Mika 7:6 - Bibilia Buk na Ŋun nagon koti luŋu a

⁶ Kogwon ŋuro lalet lauŋdya monye, a ŋuro nakwan ŋiki i mörö ko ŋote, a nakwan na tore möröni ko moken; a merok ti monye mede gwe a ŋutu ti mede nanyit.

Mika 7:6 ပူးပေါင်းရင်းမြစ်များ

Suluet 49:4

Do a ko gwi ’dikin go ama do yaara gwoso pioŋ, nyena do mo ti te ’ya kogwon do a laŋgu dotoet nio na munyi, a do iŋge tolut lepeŋ—iŋkoi, do a kiyaddu köyö i dotoet!

2 Samuele 16:11

A Dawidi kulyani ko Abisai ko köliŋönök kanyit liŋ adi, Mete ta, ŋuro liŋ logon lupuŋdyö köyö i pele lo ga ’yu tatuja nan; bia parik ŋilo Benya-minatyo. Kö ’yi ta lepeŋ, ti lepeŋ tomore; kogwon MATAT a sarakin lepeŋ.

Saumajin 41:9

Ma ’di ju lio logon yi totoden logon nan a yinikin lepeŋ, logon a nyesu kinyo lio lo a ’bi ’yu moköt ki a gwoji nan.

Tolupesi 30:11

Kulye ŋutu kata logon momoröju komonye a tine bu ’ya kŋgote.

Tolupesi 30:17

Korukan ti pirit na ’dir mo wulu-dun konyen ti ŋuto kaŋo logon a ka ’dö ’döyönit lo monye, a renyani twöju ŋote, a logulusen mo nyesi se.

Yisaya 3:5

A ŋutu de torude toru ko ’börik, ŋutu liŋ ko maratejin kase; a ŋuro de bu ’ye mugun ko temejiktyo, a ŋuto lo ’dit de bu ’ye mugun ko lo bubula.

Yisaya 9:19

A kak iŋge tumön kogwon tukaŋan na MATAT lo kurumi, a ŋutu gwe gwoso namesi ti kimaŋ; a ŋutu gwe ’bayin lo won konyen ko luŋasirik kase.

Yeremia 12:6

Luŋösurök se ko karu kulök a mumulugga do. Lepeŋat a gwiörö konut i mukök parik; ko yubbö lepeŋat ma ’di se ködyö a jamakiŋdya do kulya na ’but.

Yeremia 20:10

Kujönö kata i swötön kwe liŋ. Nan a yiŋ ŋutu i morga adi, ŋöki ta lepeŋ! Ti yi pöki ta lepeŋ! Julin kwe liŋ mömöŋdu ’doro nio, lepeŋat kulya adi, Kode ŋona lepeŋ mo mumuluka, a kirut yi bulöni bulö te ’ya lepeŋ, a yi ropakiŋdye lepeŋ toron.

Yeremia 9:4

Ti ŋutu liŋ geleŋ geleŋ tiji ’börik ’bura i maratejin kase, ti se gwe ti yinikiŋdyö ’börik i luŋasirik; kogwon ŋutu liŋ ga ’yu ruddya luŋasirik gwoso na koŋdi Yako­bo nu, a ŋutu liŋ wöröjine i pökiŋdyö na maratejin kase.

Ejikele 22:7

ŋutu a lauŋdya komonye kase se ko kopote kase konut lukata, se a ru ’ya ŋutu lo mömönuŋdyö, a konakiŋdye kikijikö se ko karu ’bejin arabat konut lukata.

Obadia 1:7

Katokok kulok liŋ aje mumulugga do, se aje riköddu do tojo i koresi ti jur; julin kulok aje te ’ya do; ŋutu logon ŋaŋu kalaba ko do kulo aje tetenakiŋdya do widi— a do tine kurun kine kulya.

Matayo 10:21

A luŋaser mo wukiŋdye luŋaser i tatua, a monye mo wukiŋdye ŋuro lonyit, a ŋwajik mo ŋiki i mörö ko monye lose ko ŋote nase, a tiŋdi lepeŋat i tatua.

Matayo 26:23

A nye waddi adi, Ŋuto lo nye ’ya ko nan i kalaba lo, nye mo lo tiŋdu nan i tatua.

Luka 12:53

a monye mo korani ko ŋuro lonyit, a ŋuro mo korani ko monye; a ŋote mo korani ko ŋuro nanyit, a ŋuro mo korani ko ŋote nanyit; a moken mo korani ko nakwan na tore, a nakwan na tore mo korani ko moken.

Luka 21:16

Nyena ma ’di komunyi ko koŋuti, ko luŋösurök, ko karu kasu, ko julin mojoŋ ta i putet, a se mo tatuje kulye kasu;

Yoane 13:18

Nan ti jambu i kulya kasu liŋ. Nan deden ŋutu logon nan aje wulun kilo; ama kulya ti Ŋun na wurö kine ködyö kokona nagon kulya adi, Ŋuto logon nyesu kinyo liŋ lo a ’bi ’yu moköt ki a gwoji nan.