Mika 7:8 - Bibilia Buk na Ŋun nagon koti luŋu a

⁸ Ta merok kwe, ko lyöŋön ta ko nan; ma ’di nagon nan aje ’doro nan mo ŋiŋien, a ko nan si ’da i mudwe, a MATAT mo lo gwe a parara nio.

Mika 7:8 ပူးပေါင်းရင်းမြစ်များ

Eyobo 31:29

Ko nan a meddya ŋuto logon maman nan i tukara, nan ŋona lyölyöŋön. A ko toron a mok lepeŋ a nan ŋona poki i nyola le?

Saumajin 112:4

Parara ŋuŋukun i mudwe lukata i ŋutu lo rigwo; kogwon MATAT a kanyaranit, lepeŋ wowon konyen parik ko ŋutu, lepeŋ a lo rigwo.

Saumajin 143:3

Kogwon miriku aje sasandu nan, nye aje muyukakindya ru nio kak. Nye aje tindu nan i si ’da i piritön ti mudwe gwoso ŋutu logon a twatwa köju ’beron kulu.

Saumajin 20:8

Se mo nyökwe kak a ’do ’done ’do ’do; ama yi mo ŋiŋien ko gwogwo ’dan gwogwo.

Saumajin 27:1

MATAT gwon a parara nio ko a kalwökönit lio; nan ŋona kukujönö lon ŋuto? MATAT a mera nago na ru nio; ŋa ŋona logon bubulö tokujöndu nan?

Saumajin 35:19

Ti kulo ŋutu logon a merok kwe kulo gwe ti kweni ’e nan ko kana, ti ŋutu logon maman nan ’bak kwe na kulya kilo, ti gwe ti mimi ’digga nan ko konyen le kase.

Saumajin 37:21

Ŋuto loron kukuŋö möri, a tine bulö ropakindya bot, ama ŋuto lo rigwo könin gwon ŋa i ’dogga.

Saumajin 37:24

Ma ’di ko nye a ’doro, a nye mo tine ’doro asut; kogwon MATAT mo jekundya könin lonyit.

Saumajin 38:16

Kogwon nan a kulya adi, Ti se gwe ti kweni ’e nan, logon bu ’ya ’börik i jeleta na mokosi kwe kilo!

Saumajin 84:11

Kogwon MATAT Ŋun gwon a kolor ko a ’buku gayet; MATAT a tindu ’busan ko bulet. Nye ti renya tindu nene ŋo geleŋ na ’but i ŋutu logon wöwörö gwogwo kulo.

Saumajin 97:11

ŋun pararakindya i ŋutu lo rigwo, nye tindu lyöŋön i ŋutu lo gwon gwogwo i töilyet.

Yisaya 2:5

Ta kotumit na Yakobo, po ta, ti yi woroni ta i parara na MATAT.

Yisaya 49:9

anyen do kulya ko ŋutu lo rerekaadi, Lupene ta kaŋo, ko se lo gwon i mudwe adi, Kweuŋdye ta ’börik kiŋo. A se mo nyööddi i kikolin, a piritön nyöesi kase mo gwe i ko ’dulan liŋ ti merya nagon a tereryat;

Yisaya 50:10

Ŋa logon kasu kiden logon kukuk MATAT, a yiŋge gworo lo kölipönit lonyit? Ŋilo ŋuto wöwörö i mudwe a tine gwon ko parara, ama a nye yinikiŋdye karin ti MATAT a tökökiŋdye mugun i Ŋun lonyit.

Yisaya 9:2

Ŋuto lo wöwörö i mudwe kilo a meddya parara duma; se logon sisi ’da i jur logon twan gwon kata kilo, parara a loja se.

Yeremia 48:27

Do ŋona a ko kweni ’e Yisaraele le? Do ŋona a ryö lepeŋ i kiden na kolak? Ŋina ŋona a kwe nagon do dodoŋga kwe inot i diŋitan liŋ na jambi do i kulya kanyit na?

Yeremia 50:11

Ta karyakak lo ryaggu ŋutu kwe lomoriot kilo, ma ’di ködyö ta lyölyöŋi, ma ’di ködyö ta nyonyola, ma ’di ködyö ta wörö abur gwoso tagwok i döru kata, ma ’di ködyö ta wuwuŋi gwoso kusanjin kaluwak,

Yeremia 8:4

A do mo kulyani ko lepeŋat adi, Nan MATAT lo kulya adi, Ko ŋutu a ’do ’do kak, lepeŋat ŋona ti bulö ŋien ki köti le? A ko ŋuto a koraddu mugun kaŋo, nye ŋona ti bulö yitwe le?

Ejikele 25:6

Nyena nan MATAT ŊUN aje jambu adi, Kogwon ta aje naŋgu könisi kasu, a lame lam, a lyöŋi lyöŋön ko ’dö ’döju kasu i töilyet i maŋdu na jur lo Yisaraele,

Ejikele 35:15

Nyena nan mo kokonakin jur losu gwoso na lyöŋgi ta ko jur lomore lo kötumit na Yisaraele kogwon nye a kona a murwö. Do mere Seir, iŋkoi, do jur lo Edom liŋ mo gwon a murwöki kweja adi i swötön kulök liŋ. A kirut ŋutu mo deŋdi adi nan logon a MATAT.

Ejikele 36:5

Nyenagon nan MATAT ŊUN lo kulya adi, I yulön nio na pape nan jambu po narok i kulya ti kulye jurön, kegga nan jambu i kulya ti Edom. Ŋutu ti Edom ’de ’dekan jur lio a lose, lepeŋat lyölyöpi ko töilyet liŋ jambu ’da ’daresi, anyen morga jur a ryaggi nye.

Amosa 9:11

A i ŋilu lor a nan mo ’bilikiŋdye tumatyan na Dawidi ki nagon gwoso morogo nagon a ’doro kak na, a nyöggi teteŋdya piriton kanyit na tutulujo, a ’bilikiŋdye murwo nanyit ki a nyöggi ’duggö nye gwoso na ’beron koju nu,

Obadia 1:12

Ama do kodyo ti lyoŋon i med-dya na lor delyaet lo lupösurök, do kodyo ti kwekweni ko ŋutu ti Yuda i lor lose tukaret; a do kodyo tine jambu a lulayak i lor delyaet.

Mika 4:10

Do köji na Siona, tomieni tomie i ruuŋdya, gwoso ŋuto na tata ’du; kogwon soŋinana ŋutu kulök mo kökolokin köji a si ’dani mu ’diŋ, a se mo iti tojo Babela. A se mo lwökoni lwökö nyu, a MATAT mo riŋuŋdye se kaŋo i könisi ti merok kulok.

Mika 7:10

A kirut merok kwe mo meddi meddya, a yu na kwe mo morgi ŋutu lo pija nan adi, Liya MATAT Ŋun ilot? A nan mo meddi lepeŋat ko lyöŋön i diŋit na ryokari se gwoso wo ’do ’do ti kiko nu.

Jakaria 12:8

I ŋilu lor a nan MATAT mo gaji ŋutu lo si ’da Yerusalema; a i ŋilu lor a ŋutu kase lomunyak mo gwe gwoso Dawidi, a kirut kötumit na Dawidi mo gwe gwoso nan ŋun kase ŋerot, gwoso malaikatat liŋ lo MATAT.

Malaki 4:2

Ama a kolor na loti lo rigwo nagon gwon ko kopukon tokelesi na mo puköki i ta logon kukuk karin kwe kilo. A ta mo luponi kaŋo lyölyöŋiörö gwoso kaja lo kolwe i gorwat.

Matayo 4:16

ŋutu lo si ’da i mudwe kilo a meddya parara duma, se lo si ’da i jur logon twan gwon kata kilo parara a pukökin kase.

Yoane 16:20

’Diri ’diri, nan takiŋdya ta adi ta mo gwigwien ko lulujö, ama a ŋutu ti kak ni mo lyöŋi lyöŋön; ta mo dedelya, ama a delya nasu mo worani a lyoŋön.

Yoane 8:12

A Yesu köti kulyani ko ŋutu kulo adi, Nan a parara na ŋutu ti na kak. Nye logon kebbu nan lo ti wörö i mudwe kwöŋ, ama lepeŋ gwon ko parara toruet.

Konesi 26:18

Nan soŋdu do i ŋaju na konyen kase anyen se löpukuŋdyö kaŋo i mudwe tojo i parara, ko i löpukuŋdyö i riŋit na Satani tojo ko Ŋun ni, anyen toronjin kase böŋö pipitöki, anyen mora ko ŋutu logon Ŋun a wulun a kanyit kulo kogwon yubbö nase na nan.

2 Korinto 4:6

Kogwon Ŋun logon köju a kulya adi, Ti parara parara-uŋdye kaŋo i mudwe lo, ŋilo a Ŋun lo geleŋ logon a pararakiŋdya kayaŋ i töilyet anyen tiŋdu parara nagon denari minyo lo Ŋun i pararauŋdya ko Yesu Kristo i komor.

2 Korinto 4:9

Yi a sasanya, ama Ŋun a ko paju yi. Yi a gwutöki kak, ama yi a ko twatwa.

Kweyatti 21:23

a ŋina köji tine ’dekarikin kolor kode yapa i pararaju kanyit loki, kogwon minyo lo Ŋun aje tiŋdu lepeŋ parara, a ŋilo Kilolor gwe a lombo lonyit.

Kweyatti 22:5

A tukwaje mo köti gwe ’bayin kwöŋ, a lepeŋat mo tine ’dekan parara na lombo kode na kolor, kogwon Matat Ŋun mo lo gwon a parara lose, a se mo tumatyane tumatyan ŋupi ŋupi.