Nyökit 10:10 - Bibilia Buk na Ŋun nagon koti luŋu a

¹⁰ A nan mönuŋdye i mere ki perok merya Iŋwan gwoso na kokwe nu, a MATAT yiŋge nan i nu diŋit köti; a MATAT tine ’dekan tukaŋu ta.

Nyökit 10:10 ပူးပေါင်းရင်းမြစ်များ

Yuörö 24:18

A Mose lupöni i luru lukata a kiyaddi i mere ki. A Mose iŋge si ’da i mere ko perok merya Iŋwan tuparan ko tukwaje.

Yuörö 32:14

A MATAT löpuŋge töili i ŋina ŋo naron nagon nye a kulya adi nye kökonakin Ŋutu kanyit na.

Yuörö 33:17

A MATAT kulyani ko Mose adi, Nan mo koŋdya na ŋo gwak na kulyari do na; kogwon do a ryö ’busan köyö i komor, a nan deŋdi do ko karin kunök.

Yuörö 34:28

A Mose gwe nyu ko MATAT perok merya Iŋwan tuparan ko tukwaje; a nye gwe a ko nyesu kinyo kode möju pioŋ. A nye wuŋe kulyaesi ti tomoret logon a saresi puök kulo i ŋurupö na ’dayatak.

Matayo 27:42

Lepeŋ lwöggu kulye ŋutu; ama nye ti bulö lwöggu mugun. Lepeŋ a Mor lo Yisaraele! Ti nye poŋdi kak i ködini na görö soŋinana, a yi de yubbe lepeŋ.

Nyökit 10:11

A MATAT kulyani ko nan adi, ŋine ki, ŋiörö ko kilo ŋutu ŋerot, anyen se böŋö lubbö lukata i morga na jur, logon nan a milyekin merenyejin kase adi nan titin se lu.

Nyökit 9:25

A nan ’dorone kak ko MATAT i komor i kilu perok merya Iŋwan lo ’doro ’i nan kulo; kogwon MATAT aje kulya adi nye mo tutukar ta.