Mika 7:14 - Bibilia Buk na Ŋun nagon koti luŋu a

¹⁴ Yuŋgi ŋutu kulok ko ture ilot, kilo a teŋ na köbilu nagon a lomore inot, logon si ’da ka ’de mu ’diŋ kata i jur logon ko kinyojin lo ’but; ti lepeŋat nyesi i jur lo Basan ko lo Gilada, gwoso i perok ti ’beron koju kulu.

Mika 7:14 ပူးပေါင်းရင်းမြစ်များ

Saumajin 100:3

Dendi ta adi MATAT a Ŋun ’diri! Nye lo aje gweja yi, a yi gwe a kanyit; yia ŋutu kanyit, nye a kayukunit lo yuggu yi köbilu kanyit.

Saumajin 143:5

Nan a yiyiundyö perok ti köju kulu, i ŋo liŋ nagon do aje kon kune, a nan yeyeŋti ŋo nagon do a kon ko könisi kulök kune.

Saumajin 28:9

Lwöggi ŋutu kulök, ’boroji lomore kulök; yuggi se, ko ’depaddi se ŋupi ŋupi!

Saumajin 95:7

Kogwon nye a Ŋun likaŋ, yi a ŋutu kanyit a nye gwe a kayukunit likaŋ, iŋkoi, lepeŋ yuggu yi köbilu kanyit. Ta ködyö yiyiŋ gworo lonyit i lo lor logon kulya adi,

Yuörö 33:16

Kogwon mo dena ada adi nan se ko Ŋutu kulök a ryö ’busan konut i komor? Ŋutu mo deŋdya adi do a lyöŋön koyi kogwon do a moraddu koyi, ’bayin sona le? Nyena a yi mo gelwene ka ’de, nan ko Ŋutu kulök i kiden na Ŋutu liŋ lo gwon i na kak kulo.

Koli Lo ’but Parik 4:1

Meddi, do kwekwelen nyaratti nio, iŋkoi, do kwekwelen parik! Konyen kulök gwon gwoso gurekii lukata na boŋgo inot muket na komor, a kupir kulök gwe gwoso teŋ na yidin na lulurun kak i mere Gilada.

Yisaya 27:13

A i ŋilu lor a mo gwe a kuta na tore duma, a se logon a likin i jur lo Asura ko se logon a riköji tojo ko jur lo Ejipeto kulu mo poŋdi po, a se mo dulakine, kak ko MATAT i komor i bu ’ya na lepeŋ i mere lonyit loke Yerusalema yu.

Yisaya 35:2

A nye mo turöni abur gwoso ’bokolot, a mo lyöŋi lyöŋön a poki i yolo. A bulet na Libanon ko kwelen na Karmela se ko na Saron mo tikine lepeŋ, a se mo meddi bulet na MATAT, iŋkoi, kwelen na Ŋun likaŋ.

Yisaya 37:24

Do a kweni ’ye MATAT i kölipöpök kulök, a do aje kulya adi, Nan a tu ki ko arabiajin kwe jore tojo i kusik ti merya, töjö i lukata liŋ na Libanon; a nan tukukiŋdye kak kaden lojo lo tötoguŋdya logön gwöso tika kulo, kö kaden saru lo wulwe; a nan poŋdi tojo kö ko ’du nanyit na ’dutet, kö i rudu lonyit lo ’di ’dija gö.

Yisaya 40:11

Nye mo yukuddu teŋ nanyit gwoso kayukunit lo yidin, a nye mo tutunuŋdye yisi kanyit i könisi, nye mo ’dokoddi lepeŋat kanyit i kido, nye mo meyaddi katunökök madaŋ madaŋ.

Yisaya 49:10

a se mo tine maŋora kode moka kure, a tupape na yuyulöŋtu kode kolor mo tine ragakiŋdya i lepeŋat, a nye lo wowon konyen ko se lo mo meyaddi lepeŋat, a mo nyömöddi lepeŋat i lelekesi ti pioŋ nyona.

Yisaya 65:10

A Saron mo worani a pirit yukit na teŋon ti yidin, a pirit na ’dir na Akor mo gwe a pirit nagon kisuk peron kata, kogwon ŋutu kwe logon aje galuŋdya nan.

Yeremia 49:31

MATAT lo kulya adi, Ŋine ta ki, iti ta i mörö i jur lo gwon taliŋ, logon si ’da ’bura ’bak kujönö, logon ’bak kötumitön kode rigilesi, logon si ’da ka ’de.

Delyasi 1:7

I kilu perok na gwoŋdi Yerusalema i delya ko i wörö abur nu, a lepeŋ iŋge yeyeju ŋo kanyit liŋ nakwekwelen ti diŋitan ti köju kunu. A nagon ŋutu kanyit aje moka ko merok nu, a lele ŋuto gwe ’bayin lo parakin-dya lepeŋ, a kaŋisak ko meddi lepeŋ i ’doro a kweni ’e kweni ’e lepeŋ.

Delyasi 5:21

Pon MATAT, toyituŋdye yi konut ni a yi mo yitwene yitwe! Tiki yi i gwolor gwoso na koju nu!

Ejikele 36:11

A nan mo tuŋdije ŋutu ko kijakwa kasu pini, a se mo ŋdine ŋdi jore parik, a nan mo tiŋdi ta i si ’darikin gwoso i diŋit na ’beron köju nu, a nan mo konakiŋdye ta ’bura lwölwöŋ na köju nu, a kirut ta mo deŋdi adi nan logon a MATAT.

Lewi 27:32

A topuökisi liŋ ti kisuk ko ti yidin, iŋkoi toro ’bo nagon a topuökisi liŋ ti teŋon nagon meyaji ko ŋutu kune ködyö gwe a na rurwan ti MATAT.

Amosa 9:11

A i ŋilu lor a nan mo ’bilikiŋdye tumatyan na Dawidi ki nagon gwoso morogo nagon a ’doro kak na, a nyöggi teteŋdya piriton kanyit na tutulujo, a ’bilikiŋdye murwo nanyit ki a nyöggi ’duggö nye gwoso na ’beron koju nu,

Obadia 1:19

A ŋutu ti swöt lo Loki mo rud-dye mere Esau, a ŋutu lo gwon i ’dir na merya kulo mo ruddye jur lo Pelesete; a se mo ruddye jur lo Epuraima ko jur lo Samaria, a kotumit na Benyamina mo ruddye Gilada.

Mika 5:4

A nye mo gwo ’de gwo ’dan ko riŋit na MATAT i yuggu na yidin kanyit, i todumalan na karin ti MATAT Ŋun lonyit. A se mo si ’dani ’bak kujono, kogwon riŋit nanyit aje yegga tojo ko ’dutesi ti kak;

Jepania 3:13

a se mo tine koŋdya nene ŋo naron, a tine jambu ’burönö, a kulyaesi mumulukesi mo tine rye kase i kutusen; kogwon se mo nyenyesu a pere kak ’bak ŋutu lo tokujöŋdu se.

Jakaria 10:10

A nan mo nyökuŋdye se bot i jur lo Ejipeto yu, a momoruŋdye se Asura yu; a nan mo joŋdi se tojo i jur lo Gilada ko lo Libanon, a kinu piritön mo gwe a nagusulak kase.

Jakaria 11:7

Nyena a nan nebi yukukiŋdye katu-jarak ti yidin nu teŋ na yidin nagon tata-tua. A nan ’dumuŋdye turya murek, a nan gwije lele a Töili lo ’but, a gwije lele a Katomoranit, a nan yuggi teŋ na yidin.

Malaki 3:4

A kirut ’dokesi na ’doggi ŋutu ti Yuda ko ti Yerusalema kune mo gwe a na ’but ko MATAT gwoso i perok ti koju ko gwoso i kiŋajin ti ’beron kulu.

Kenet 23:9

Kogwon nan a metun lepeŋat i kusik ti merya, iŋkoi nan a metun lepeŋat i lurwat loki; mete, ŋina a kötumit nagoŋ si ’da geleŋ, a gwe ’bayin i keŋdya na ’börik i kiden na jurön.

Kenet 32:1

A kötumit na Rubena ko na Gada gwe ko teŋon ti toro ’bo nagoŋ a lwöŋgu i tojore nase; a se ko meddi jur lo Yajer ko jur lo Gilada, a nu pirit metani a pirit nagoŋ jujukin toro ’bo.

Kenet 32:4

jur liŋ logon MATAT a te i komor na momoret na ŋutu ti Yisaraele lu a jur lo jujukin toro ’bo; a yi kölipönök kulök kulo gwe ko toro ’bo;

Matayo 2:6

Ta ŋutu ti Beteleme na gwon i jur lo Yuda, ma ’di ködyö kötumit nasu a na ’dit i kiden na kasarak ti Yuda, ama kasaranit mo pupukun kaŋö konut logon mo yuggu ŋutu kwe Yisaraele.

Yoane 17:16

Lepeŋat ti gwon a ti na kak, gwoso nagon nan ’bayin a lo na kak na.

Nyökit 33:28

A ŋutu ti Yisaraele si ’dani ’bura ’bak kujönö, iŋkoi nyakwariat ti Yakobo si ’da ka ’delokon i jur logon a lo ’bolot se ko binyo; logon luŋa köti ’dikolo kanyit a lilimba lu.