Nyökit 10:11 - Bibilia Buk na Ŋun nagon koti luŋu a

¹¹ A MATAT kulyani ko nan adi, ŋine ki, ŋiörö ko kilo ŋutu ŋerot, anyen se böŋö lubbö lukata i morga na jur, logon nan a milyekin merenyejin kase adi nan titin se lu.

Nyökit 10:11 ပူးပေါင်းရင်းမြစ်များ

Yuörö 32:34

Nyena soŋinana iti, nyömöddi kilo Ŋutu tojo i nu pirit na jamakin nan do nu; meddi, malaikatat liŋ mo tutu konut ŋerot. Ama kudyakan i lor logon nan mo tu i meddya lu, a nan mo ropakiŋdye toronjin kase kase i kusik.

Yuörö 33:1

A MATAT kulyani ko Mose adi, Do se ko kilo Ŋutu logon do aje jon kaŋo i jur lo Ejipeto kulo, ŋiörö ta kaŋo, iti ta tojo i jur logon nan a milyekin tiŋdu Abarayama, ko Yisaka, ko Yakobo lu adi, ’Diri ’diri nan mo titin nyakwariat kasu.

Nyökit 1:8

Meddi ta, nan aje tiŋdu ta lo jur kasu i komor; lupöni ta lukata ko morgi ta lu jur logon nan MATAT aje milyekin tiŋdu merenyejin kasu, logon a ko Abarayama, ko Yisaka, ko Yakobo, ko nyakwariat kase i mukök kilo.

Nyökit 10:10

A nan mönuŋdye i mere ki perok merya Iŋwan gwoso na kokwe nu, a MATAT yiŋge nan i nu diŋit köti; a MATAT tine ’dekan tukaŋu ta.

Nyökit 10:12

Nyenagoŋ do kötumit na Yisaraele, ŋo a nyo nagoŋ MATAT Ŋun losu ’de ’deggi kasu? Do ködyö kugga MATAT Ŋun ilot, i wörö kanyit i kikolin liŋ i nyaŋu na lepeŋ, i kitakiŋdya na MATAT Ŋun ilot, ko töili ilot liŋ, se ko ködudwo iŋot liŋ,