Nyökit 1:7 - Bibilia Buk na Ŋun nagon koti luŋu a

⁷ ŋine ta ki, ko Yuörö ta Yuörö tojo i Jur lo Amori logon a merya, ko i ŋutu liŋ lo diŋö ko se i Araba, ko i merya, ko i piritön na ’daya-tak, ko i jur lo Loki, ko i kutuk na tor, kweja adi lu jur lo Kanana, ko Libaŋon, tojo ko lu kare duma logon a kare Perat.

Nyökit 1:7 ပူးပေါင်းရင်းမြစ်များ

Suluet 12:9

A Abarama Köti jölöjine ŋerot tojo i swöt lo Loki.

2 Samuele 8:3

A Dawidi koti te ’yi Adadejer ŋuro lo Rekoba, mor lo Soba, na tiri nye i nyoggu na togwi ’dikiŋdya na ŋurupit nyona ko kare Perat a toyeyeet lo te ’ya nanyit nu.

1 Dekat 18:3

A Dawidi köti te ’yi Adadejer mor lo Soba, i swöt lo Kamat na tiri nye i togwi ’dikiŋdya na ŋurupit nyona ko kare Perat a toyeyeet lo te ’ya nanyit nu.

1 Dekat 27:29

A Siteri lo Saron gwe a kamemetanit lo toro ’bo na babaju i jur lo Saron; a Sapat ŋuro lo Adelai gwe a kamemetanit lo toro ’bo na babaju i piritön na ’dir.

1 Dekat 5:9

A se köti iŋge si ’da i swöt lo ’yure tojo ko lupet na yöbu na sese i na pele na Perat, kogwon toro ’bo kase aje ŋdi i jur lo Gilada.

Yuörö 23:31

A nan mo tiŋdi lokökoritan kasu suluja i Tör Nator tojo ko tör na Ŋutu ti Pelesete, Köti suluja i yöbu tojo ko kare Perat; kogwon nan mo pakiŋdya Ŋutu ti lu jur kasu i könisi; a ta mo riköddi se kaŋo kasu i komor.

Amosa 2:9

Kolumbo a nan tukaŋi ŋutu ti Amori ko lepeŋat i komor, kilo ŋutu a lojo gwoso kaden tika ko a iŋgo gwoso kaden logon a rinö. A nan tukaŋi se liŋ ju ludweki ko kokori.

Kenet 10:12

a ŋutu ti Yisaraele ŋiörö ŋiörö temba i jölö nase i yöbu na Sinai; a luru gwo ’de i yöbu na Paran.

Nyökit 1:19

A yi köju Yuörö Orebe, a lwöŋöddi nu yöbu na sese duma nagoŋ kukujö-nörikin, nagoŋ ta a met i kiko lo tiri lojo ko jur lo Amori logon a merya, gwoso nagoŋ MATAT Ŋun likaŋ a saŋi yi na; a yi ’dure Kadesa-barenea.

Nyökit 11:11

ama lu jur logon ta de laŋaddu lukata i morga na lepeŋ lu gwon a jur lo merya se ko luruki, logon mömöju pioŋ ti kudu na ’duun ki,

Nyökit 11:24

A piritön liŋ nagoŋ ta a ryoryok ko ’dapan kasu kune mo gwe a kasu; a lokökoritan kasu mo suluje i yöbu tojo ko Libaŋon, ko i lu kare logon a kare Perat, tojo ko tör duma na ’balaŋ na gwon i swöt lo toko-tyaŋ na.

Yosua 1:4

A jur lo Kiti liŋ tojo ko Tor Duma na ’balaŋ na metaddu i swöt lo ’doro ’i kolor lu mo gwe a koresi kasu, suluja i yöbu na sese ko i na Libanon tojo ko kare duma logon a kare Perat.

Yosua 10:40

Nyena a Yosua iŋge te ’ya ŋilu jur liŋ, kweja adi jur lo merya, ko lo swöt lo loki, ko lo jur lo gwon kak, ko lo dudu-lesi, se ko moran kase liŋ; a nye gwe a ko kölökin lele jörun; ama a nye tukaŋi ŋutu liŋ lo gwon jörun kulo asut, gwoso na sarakiŋdye MATAT ŋun lo Yisaraele nu.

Yosua 24:15

A ko ta ti ’bön kitakiŋdya MATAT, a ta wuluŋdye ta i lo lor ko ta kitakiŋdya ŋa, kode ta ŋona kitakiŋdya ŋunyen logon merenyejin kasu a kitakin i nu pele na Kare, kode ŋunyen ti ŋutu ti Amori logon ta a si ’da kase i jur kulu. Ama ko gwe gwoso nan se ko mede nio, yi kitakiŋdya MATAT.

Yosua 9:1

A ko gwe sona na yiŋge moran liŋ lo gwon i nu pele na Yardene kine kulya nu, kweja adi se lo gwon i merya ki, ko i jur lo gwon i dudulet, ko i kijit na tör duma na ’balaŋ na gwon i komor na Libanon, a kilo moran ti ŋutu ti Kiti, ko ti Amori, ko ti Kanana, ko ti Peŋi, ko ti Kiwi, ko ti Yebusi

Kweyatti 9:14

A ŋilo gworo takiŋdye malaikatat tobuker logon ko buruŋ i lo adi, Laggi malaikajin iŋwan logon a rereka yu i kare duma Perat.