Nyökit 1:44 - Bibilia Buk na Ŋun nagon koti luŋu a

⁴⁴ A ŋutu ti Amori lo si ’da i lu jur logon a merya kulo buranyakiŋdye kasu loki, a riköddi ta gwoso na koŋdi siwa na, a gwugwuddye ta kak Seir yu tojo ko Korma.

Nyökit 1:44 ပူးပေါင်းရင်းမြစ်များ

Saumajin 118:12

Se a dudurökin köyö gwoso siwa se tutule parik gwoso kimaŋ na kikwa; ama i karin ti MATAT a nan riköddi se kaŋo!

Yisaya 7:18

A mo gwe sona i ŋilu lor, a MATAT mo kukuwituŋdye kadoŋon lo gwon i pipiresi ti karyati Ejipeto, se ko siwa lo gwon i jur lo Asura.

Kenet 14:45

A ŋutu ti Amalek ko ŋutu ti Kanana lo sisi ’datu i lu jur logon a merya kulo luluru kak, a iŋge te se a riköddi se tojo ko Korma.

Kenet 21:3

a MATAT yiŋge gworolo ti ŋutu ti Yisaraele, a pakiŋdye ŋutu ti Kanana kase i könisi, a se tukaŋi lepeŋat ko köjinö kase asut; a karin ti nu pirit luŋuni a Korma.

Nyökit 28:25

A MATAT mo tiŋdi ta i tela ko merok kasu i komor; a ta mo lupuŋdye kaŋo ko se ko kiko geleŋ, a mo toreajine kaŋo kase i komor i kikolin buryo; a tumatyanjin ti kak liŋ mo rigwokoni rigwökö ko kulya kasu.

Nyökit 32:30

ŋuto geleŋ ŋona bubulö doŋgu ŋutu aliŋ geleŋ, kode ŋutu murek bubulö riköddu ŋutu alipan puök le? Kine kulya ködyö ti bulö gwon sona ko ködyö Lurutat lose a ko tugwöŋu se, iŋkoi ko ködyö MATAT a ko pakin se. ’Bayin sona le?

Yosua 7:5

a ŋutu ti Ai tatujeŋutu kase gwoso merya musala wot buker, a se rikoddi lepeŋat i komor na lupet na köji tojo ko Sebarim, a tatuje se i pirit dudulet. A töilyet ti ŋutu doddi doddya ko kujönö, a poŋdi gwoso pioŋ.