulan ti merya kune.

2 Moran 10:31

Ama Yeu ’bak tirikwet i wörö i saret lo MATAT Ŋun lo Yisaraele ko töili lonyit liŋ; a nye gwe a ko löpuggö i toronjin ti Yerobama nagon nye a tiŋdu Yisaraele i toroŋdya kune.

2 Moran 18:3

A Kijikia koŋdi ŋo nagon a na ’but ko MATAT i metet, gwoso i ŋo liŋ na kon Dawidi merenye lonyit köju kunu.

2 Moran 18:6

Kogwon nye a ’depakiŋdya go ko MATAT; a tine kö ’yu keŋoddu lepeŋ, ama a nye ’debbi saresi logon MATAT a sarakin Mose kulu.

1 Dekat 28:9

Nyenagon do Solomona ŋuro lio, dene den Ŋun lo munyi, ko kitakiŋdye lepeŋ ko ’dekesi ti töili ilot liŋ; kogwon MATAT ŋga ’yu töilyet ti ŋutu liŋ ko deden kikolin yeyeesi kase liŋ. Ko do ga ’yu lepeŋ, lepeŋ de kwekwekin mugun konut; ama ko do a kölökin lepeŋ nye mo papa do asut.

2 Dekat 15:12

a se teteŋdi tomoret ko MATAT Ŋun lo merenyejin kase i ga ’yu na lepeŋ ko toilyet kase liŋ ko kodudwolon kase liŋ;

Eyobo 36:11

Ko se ködyö a yiŋga a kita-kiŋdye lepeŋ, a se ködyö tutupöddi perok kase ’bura, se ko kipajin kase i lyöpön.

Saumajin 119:2

Ŋutu logon ’debba todinesi kanyit logon ga ’yu lepeŋ ko töilyet kase liŋ kilo a kalyöŋök.

Saumajin 128:1

Ŋutu liŋ logon kukuk MATAT logon wörö i kikolin kanyit kulo a kalyöŋök!

Saumajin 145:20

MATAT titiju se liŋ logon nyanyar lepeŋ kilo; ama nye tutukar ŋutu lorok liŋ.

Saumajin 18:1

Pon MATAT riŋit nio, nan nyanyar do!

Saumajin 34:9

Ta ŋutu kanyit loke, kuŋge ta MATAT, se logon kukuk lepeŋ kilo ti wanya nene ŋo.

Saumajin 81:13

A ŋon, ko ködyö ŋutu kwe Yisaraele yiyiŋ nan, nyena se ködyö wöwörö i kikolin kwe!

Saumajin 81:14

A nan ködyö ’de ’de nyökundye merok kase kak, iŋkoi, nan ködyö mörö ko kaŋisak kwe.

Yuörö 23:25

Ta ködyö kitakiŋdya MATAT ŋun losu, a nan mo ’boroji kinyo losu se ko pioŋ kasu; a nan mo joŋgi twana kaŋo kasu kiden.

Katokuönit 12:13

Na a ’dutet na kulya; do aje yiŋ se liŋ. Kuŋge ŋun, ko twöji saresi kanyit; sekine ŋo nagon ŋutu ködyö kökon.

Ejikele 11:20

anyen se böŋö wörö i saresi kwe lo wurö ko i ’debba na jujuwesi kwe ko i koŋdya na se. A se mo gwe a ŋutu kwe, a nan mo gwe a ŊUN lose.

Mika 6:8

Do ŋilo ŋuto, MATAT aje kwe-kiŋdya do ŋo nagon a na ’but; a nye yöŋöni ŋo a nyo konut? ŋun ’de ’dekan adi ti do kitani ko torigwo, ti do gwe a kanyaranit logon ti lopuggo. ko ti do woroni a lokoyok ko lepeŋ i komor.

Jepania 3:9

A i ŋinu diŋit a nan mo tiŋdi gweyajin ti ŋutu kutusen nake, anyen se lio böŋo luluŋgu karin kwe ti MATAT, a kitakiŋdye nan ko töili geleŋ.

Matayo 22:37

A nye waddi lepeŋ. adi, Do ködyö nyanyar MATAT Ŋun ilot ko töili ilot liŋ, ko ködudwö inot liŋ, ko yeyeesi kunök liŋ.

Luka 10:27

A ŋuto lo waddi adi, A wurö adi, Do ködyö nyanyar MATAT Ŋun ilot ko töili ilot liŋ, ko ködudwö inot liŋ, ko riŋit inot liŋ se ko yeyeesi kunök liŋ; köti adi, Do ködyö nyanyar marate ilot gwoso mugun inot.

Luka 11:42

Woidio ta Parusijin! Ta ’dogga ko swöt topuökit lo nana ko lo mulukia logon a jiyo, se ko lo koropo liŋ na to ’busarikin kinyo, ama a ta kölökiŋdye ’duŋgo na kulya gwogwo se ko nyaŋu na ŋun. Kine ŋo a se nagon ta kodyö kökon, a gwe ti kölokin kunie a ko kona.

Konesi 9:31

Nyenagon i ŋinu diŋit a kanisa gwe ko taliŋ i Yudaya ’bukuluŋ, ko i Galilaya, ko i Samaria, a iŋge gweye ki; a se ŋdine obi, a se gwolore i kugga na Matat a iŋge togolo ko Mulokotyo Loke.

Roma 1:9

Ŋun logon nan kitakiŋdya lepeŋ ko töili liŋ liŋ i tokujö na Loŋe Lo ’but lo ŋuro lonyit lo, lepeŋ deden adi nan ti Taran i ’diŋdya na ta i kwakwasesi kwe.

Roma 8:28

kogwon yi deden adi ŋutu logon nyanyar Ŋun, logon nye a luŋun gwoso i yeyeet nanyit kulo, Ŋun kikita ko se i ŋo liŋ i tetenakiŋdya na se ŋo na ’but.

Nyökit 10:11

A MATAT kulyani ko nan adi, ŋine ki, ŋiörö ko kilo ŋutu ŋerot, anyen se böŋö lubbö lukata i morga na jur, logon nan a milyekin merenyejin kase adi nan titin se lu.

Nyökit 10:13

i ’debba na todi-nesi ti MATAT se ko saresi kanyit lo wurö logon nan a saŋi do i lo lor kulo anyen gwon a na ’but konut.

Nyökit 11:1

Nyenagoŋ ta ködyö nyanyar MATAT Ŋun losu, ko ’de ’deŋ jujuwesi kanyit, ko saresi kanyit lo wurö, ko kulya na ’duŋ lepeŋ kine, ko saresi kanyit perok liŋ.

Nyökit 11:13

A mo gwe sona, ko ta a yiŋga ’bura i ’debba na saresi kwe logon nan a sarakin ta i lo lor kulo, i nyaŋu na MATAT Ŋun losu, ko i kitakiŋdya na lepeŋ ko töilyet kasu liŋ ko ködudwö-lön kasu liŋ,

Nyökit 26:16

MATAT Ŋun losu aje sarakiŋdya ta i lo lor i koŋdya na kilo saresi lo wurö, se ko kulya na ’duŋö; a ta ködyö tiji i koŋdya na se ko töilyet kasu liŋ se ko ködu dwölön kasu liŋ.

Nyökit 27:10

Nyenagoŋ ta ködyö yiŋga gworo lo MATAT Ŋun losu, i koŋdya na jujuwesi kanyit, se ko saresi kanyit lo wurö, logon nan aje sarakin ta i lo lor kulo.

Nyökit 30:16

Ko ta ködyö a yiŋ saresi ti MATAT Ŋun losu logon nan a saŋi ta i lo lor i nyaŋu na MATAT Ŋun losu, i wörö kanyit i kikolin, ko i ’debba na jujuwesi kanyit, ko saresi kanyit lo wurö, se ko kulya na ’duŋö kune, nyena a ta mo gwe jörun a mo ŋdine ŋdi, a MATAT Ŋun losu mo ’boroji ta i ŋilu jur logon ta mo lubbö i morga na lepeŋ lu.

Nyökit 30:20

i nyaŋu na MATAT Ŋun losu, i yiŋga na gworo lonyit, ko i ’depakiŋdya ko lepeŋ ŋo; kogwon koŋdya sona a ru nasu ko a jolan na kiŋajin kasu, anyen ta böŋö si ’da i lu jur logon MATAT a milyekin merenyejin kasu logon a ko Abarayama, ko Yisaka, ko Yakobo, i tikiŋdya na lepeŋat lu.

Nyökit 4:29

Ama ko ta ködyö ga ’yu MATAT Ŋun losu nyu, ta mo ryöryö lepeŋ ko ta ködyö mo ga ’yu lepeŋ ko töilyet kasu liŋ ko ködu dwölön kasu liŋ.

Nyökit 5:29

Ködyö a na ’but ko se gwon ko yeyeet gwoso ŋina temba i perok liŋ i kugga na nan ko i ’debba na saresi kwe liŋ, anyen kulya kase ködyö tu ’bura se ko ŋwajik kase ŋupi!

Nyökit 5:33

A ta ködyö wöröjine i kiko liŋ logon MATAT ŋun losu a saŋi ta lo, anyen ta böŋö gwon jörun, ko anyen kulya kasu böŋö tu ’bura, anyen ta si ’da kiŋajin jore i lu jur logon ta mo ’de ’deŋ lu.

Nyökit 6:13

A ta kujonöni MATAT Ŋun losu, a ta kitakiŋdye lepeŋ, a milyeji ’diŋdya karin kanyit.

Nyökit 6:2

anyen ta böŋö kukuk MATAT ŋun losu, ta ko ŋwajik kasu se ko nyakwariat kasu, i ’debba na saresi kanyit liŋ lo wurö se ko jujuwesi kanyit logon nan a saŋi ta kulo, i perok liŋ ti gwiliŋit nasu; anyen ta si ’da ko kiŋajin jore.

Nyökit 6:24

A MATAT aje sarakin yi i koŋdya na kilo saresi liŋ lo wurö, i kugga na MATAT Ŋun likaŋ, anyen gwon a na ’but kayaŋ perok liŋ, anyen nye böŋö tiŋdu yi gwon jörun, gwoso na lo lor na.

Nyökit 6:5

do ködyö nyanyar MATAT ŋun ilot ko töili ilot liŋ, ko ködudwo iŋot liŋ, ko riŋit iŋot liŋ.

1 Timoteo 1:5

Kwe nagon yi sasaŋi sona na anyen tiŋdu se i nyaŋu ko nyaret na po kaŋo i toili loke, ko i deŋdya na ’but, se ko i yubbö ko to ’diri.

Ebere 12:28

Nyenagon ti yi tiŋdi ta tinate kogon yi aje wuju tumatyan nagon ti bulö böbönö na. Ti yi kwakwaddi ta Ŋun i kiko logon tulyöŋgu lepeŋ i kugga ko i kujönö,

Yosua 22:5

Ama meddi ta ’bura i koŋdya na jujuwet se ko saret, logon Mose köliŋönit lo MATAT aje saŋi ta kilo, i nyaŋu na MATAT ŋun losu, ko i wörö kanyit i kikolin liŋ, ko i ’debba na saresi kanyit, ko i ’depakiŋdya go ko lepeŋ, ko i kitakiŋdya na lepeŋ ko töilyet kasu liŋ se ko ködu dwölön kasu liŋ.

Yosua 24:14

Nyenagon so pinana kuŋge ta MATAT, ko kitakiŋdye ta lepeŋ i tugwakan ko i to ’diri; ko paji ta ŋunyen logon merenyejin kasu aje kitakiŋdya lepeŋat i nu pele na lu Kare ko i Ejipeto kulu, ko kitakiŋdye ta MATAT.

1 Yoane 2:15

Ko nyaŋu ta na kak kode ŋo nagon gwon i na kak kune, a ko lele ŋuto nyanyar na kak, a nyaŋu na Ŋun Monye gwe ’bayin kanyit i toili.

1 Yoane 5:5

Ŋa logon a katelanit lo na kak? Nye ŋona ti gwon a ŋuto lo yubbö adi Yesu a Ŋuro lo Ŋun lo le?

1 Samuele 12:20

a Samuele kulyani ko ŋutu adi, Ko kujönö ta; ma ’di nagon ta aje koŋdya kine toronjin liŋ, ama an ta ko girara kaŋo i kepöddu na MATAT, ama kita-kiŋdye ta MATAT ko töilyet kasu liŋ;