Mika 7:9 - Bibilia Buk na Ŋun nagon koti luŋu a

⁹ Nan mo ŋogoŋ woran na MATAT, kogwon nan a toroŋdya lepeŋ arabat, nan mo ŋogoŋ tojo nye a gwo ’dan i kulya kwe a ’dupokiŋdye nan putet. A lepeŋ mo joŋgi nan i parara; a nan mo meddi löti lonyit lo rigwo.

Mika 7:9 ပူးပေါင်းရင်းမြစ်များ

2 Samuele 24:17

A Dawidi jambi ko MATAT na meddi nye malaikatat logon tomöŋ ŋutu lu adi, Mete, nan logon a toroŋdya, nan aje koŋdya arabat; ama kine yidin a koŋdya nyo? Böŋö ti könin ilot möröni ko nan ko kötumit na baba.

Eyobo 23:10

Ama lepeŋ deden wörö nio; a nagon nye tembi nan gwoso ŋuto lo ŋoŋoja dakap nu, a nan puku a dakap.

Eyobo 35:14

Bia parik na kulyari do adi do ti met lepeŋ, adi putet ilot a tiki ko lepeŋ i komor, a do möŋdi lepeŋ!

Saumajin 119:154

Jundye ŋutet lio, ko dakundye nan kaŋo; toruje nan gwoso na kulyari do na!

Saumajin 37:6

A nye de kondi loti ilot lo rigwo kokobbu gwoso parara, a kwekindye ŋutet ilot a loke adi lor gwoso kolor i tuparan kiden.

Saumajin 43:1

Pon Ŋun, ’duŋge ŋutet lio adi nan ’bak kulya, jundye kulya kwe i gweyari lo ŋutu logon ti den do Ŋun kilo; lwöggi nan i ŋutu kamu mulu kak ko a lorok kilo!

Saumajin 7:6

Pon MATAT, ŋine ki i woran inot, ’bili mugun ki i ŋoma ko kapisak kwe! Pon Ŋun, purwene i doto kogwon kulya kwe; kogwon do a sarakindya adi ti ŋutet ködyö ’duŋöni gwogwo.

Saumajin 94:15

Kogwon ’duŋgö na ŋutet mo yitö bot i kulya na rigwo, nyenagon a ŋutu liŋ lo gwon gwogwo i töilyet kulo mo kebbi ’duŋgö ko torigwo.

Yisaya 42:16

A nan mo tuwöpoji ŋutu mo ’dokeno i kiko logon se a ko den lo, a nan mo nyömöddi lepeŋat i gwokiot logon se a ko den kulo. A nan mo lopuŋge mudwe a parara kase i komor, a löpuŋge piritön ko ’dulan a na ’dayatak. A nan mo koŋdi kine kulya, a nan mo tine kölökin se.

Yisaya 42:7

anyen ŋaju konyen lo mo ’dokeju, i tolupuŋdyö na ŋutu lo rerekakaŋo i pirit rereket, ko se logon sisi ’da i mudwe na kadi rereket.

Yisaya 46:13

nan aje tomijun teletnyona, a nye tine gwon pajo, a nan mo tine karakin i lwöŋgu; a nan mo tiŋdi ŋutu ti Siona lwökir, a mo tiŋdi ŋutu ti Yisaraele bulet nio.

Yisaya 51:22

MATAT, logon a MATAT Ŋun ilot, logon a juŋdyö kulya ti ŋutu kanyit lo kulya adi, Meddi, nan aje ’dumara konut i könin nu diköri nagon tiŋdu ŋutu i luluŋtö ko meran, nye a diköri na woran nio na pape, a do mo tine möju ko lepeŋ köti:

Yisaya 56:1

MATAT lo kulya sona adi, ’Debbi ta ’duŋgö gwogwo, koŋdi ta kulya na rigwo, kogwon i diŋit a na ’dit döŋdi a lwökit nio nagon nan lwöŋgi ŋutu nade poni pö a de kweyani kweya.

Yeremia 10:19

Wöidiö kogwon nan totomie, ’dika nio a naron parik. Ama a nan kulyani adi, ’Diri ŋina a sasanyet, ti nan ŋoŋgi lepeŋ.

Yeremia 14:7

Pon MATAT, ma ’di ködyo toronjin kaŋ a tokurukiŋdyö adi yi a koŋdya arabat, boŋo ti do kitani kogwon karin kunök; kogwon yi a kukutörö bot daŋin jore, a yi iŋge toroŋdya do.

Yeremia 51:10

MATAT aje kweja adi yi a lorigwo; po ta, ti yi tukörö ta kita na MATAT Ŋun likaŋ Siona yu.

Delyasi 1:18

A köji gwine adi, MATAT a lo rigwo nan aje renya saresi kanyit; ama ta ŋutu liŋ ti juron yiŋge ta, ko meddi ta ŋoŋga nio; kö ’disi kwe se ko teton kwe aje joŋa i to ’dupien.

Lewi 26:41

a nan wöröjine a wok kasu a joŋgi lepeŋat tojo i jur lo merok kase; nyena ko töilyet kase logon a ti ŋutu logon a ko yubbö nan kulo a tokoyokwe kak, a se iŋge ropakin ŋonyan nase;

Malaki 3:18

A ta mo yitwene i kuruŋdyo na tuka ’de i kiden na ŋuto lo loti lo ’but se ko ŋuto loron, ko i kiden na ŋuto lo kitakiŋdya ŋun se ko nye logon ti kitakiŋdya lepeŋ lo.

1 Korinto 4:5

Nyenagon ko lilija ta kulya ti lele Ŋuto i ŋerot na nu diŋit, tojo ko Matat a po. Lepeŋ mo kwe kweyun Iwono na gwon i mudwe kune i parara, iŋkoi, lepeŋ mo kwekwe yeyeesi nagon ŋutu a ’de kase i töilyet kune. A kirut Ŋun mo pupurje ŋutu liŋ geleŋ geleŋ.

2 Timoteo 4:8

Soŋinana yöŋgi Iŋguya telet logon mömöŋdu nan, ŋilo Iŋguya a Löti lo rigwo logon Matat ka ’duŋönit lo rigwo mo tikin nan i lor lo ’dutet. Ti gwon a nan lo tiki geleŋ, ama tiki ŋutu liŋ logon gwon ko pusök i mböŋu na pukun nanyit kilo.

Kweyatti 18:20

Do ki, lyöŋi lyöŋön, ta ŋutu ti Ŋun, ko ta luyökie, se ko ta nebijin, lyoŋi ta lyöŋön i kulya kanyit, kogwon Ŋun aje ’duŋökiŋdyö lepeŋ putet arabat i kulya kasu!

1 Samuele 24:15

Nyenagon ti MATAT gwe a kaliliyanit likaŋ, anyen ’duŋöki-ŋdyö kine kulya i kiden nikaŋ ko do. Ti nye meddi ko ti tokurukiŋdye kulya kwe, i ’buruŋdya na nan kaŋo konut i könin.

1 Samuele 25:39

A Dawidi ko yiŋge adi Nabala aje twan, a nye kulyani adi, Ti MATAT purani ŋura logon a ropakiŋdya moresi nagon Nabala mori nan kune, a iŋge tiŋikiŋdyö nan köliŋönit lonyit i koŋdya na toron. MATAT aje nyökökiŋdyö konesi narok ti Nabala kanyit i kwe. A Dawidi sonyoddi ŋutu i yoyoja na Abigaila, ko i joŋdya na lepeŋ a narakwan nanyit.

1 Samuele 26:10

A Dawidi kulyani adi, ’Diri gwak gwoso na gwoŋdi MATAT na, MATAT mo lo riŋga lepeŋ, kode nye mo ko twan i lor lonyit, kode nye tu i mörö a tatuani tatua.

1 Samuele 3:18

A Samuele nyönyo-kokiŋdye lepeŋ kulya liŋ a tine ’de ’ya kunie ko lepeŋ asut. A Eli kulyani adi, ŋilo a MATAT; ti lepeŋ koŋdi ŋo nagon nye a met adi a na ’but kanyit.