Nyökit 1:16 - Bibilia Buk na Ŋun nagon koti luŋu a

¹⁶ I nu diŋit nan a saŋu ka ’duŋök kasu ti putesi adi, Yiŋge ta kulya na gwon i kiden na luŋösurök, ko ’duŋöki ta gwogwo putet lo ŋuto ko luŋaser lonyit kode ko lwakatyo lo gwon ko lepeŋ lo.

Nyökit 1:16 ပူးပေါင်းရင်းမြစ်များ

Suluet 18:25

Ti do gwe pajo i koŋdya na ŋo gwoso ŋina i tatuja na Ŋutu lo rigwo ko lorok i pirit na geleŋ, anyen kulya ti Ŋutu lo rigwo ko lorok gwon jojo! Ti do gwe pajo i ŋo gwoso ŋina! Ka ’duŋönit lo kak liŋ ŋona ti ’duŋgö gwogwo le?

2 Samuele 23:3

Ŋun lo Yisaraele aje jambu, Lurutat lo Yisaraele aje jamakin nan adi, Ŋuto logon a kasaranit lo rigwo, logon a saŋu ko kujönö na Ŋun,

Saumajin 58:1

Ta kasarak, ta ’duŋgö ŋutet ko to ’diri le? Ta ŋona ’duŋökindyö ŋutu ŋutet rigwo le?

Yuörö 22:21

Do ködyö ti konakiŋdya lwakatyo lo si ’da kasu kiden lo arabat, kode rudakin lepeŋ kak, kogwon ta köju a lwaka i jur lo Ejipeto.

Tolupesi 31:9

ŋaji kutuk inot ko ’duŋge gwogwo, lilije ’bura putesi ti ŋutu lomerika se ko ŋutu lo gwon ko yöŋö.

Lewi 19:15

Do ködyö ti tukwölöŋgu i ’duŋgö na putet; do ködyö ti nyaŋu ŋuto lomeri kode bu ’ya ŋuto duma, ama do ködyö ’duŋgö kulya ti marate ilot ko torigwo.

Lewi 24:22

Ta ködyö gwon ko saret geleŋ i kulya ti ŋuto lo si ’da a lepetyo ko i nye lo yuŋwe i jur lo; kogwon nan a MATAT ŋun losu.

Kenet 27:19

ko togwi ’dikiŋdye lepeŋ ko koane Elejara i komor se ko i komor na na momoret liŋ, a do sarakiŋdye lepeŋ a se memeddya.

Yoane 7:24

An ta ko ’duŋgo ta gwoso na meddi ta na, ama ’duŋge ta gwogwo.

Nyökit 1:15

A nan ’dumuŋdye kusik ti kötumitön kasu, logon a ŋutu lokoŋ lo diniki, a nan tiŋdi se kasu ŋerot a kasarak ti ŋutu alipan, ko a kasarak ti ŋutu miajin, ko a kasarak ti ŋutu merya mu-kanat, ko a kasarak ti ŋutu puök, ko a yumiat gwoso i kotumiton kasu liŋ geleŋ geleŋ.

Nyökit 24:14

A do ködyö tine ru ’ya kölipönit lo roröpaki logon a lomeri ko lo yöŋö ŋo, kode nye a lele lo luŋösurök, kode a lele lose lo si ’da a lepetyo kasu i jur i turön kasu lukata;

Nyökit 25:1

Ko ŋutu gwon ko nene rerenyet kase kiden, a se iti i putet, a ka ’duŋok ’duŋokiŋdye i kiden nase, a se ködyö keŋdi ŋuto lo rigwo adi ’bak kulya, a ’duŋokiŋdye katoronyanit putet.

Nyökit 27:11

A Mose saŋi kulu ŋutu i lu lor gwak adi,

Nyökit 31:14

A MATAT kulyani ko Mose adi, Meddi, perok twaesi kulök gwe nyona; luŋgi Yosua, ko kwekiŋdye ta ’börik i kemia torumet anyen nan böŋö saŋu lepeŋ. A Mose ko Yosua iti tu a kwekiŋdye ’börik i kemia torumet.

1 Tesalonike 2:11

Ta deden adi yi gwon kasu liŋ geleŋ geleŋ gwoso monye ko ŋwajik kanyit, i mo ’yu na ta, ko i togo’yu na ta, ko i jujuja na ta,

1 Timoteo 5:21

Nan saŋu do ko Ŋun i komŋo, ko i komor na Kristo Yesu se ko na malaikajin lo wulwe adi, ti do ’depe ’dep kilo saresi ’bak nyunyumbo, koti ko koŋdya nene ŋo i swot geleŋ.

1 Timoteo 6:17

Sare sar ŋutu logon a kwörinikö a gwe ko toro ’bo jore ti na kak kilo, adi, ti se gwe ti gwon a kabulak ti kusik, ko ti se gwe ti tiŋdu yeyeesi kase i tukwörienjin nagon ti yiniki kine, ama ti se pakiŋdye ’börik ko Ŋun logon a kwörinit logon titiŋdu yi ŋo liŋ abur anyen yi lyölyöŋi ko se lo.